Arkiv-Lajme

“Rruga është punësim” ishte mbishkrimi i një foltoreje qeveritare inaugurimesh – këtë e thotë i pari i socialistëve në një shënim të vetin në blogun edirama.al. Dhe polemizon me këtë gjetje të ustallarëve të marketingut politik dhe elektoral të qeverisë. E nis me shifra. “Qeveria premtoi 160 mijë vende pune në vitin 2009 dhe brenda tre vjetësh u humbi shqiptarëve 51 mijë vende pune; kështu, u ka borxh njerëzve 211 mijë vende pune, 160 mijë që ua premtoi për t’u marrë votën e nuk ua dha dhe 51 mijë që i kishin vetë e ua humbi….

Një agjent amerikan qëlloi gabimisht dhe për pak vrau Presidentin e Iranit, Mahmoud Ahmadinejad, në një incident të mbuluar me shumë kujdes nga opinioni publik në vitin 2006. Këto të dhëna u publikuan në një libër të ri, “Brenda Shtetit: Në industrinë e sekreteve të qeverisë”, shkruar nga një ish-nënpunës i lartë amerikan. Sipas historisë së publikuar, një agjent ishte duke mbajtur një “shotgun”, pranë një makine të presidentit të atëhershëm George W.Bush, kur arma qëlloi gabimisht, në mënyrë të papritur.

Zv. Ministri i jashtëm i Kosovës, Petrit Selimi ka shkruar një artikull për Gazetën Express, në të cilin ngre zërin kundër përdorimit të praktikave e riteve fetare në mjedise laike. Konkretisht, ai e ka me disa anëtarë të Forcave të Sigurisë së Kosovës, të cilët janë fotografuar (nuk kuptohet pse fotografia nuk gjendet e publikuar) duke bërë rite fetare kolektive, teksa janë të veshur me uniformën ushtarake.

Një përmbledhje krahasuese e posterëve të kohës së nazizmit dhe Bashkimit Sovjetik, është përpiluar nga uebfaqja gulag.ipvnews.org. Krahasimi tregon se të dyja sistemet autoritare kishin një ngjashmëri të çuditshme në dizajnimin e posterave propagandistikë.

Qeveria e Qipros i është drejtuar Moskës pasi parlamenti refuzoi propozimin për ndihmë financiare nga Bashkimi Evropian dhe Fondi Monetar Ndërkombëtar. Ministri i financave i Gjermanisë, Wolfgang Schaeuble, ka shprehur mosaprovim të lartë me këtë veprim (parlamenti i Qipros e refuzoi marrëveshjen për ndihmë në vlerë prej 10 miliardë eurosh, pas pakënaqësisë së gjerë brenda dhe jashtë Qipros, meqë në të përfshihej edhe një taksë në depozitat bankare).

Vladimir Karaj në MAPO-n e sotme jepte detaje rreth protestës së djeshme qytetare për rastin Prenjasi para Presidencës dhe Këshillit të Lartë të Drejtësisë dhe ndër të tjera shkruan:  “Të ulur tek një kafene në këmbët e Teatrit të Operës, përballë me Alida Karakushin organizatore bashkë me mjaft të tjerë e një, madje dy protestave, që dënonin dështimin e sistemit të drejtësisë në mbrojtjen e fëmijëve dhe kërkonin marrje të masave të menjëhershme...

Po ripublikojmë një shkrim të djeshëm që na është zhdukur nga faqja web bashkë me dy shënime të tjerë të orëve të mbrëmjes (jemi duke u përpjekur të kuptojmë çfarë ka ndodhur):

Në një mbledhje të sotme me kryetarët e degëve të FRD-së Bamir Topi tha: “E kemi vendosur për mosbërjen aleancë me dy partitë e vjetra [PD e PS]; për çdo aleance tjetër do kemi komunikim të brendshëm dhe kolegjialitet te plotë, jo vendim të vetëm një individi.”

Në një takim dje në Çorovodë, Ilir Meta përsëriti lajtmotivin e zakonshëm në lidhje me koalicionet parazgjedhore “Do ta vëndosë Konventa”.

Në një shkrim të tijin me titull “Tërheqja e e Berishës nga nacionalizmi”, të publikuar në Mapon e sotme (për ta lexuar të plotë ndiqni linkun http://www.mapo.al/2013/03/21/terheqja-e-berishes-nga-nacion...), Armand Shkullaku jep versionin e vet të shpjegimit se pse Berisha ka hequr dorë nga tezat e bashkimit kombëtar, albanofobisë, pozicionit të ri të shqiptarëve në rajon, dyshtetësisë, Ligës së përbashkët të futbollit

R.Shifter: Presidenti Klinton është i interesuar që ky tension (mes Athinës e Tiranës - sh.red) ) të kapërcehet dhe acarimi të zbutet nëpërmjet dialogut... Ne mendojmë se ju me autoritetin tuaj mund të ndikoni për të ulur tensionin...

S.Berisha: - Si? Në ç’mënyrë?

R.Shifter: - Ne mendojmë se 5 shtetasit që po gjykohen, duhet të lirohen. Ju mund të ndërhyni si President dhe si kryetar i Këshillit të Drejtësisë...