Arkiv-Lajme

Një takim i zgjeruar në selinë e Frymës së Re Demokratike në Tiranë, u thirr sot kryetari Bamir Topi, me praninë e kryesisë qendrore dhe kryetarëve të degëve nëpër rrethe. Kryetari Topi, iu drejtua anëtarësisë me një mesazh falënderimi për përkushtimin e të gjithëve në sfidën elektorale. “Ishte përkushtimi dhe karakteri pozitiv i gjithsecilit prej jush, që edhe pse nën presion të vazhdueshëm nga pushtetit e në disavantazh nga kodi elektoral, e bëri në një vit FRD-në konkurrente të denjë. E akoma më shumë, i siguron asaj vijimësinë e sigurt në skenën politike shqiptare”, tha Topi.

I arrestuari si i dyshuar për përfshirje që sherrin banal që shkaktoi tre viktima në plazhin “Kalaja” midis Ujit të Ftohtë dhe Radhimës në Vlorë, Leo Osmeni, është identifikuar nga policia e Vlorës si autori i tragjedisë së djeshme. Përgjatë ditës, mediat dhanë versione të ndryshme të moshës, herë 25 e herë 19 vjeç. I riu me precedentë penalë, është 18 vjeçar dhe sipas drejtorit të policisë së Vlorës, arrestimi i autorit është kryer mbi bazën e provave të pakundërshtueshme.

Gjykata Themelore e Prishtinës ka dhënë sot vendimin për konfirmim të aktakuzës së ngritur ndaj Fatmir Limajt dhe të tjerëve  me dosjen MTPT. Sipas aktvendimit të gjykatëses Gallan, Limajt i mbeten edhe katër vepra penale, ndër to krimi i organizuar, korrupsioni, keqpërdorim i pozitës zyrtare, ndërsa i hiqet vepra penale për armëmbajtje pa leje. Sipas EULEX, Kryetarja e trupit gjykues nga EULEX, konfirmoi shumicën e akuzave të përfshira në Aktakuzë dhe vendosi të procedojë me lëndën në shqyrtim gjyqësor.

Kërkesa për të hapur një konsullatë në Durrës, është bërë që në kohën kur ishte president Bamir Topi, i cili ka thënë atëhere se nisma do shqyrtohet, kurse Ministria e Jashtme ka deklaruar në atë kohë se nuk mund të përballojë hapjen e saj, thuhet në njoftimin e organizatës Ilinden, megjithatë, “flamuri maqedonas po valëvitet edhe në Durrës”, shtojnë burimet. Lajmin se Maqedonia ka hapur konsullatën e saj në Durrës e raporton edhe  agjencia INA, e cila bën të ditur edhe se Konsull nderi është emëruar Aleksandër Pilo.

Mediat e Bostonit në Shtetet e Bashkuara njoftojnë se restoranti i famshëm i Bostonit dhe për një kohë të gjatë ikona e restoranteve në Amerikë, Anthony’s Pier 4, do të mbyllet përgjithmonë muajin e ardhëshëm.   Restoranti  Anthony’s Pier ishte hapur  në vitin 1963 nga Anthony Athanas, afaristi dhe patrioti i dalluar i komunitetit shiptaro-amerikan.  Për një kohë të gjatë ishte ndër pesë restorantet më të suksesshme në Shtetet e Bashkuara, të ardhurat e të cilit gjatë viteve 80-të, arrinin në 12-milionë dollarë në vit, më shumë se çdo lokal tjetër i këtij lloji.  Sipas njërit prej djemëve t

Për hir të çertifikimit të rezultatit të zgjedhjeve dhe trancizionit normal të pushtetit, Partia Socialiste tërhiqet nga kërkesa për përsëritjen e zgjedhjeve për qarkun e Lezhës brenda 4 javësh. Sipas Sekretarit për Çështjet Zgjedhore Damian Gjiknuri, PS do të aprovojë çdo kërkesë për hetim parlamentar të zgjedhjeve me mbledhjen e Kuvendit të ri, ndërsa i kërkoi drejtësisë shqiptare të vijojë hetimin e rasteve. “Për shkak të parregullsive zgjedhjet duhet të përsëriteshin brenda katër javëve në qarkun e Lezhës. Kjo do të konfirmonte 84 mandate të së majtës, apo edhe më shumë.

Më në fund një reagim zyrtar shqiptar për sagën e të burgosurve të arratisur nga burgu i Trikallës, që po ndiqen e eliminohen nga policia dhe forcat speciale greke në një odise disamujore gjurmimesh pranë kufirit. Ambasadori ynë në Greqi, Dashnor Dervishi është duke bërë negociata me autoritetet e ministrisë së Brendshme greke dhe policisë, për të mbërritur në dorëzimin e Ilir Kupës, i vetmi që ka mbetur nga grupi i tetë të arratisurve, pas vrasjes së Marian Kolës.

Çmenduria e plazhit të Radhimës është kryetitull i gazetave kryesore në vend për ditën e sotme, me terma që variojnë nga “masakër”, në “terror”. Të shtënat me automatik mes turmës së pushuesve në rezortin turistik ditën e djeshme, morën jetët e Sokol Isufajt, mesa duket shënjestra e krimit, 17 vjeçarit Serdi Bajlozi nga Përrenjasi dhe 53 vjeçares vlonjate Diana Ademi.

Ka ca kohë që emri i Hillary Clinton-it ka dalë si kandidati i mundshëm për zgjedhjet e ardhshme presidenciale në SHBA. Madje, dhe largimi saj nga posti i kryediplomates thuhet se lidhet me këtë ambicje, të cilën ajo vetë nuk e ka konfirmuar. Por janë të shumtë ata që e nxisin në këtë drejtim. Nancy Pelosi e quajti Clinton-in pak kohë më parë si personin më të kualifikuar për të marrë atë përgjegjësi. Një kongresmen tjetër demokrat, Harry Reid, është shprehur se Clinton-i (Hillary) “mund ta bëjë punën e kreut të Shtëpisë së Bardhë edhe më mirë se sa i shoqi”.