Arkiv-Lajme të përditësuara

Deputetët britanikë në një raport te botuar në Londër kanë shprehur shqetësimin për rritjen dhe daljen jashtë kontrollit te rasteve të emigracionit. 

Shifra e dosjeve qe presin te shqyrtohen apo atyre qe depozitohen ne arkive, ka kalur 300 mije dhe eshte thuajse sa popullsia e Islandes. Vetem ne tre muajt e fundit jane shtuar 26 mije raste, sipas Komitetit Parlamentar per Rendin. Ne rastet e pazgjidhura perfshihen rreth 4 mije kriminele te huaj te liruara nga burgjet, por qe nuk jane deportuar te cilet jetojne aktualisht ne Britani. 

Në Shtetet e Bashkuara nuk ishin shpenzuar kurrë më parë kaq shumë para, se sa në këtë fushatë elektorale për kreun e Shtëpisë së Bardhë. Qendra "Responsive Politics" thotë se kostoja e përgjithshme e kësaj fushate vlerësohet në 6 miliard dollarë, duke shënuar kështu një rekord historik kombëtar. 

Si Barack Obama ashtu edhe republikani Mitt Romney vendosën të mos shfrytëzojnë fondet publike, por të mbështeten tek donacionet private. Të dy kandidatët mundën të mbledhin një shumë të barabartë me atë të të gjithë panelit të kandidatëve garues në zgjedhjet e 2004. 

Hillary Clinton, dikur rivale politike e presidentit të Shteteve të Bashkuara, Barack Obama, ka thënë disa herë se një mandat i shefes së diplomacisë është i mjaftueshëm. Duke vizituar të paktën 111 vende dhe duke udhëtuar rreth 1.5 milion kilometra, Clinton jo rastësisht ka marrë epitetin e sekretares së palodhur. Prandaj, edhe Obama nuk është i gatshëm të lejojë largimin e saj.

Papunësia në Greqia arriti një rekord të ri prej 25,4% në muajin gusht, publikuan të dhënat e fundit të Athinës zyrtare ditën e premte. 

Të rinjtë janë edhe një herë ata që po vuajnë më shumë shkurtimet e vazhdueshme të qeverisë dhe renien ekonomike, me më shumë se gjysmën e personave në moshën 18-25 vjeç, që nuk janë të aftë të gjejnë punë, ndonëse e kërkojnë një të tillë.

Me përfundimin e betejës për Shtëpinë e Bardhë, vëmendja tani është fokusuar tek afati fiskal për ngritjen e taksave dhe shkurtimin e deficitit. Nëse demokratët dhe republikanët nuk arrijnë së shpejti në kompromis, ekonomia amerikane mund te ngecë, thote 'Zeri i Amerikes'. 

Nëse në Britaninë e Madhe do të mbahej tani një referendum për daljen e vendit nga Bashkimi Evropian, gjysma e qytetarëve (49%) do të votonin për daljen nga BE, ndërsa vetëm çereku i tyre për të qëndruar brenda bllokut. 

Të dhënat janë bërë publike nga agjencia YouGov, të cilat po ashtu kanë treguar se 17 për qind e të anketuarve janë të pavendosur. 

Kryeministri britanik, David Cameron është nën presion të fuqishëm nga anëtarët radikalë të Partisë së tij Konservatore për të marrë një qëndrim më të fuqishëm ndaj Brukselit gjatë Samitit të Bashkimit Evropian për buxhetin. 

Maxhoranca qeverisëse në Greqi ka sfiduar protestat e dhunshme përpara Parlamentit, e ka arritur të miratojë në orët e para të mëngjesit të së enjtes, paketën e re të masave të kursimit. Këto masa të cilat sipas kryeministrit të vendit, Antonis Samaras do të jenë të fundit në kalvarin e gjatë të nisur tre vjet më parë, janë të domosdoshme që kreditorët ndërkombëtarë të Athinës të lëvrojnë këstin e radhës së ndihmës financiare, pa të cilën vendi shkon në falimentim në fund të nëntorit. 

Bisedimet plot kundërshti për buxhetin e ri të Bashkimit Evropian, kanë qenë në vëmendjen e dy prej liderëve kryesorë të Brukselit, kryeministrit britanik, David Cameron dhe kancelares gjermane, Angela Merkel kur ata u takuan në Londër. Edhe pse në përfundim të takimit njëorësh, Downing Street 10 njoftoi se palët ndodhen në të njëjtën spektër mendimesh, duket se asgjë nuk është zgjidhur në kontradiktat mes Londrës e Berlinit. Kryeministri Cameron i mbahet pikëpamjes së buxheti i BE-së duhet të ngrijë ose të shkurtohet, ndërsa kancelarja Merkel e quan të domosdoshme rritjen e tij. 

Nga 184 fëmijë të verbër në qarkun e Kukësit vetëm 65 prej tyre vijojnë arsimimin. Pjesa tjetër, për arsye nga më të ndryshmet, që nga transporti dhe deri tek mospërballimi i kostove financiare, nuk arrin të arsimohet. Në një takim të shoqatës së të verbërve është kërkuar kalimi nga arsimi i specializuar në atë gjithpërfshirës. 

Një pjesë e madhe e fëmijëve të verbër dhe atyre që kanë probleme me shikimin nuk e gëzojnë të drejtën e arsimimit dhe të integrimit social. Në vendin tonë numërohen më shumë se 1 mijë fëmijë të verbër apo me probleme të tjera me shikimin.

Kriza e borxheve në Eurozonë tashmë ka mbërritur në Gjermani. Kështu ka deklaruar gjatë një konference për mediat në Frankfurt, presidenti i Bankës Qëndrore Europiane Mario Drahgi, sipas së cilit deri më tani Gjermania konsiderohej si një vend me imunitet ndaj disa problemeve që përballen vendet e tjera anëtare. 

“Shifrat e fundit tregojnë se kriza po ndikon edhe në ekonominë gjermane”-tha Drahgi, duke shpjeguar se Gjermania është një ekonomi e hapur dhe integruar ndaj nuk është suprizë që ngadalësimi ekonomik në Eurozonë të ketë efekte edhe në këtë vend.