Arkiv-Lajme të përditësuara

30 vite pasi u prodhua nga regjisori Viktor Gjika, filmi "Nëntori i Dytë" preku sërish ekranin e madh të kinemasë. Këtë herë i restauruar në Shtetet e Bashkuara, cilësia befasoi të pranishmit që kishin mbushur sallën. 

Krahas votimit për president, kalifornianët do të votojnë edhe për një propozim, që quhet Proposition 34, që ka si qëllim heqjen e dënimit me vdekje në këtë shtet, duke e konvertuar në burgim të përjetshëm. Nëse referendumi popullor do të aprovojë këtë ligj, do të shpëtonte njerëzit që janë dënuar. Të burgosurit do të punojnë në burg dhe do të kontribuojnë për një fond për viktimat. Propozimi parashikon të destinojë një fond prej 100 milionë dollarësh për katër vjet në programet e policisë. 

Vetëm disa orë përpara zgjedhjeve presidenciale në SHBA, administrata e presidentit Obama artikulon qëndrimin lidhur me krizën greke. 

Një zyrtar i lartë i Departamentit të Thesarit zbuloi se qeveria amerikane është në favor të ristrukturimit të borxhit grek. 

Zyrtari amerikan iu kërkoi evropianëve të vazhdojnë të mbështesin Greqinë, ndërkohë që ajo merr vendime dhe reforma të vështira. Ai pohoi se qeveria greke dhe Trojka janë pranë një marrëveshjeje dhe se Greqia do të marrë angazhime të reja për reformat e nevojshme në kuadër të programit. 

Vetëm disa orë përpara zgjedhjeve presidenciale në SHBA, administrata e presidentit Obama artikulon qëndrimin lidhur me krizën greke. 

Një zyrtar i lartë i Departamentit të Thesarit zbuloi se qeveria amerikane është në favor të ristrukturimit të borxhit grek. 

Zyrtari amerikan iu kërkoi evropianëve të vazhdojnë të mbështesin Greqinë, ndërkohë që ajo merr vendime dhe reforma të vështira. Ai pohoi se qeveria greke dhe Trojka janë pranë një marrëveshjeje dhe se Greqia do të marrë angazhime të reja për reformat e nevojshme në kuadër të programit. 

 Pothuajse një milionë banorë në shtetin e Nju Jorkut vazhdojnë të jenë pa energji elektrike pas uraganit “Sandy”, ndërsa pakënaqësia për vonesa në rikthimin e jetës në normalitet është duke ngjallur gjithmonë e më shumë pakënaqësi. 

Më parë, presidenti Barack Obama ishte shprehur se rikthimi i shpejtë i energjisë ishte kritik për fushatën e tij presidenciale.

Serbët e Kosovës do të jenë pjesë e dy delegacioneve përballëse në procesin e dialogut politik të nisur muajin e shkuar në Bruksel. 

Banorët serbë të vendosur në veri të Mitrovicës do të jenë në ekipet e Serbisë, kurse serbët e pjesëve të tjera do të jenë në përbërje të ekipeve të Kosovës.

Lajmi u publikua nga “Koha Ditore”, që shtoi se informacioni është konfirmuar nga të dy grupimet e ndryshme të serbëve, të ndarë në qëndrime politike pas shpalljes së pavarësisë së Kosovës në shkurt të 2008-s.

Një grup ambientalistësh zviceranë mblodhën një numër të mjaftueshëm nënshkrimesh për të kërkuar mbajtjen e një referendumi kombëtar, me qëllim kufizimin e emigracionit.

Grupi mjedisor "Ecopop" vlerëson se burimet natyrore dhe niveli i jetesës së Zvicrës po vendoset nën trysni të vazhdueshme, si rrjedhojë e mbipopullimit.

Studentët e strehuar në godinat e Qytetit Studenti edhe këtë dimër do të vuajnë mungesën e kaldajave. Ngrohja do të vazhdojë të bëhet nëpërmjet kaloriferëve apo rezistencave pasi instalimi i kaldajave është tepër i kushtueshëm dhe kërkon shumë kohë, thotë drejtuesi i Qytetit Studenti, Bujar Brovina. Sipas tij është gati një project, por duhet gjetur burimi i financimit.

"Ky quhet projekti Kioto që e financon Komiteti Evropian. Ideja dhe projekti është bërë nga komuniteti evropian dhe ne presim një investim shumë të madh"- tha Brovina.

Shifra shokuese ka publikuar shërbimi statistikor grek, sipas të cilave, Greqia kërcënohet seriozisht nga varfëria. 

Sipas të dhënave, 21.4% e popullsisë kërcënohet nga varfëria, ndërsa tek fëmijët rreziku i varfërisë ka arritur në 23.7%. E thënë me shifra të tjera, në rrezik nga varfëria ndodhen rreth 901 194 familje me 2 341 400 anëtarë. 

Në rrezik varfërie janë kryesisht kategori të tilla si burrat e papunë, prindërit e divorcuar me fëmijë, familjet me të moshuar, dhe fëmijët deri në 17 vjeç. 

Autoritetet e Serbisë, gjatë bisedimeve të ardhshme do të këmbëngulin që veriu i Kosovës të fitojë autonomi territoriale, shkruan gazeta beogradase “Blic”, në një artikull të raportuar nga “Telegrafi”. 

Sipas gazetës serbe, përmbushja e marrëveshjes për kalimet kufitare do të duhej të fillonte në muajin dhjetor, kur Këshilli Europian pritet të vendoste që Serbisë t’i japë të drejtën e kushtëzuar për nisjen e bisedimeve të anëtarësimit.