Arkiv-Lajme të përditësuara

Komisioni Parlamentar i Ekonomisë ka miratuar dje një fond të ri prej 3 milionë eurosh, i cili do t’i shtohet shumës së llogaritur paraprakisht për ndërtimin e segmentit Levan- Vlorë. 

Kuba ka lajmëruar se do të heqë lejet që u duhet qytetarëve të saj për të udhëtuar jashtë vendit. Televizioni shtetëror kuban thotë se kjo lëvizje do të japë efektet në 14 janar të vitit të ardhshëm, duke rinovuar kështu dhe ligjet e migracionit, për të reflektuar edhe rrethanat e ardhshme.

Kubanezët për mometin duhet të kalojnë një sërë procedurash të gjata dhe të shtrenjta për të marr leje dhe disidentëve kjo u është mohuar shpesh. Kjo lëvizje është në serinë e reformave që po ndërmerren nga presidenti Raul Castro. Tashmë kubanezëve do tu duhet vetëm pasaporta për të udhëtuar.

Negociatat e qeverisë greke me Trojkën për paketën e masave fiskale dhe ndryshimet strukturore janë në pikën më kritike, ndërsa sot pasdite do të zhvillohet takimi i ri i kryetarëve të partive që mbështesin qeverinë. 

Kryeministri duhet të marrë miratimin e tyre për masat, të cilat duhet të jenë gati deri të enjten, që fillon Samiti i Lartë i BE-së, por Venizelos e Kuvelis kundërshtojnë ndryshimet e reja në marrëdhëniet e punës. 

Shkollat e Ersekës rrezikojnë të kalojnë dimrin pa ngrohje. Në kohën kur mali rrëzë të cilit shtrihet qyteti është mbuluar që tani me dëborë, nuk ka asnjë shpresë për furnizimin e shkollave me dru. Shkak është bërë bllokimi i buxhetit të bashkisë. Edhe pse qyteti ka një dimër të ashpër asnjë masë paraprake nuk është marrë për ngrohjen në shkollave. 

"Jemi në prag të dimrit, ngrohja e shkollave do të jetë shumë problematike, kështu që mund të them që jemi komplet të paralizuar. E pakuptimtë për mua, dhe për të gjithë ne që punojmë këtu", tha Ali Laho, kryetar i Bashkisë Ersekë. 

Mungesa e infrastrukturës rrugore, por edhe sinjalistika e posaçme vazhdon të mbetet probleme për të verbërit në Shqipëri. Ata çdo ditë duhet të përballen me kaosin e trafikut, e aq më tepër që nuk mund të kalojnë qoftë edhe një semafor të vetëm nëse nuk do të jenë të shoqëruar, pasi në asnjë prej tyre nuk është vendosur sinjal akustik. 

Kancelarja gjermane Angela Merkel deklaroi sot se nuk do të ketë zhvillime të pakontrolluara në Eurozone si dalja e Greqisë nga Eurozona. Duke folur gjatë një konference për shtyp nga Panamaja, kancelarja tha se bie dakord me deklaratat e ministrit gjerman të Financave Wolfgang Schaeuble. 

“Kam dëgjuar shqetësimet në Azi apo Kinë se mund të ndodhë një proces i pakontrolluar në Eurozonë, por bie dakord me ministrin e Financave se nuk do të ketë zhvillime të tilla,”- tha Merkel. 

Kryeministri britanik, David Cameron i dha dritën jeshile kërkesës së partisë separatiste skoceze për mbajtjen e një referendumi pavarësie në vjeshtën e vitit 2012. 

Cameron u takua me Ministrin e Parë skocez, Alex Salmond në Edinburg me të cilin firmosi një marrëveshje që lejon mbajtjen e referendumit. Në paktin e nënshkruar nga dy palët, parashikohet që në referendum të përfshihen vetëm dy alternativat “Po” ose “Jo” që do t’i përgjigjen pyetjes nëse votuesit janë dakort me shkëputjen nga Britania e Madhe.

Qeveria portugeze hartoi projekt-buxhetin e vitit 2013, në të cilin përfshihet masat shtrënguese më të ashpra të njohura në historinë moderne të vendit. 

Ministri i Financave, Vitor Gaspar, konfirmoi se taksa mbi të ardhurave do të rritet nga 9,8% në 11,8% vitin e ardhshëm, së bashku me një sërë taksash të tjera dhe një reformë pensionesh.

Në vështirësi serioze financiare, Lisbonës iu akordua një hua madhore prej 78 miliardë eurosh më parë gjatë vitit.

Një lloj i veçantë letërsie është botuar në gjuhën shqip nga filozofi dhe eseisti francez Alan Finkëllkro. "Një zemër inteligjente" titullohet libri i cili sjell për lexuesin shqiptar disa lexime moderne. Autori i shumë librave për letërsinë dhe dashurinë i cili mbron nocionin e modernitetit është bazuar në proza të disa shkrimtarëve të njohur si Milan Kundëra, apo Sebastian Hafner duke u përpjekur të zbërthej misteret e botës.

Mijëra vetë kanë protestuar sërish në kryeqytetin spanjoll, Madrid, kundër masave që ka marrë qeveria e Mariano Rajoy në përpjekje për të vënë nën kontroll deficitin e Spanjës.

Turma të mëdha njerëzish marshuan nëpër rrugët kryesore të qytetit në një atmosferë festive, duke i rënë daulleve dhe instrumenteve të tjerë, ndërsa thërrisnin slogane kundër qeverisë. 

Protestuesit thanë se nuk është e drejtë që qytetaret e thjeshte të përballen me shkurtime në shërbimet publike, ndërsa bankat me probleme të përfitojnë paketa shpëtimi prej miliarda dollarësh.