Arkiv-Lajme

Ministri francez i rendit publik është vënë nën akuzë, madje edhe nga të vetët, lidhur me një ngjarje që ka në qendër një vajzë kosovare 15 vjeçare, e cila është dëbuar nga Franca. Quhet Leonarda. Mbiemrin, sipas gazetës italiane il Corriere della Sera, e ka Dibrani. Është rome.

Në një shkrim të botuar sot (dt.16.10.2013) në gazeta Dita, Prof. Asoc.Dr. Hysen Binjaku trajton probleme të të kontributeve për pensione. “Pensioni suplementar është një skemë që, në kushtet kur pensioni i pleqërisë është i pamjaftueshëm, t’u mundësojë disa kategorive punonjësish; që, duke kontribuar direkt nga paga e tyre gjatë viteve të punës, të mund të përfitojnë diçka më tepër se sa pensioni që përfitojnë nga skema  e përgjithshme e pensioneve, shkruan Binjaku.

Dy aksione masive të urdhëruara nga Ministri i Brendshëm, njëri për bllokimin e ndërtimeve pa leje dhe tjetri për bllokimin e lojërave të fatit, kanë ngjallur debate te forta ne publik. Mero Baze mendon se e vetmja gjë e paqortueshme në këto aksione është aftësia e ministrit të ri për të vënë në lëvizje Policinë e Shtetit, por përtej kësaj aftësie, ministri, dhe sidomos kryeministri, duhet të ulen të ndryshojnë ligjin për Policinë e Shtetit dhe funksionet e reja të saj.

Ish- nënkryetari i Partisë Demokratike, Astrit Patozi, në një intervistë për gazetën Panorama, thotë se kryetari i PD, Lulzim Basha duhet të nisë një garë demokratike brenda kësaj partie.

"Dje mbërriti në Tiranë Piro Dhima, peshëngritës shqiptar, pastaj peshëngritës grek, pastaj kampion bote, dhe sot deputet i PASOK-ut. Më vjen t’i them: Mirëse erdhe Piro Dhima! Dhe këtë nuk e them veç për t’i bërë karshillëk “gardianëve” putativë të dinjitetit nacional. E them edhe ngaqë më vjen natyrshëm për ta thënë. E për ta rithënë: Mirëse erdhe Piro Dhima!.."

Mediat italiane raportojnë se Shqipëria është afër anëtarësimit drejt Bashkimi Europian. Sipas TgCom, ekzistojnë të gjitha gjasat që Komisioni Europian t’i hapë rrugë kandidaturës së Shqipërisë për anëtarësim, duke iu afruar kështu më shumë objektivit të saj.

Ligji 2636 i vitit 1940 ose sic njihet ndryshe Ligji i Luftes mes Shqiperise e Greqise ishte teme debati gjate vizites se Venizelosit ne Tirane. Ky i fundit ne pergjigje te deklarimeve te ministrit shqiptar Bushati replikoi duke thene qe ligji ne fjale eshte hequr ne 1987. Por...

Një nga emisionet e njohura të Deutsche Welle, “European Journal”, është bërë nga të paktat media që arrin të hyjë në Lazarat. Gazetarët kanë përgatitur një reportazh me titullin “Fshati i marijuanës”.

“Fermerët në këtë fshat malor në jug të Shqipërisë arrijnë të korrin plot 900 ton kanabis çdo vit, me një vlerë tregu të përllogaritur në 4.5 miliard euro- edhe pse kultivimi i kanabisit është i paligjshëm atje,” thonë gazetarët.

Barazimi pa gola me Qipron, vulos edhe këtë herë ëndërrimet fluturake të tifozerisë së zjarrtë të kombëtares së futbollit, duke renditur Shqipërinë në vendin e saj të zakonshëm në çdo grup eliminator për Botërorin ose Europianin e Futbollit, atë të parafundit. Edhe pse disa ndeshje të bukura të Kombëtares dhe rinovimi i grupit me elemente të rinj nga ana e trajnerit De Biazi, ngjallën disa shpresa më të fortë se herët e tjera, në fund treguam se na mungon pikërisht ajo që të bën fitues, mentaliteti dhe kurajoja atëherë kur duhet më shumë.

Lufta ndaj abuzimit me lojërat e fatit kishte dështuar deri në atë masë sa një sërë institucionesh, se pari drejtoria e mbikëqyrjes se lojërave te fatit, administrata tatimore, pushteti lokal, Drejtoria e Pastrimit te parave, si dhe Policia e Shtetit kishin dalë jashtë loje, ndaj aksioni i policisë ishte i domoshëm, thonë ekspertët.  Dështimi ka qenë i njohur edhe nga qeveria e mëparshme.