Arkiv-Lajme të përditësuara

Laptopët në pronësi të zyrtarëve të Komisionit Europian u goditën nga hackerat, gjatë një konference të mbajtur në Azerbajxhan, u raportua gjatë së martës. 

Libri i parë shqiptar  "Meshari" i Gjon Buzukut u ekspozua pasditen e sotme në Biblotekën Kombëtare në Tiranë

Aurel Plasari drejtor i këtij institucioni, në fjalën hapëse të ceremonisë zyrtare falënderoi ministrinë e Kulturës që këmbënguli që ky libër të mbërrinte në atdhe me rastin e 100 vjetorit të Pavarësisë. 

Me protesta është përshëndetur kancelarja gjermane, Angela Merkel në Lisbonë, ku ka zhvilluar një vizitë të planifikuar në mbështetje të shkurtimeve buxhetore dhe rritjes së taksave që po zbatohen nga qeveria konservatore e Pedro Pasos Koelhos. Këto masa kanë shkaktuar një valë të madhe pakënaqësie në vend, me protesta masive dhe greva, ndërsa synojnë të përmbushin kushtet e paketës së shpëtimit financiar të miratuar vitin e kaluar  nga Bashkimi Evropian, me mbështetjen e Gjermanisë. 

Enti Rregullator i Energjisë nis procedurat për të gjobitur kompaninë e shpërnadarjes së energjsë CEZ Albania. Bordi drejtues i ERE-s ka zhvilluar një mbledhje, në të cilin janë marrë në shqyrtim ankesat e qytetarëve për ndërprerjet kolektive të energjisë. Pritet verifikimi i këtyre ankesave dhe në rast se ato faktohen, CEZ do të gjobitet me 1.2 % të xhiros vjetore të vitit 2011. Gjoba që do të duhet të paguajë CEZ përllogarritet rreth 4.5 milionë dollarë. 

Ekonomia japoneze u kontraktua ndjeshëm ne tremujorin korrik-shtator, duke vuajtur rëndë pasojat e krizës europiane dhe të bojkotit kinez, në të njëjtën kohë që edhe konsumi i brendshëm mbetet i dobët. 

Prodhimi i Brendshëm Bruto, krahasuar me të njëjtin tremujor një vit më parë, pësoi një rënie prej 3,5%.

Ndërkohë, krahasuar me tremujorin paraardhës, ekonomia e tretë më e madhe në botë pësoi një rënie prej 0,9%.

Kreu i Agjencisë Ndërkombëtare për Energji Bërthamore (ANEB), Yukia Amano, është shprehur optimist për zgjidhjen në rrugë diplomatike të mosmarrëveshjeve rreth programit bërthamor të Iranit mund të zgjidhen.

"Jam shumë i bindur se Agjencia ka një rol thelbësor për të luajtur në zgjidhjen e çështjeve bërthamore të Iranit, përmes mjeteve diplomatike. Kjo është në interes të Iranit dhe të komunitetit ndërkombëtar. Kjo është arsyeja përse unë besoj se Irani do të bashkëpunojë me ne", ka thënë Amano.

Si  rrallë herë kur realizohen pjesë shqiptare, "Ëndrra e Ismail Qemalit" mbushi sallën e Teatrit Kombëtar. Ishte nata e parë e festivalit të Dramës Mbarëshqiptare, e cila ngriti siparin me këtë premierë. 
Festivali është konceptuar si një paradë ku do të ngjiten në skenë 19 vepra që do të flasin shqip. 100-vjetori i Pavarësisë u bë shkak që teatri të kthejë kokën pikërisht nga veprat shqiptare.

Një demonstrate u zhvillua jashtë Paralmentit japonez, ku pjesëmarrësit i bënë thirrje qeverisë t'i japë fund programit të energjisë bërthamore, pas krizës së shkaktuar nga termocentrali i Fukushimës.Pjesëmarrësit shprehën frikën për përsëritjen e shpërthimit që ndodhi vitin e kaluar në termocentralin e Fukushimës, të shkaktuar nga tërmeti dhe cunami. 

Mijëra familje shqiptare bukën e gojës e fitojnë nëpërmjet ndihmës ekonomike. Sipas të dhënave nga Shërbimi Social Shtetëror rreth 9% e familjeve në rang vendi trajtohen me ndihmë ekonomike. Ndërkohë që zonat me varfërinë më të lartë janë veriu dhe verilindja e Shqipërisë. Në këto zona ndodhet dhe përqindja më e madhe e familjeve që trajtohen me ndihmë ekonomike nga shteti. Në krye të listës renditen rrethe si Kukësi, Shkodra dhe Lezha. Sipas drejtorit të pagesave në kesh pranë Shërbimit Social, Leonard Strazimiri, edhe këtë vit kanë vijuar spastrimet e listës nga abuzuesit.