Presidenti Obama, pro ristrukturimit të borxhit grek

Vetëm disa orë përpara zgjedhjeve presidenciale në SHBA, administrata e presidentit Obama artikulon qëndrimin lidhur me krizën greke. 

Një zyrtar i lartë i Departamentit të Thesarit zbuloi se qeveria amerikane është në favor të ristrukturimit të borxhit grek. 

Zyrtari amerikan iu kërkoi evropianëve të vazhdojnë të mbështesin Greqinë, ndërkohë që ajo merr vendime dhe reforma të vështira. Ai pohoi se qeveria greke dhe Trojka janë pranë një marrëveshjeje dhe se Greqia do të marrë angazhime të reja për reformat e nevojshme në kuadër të programit. 

Informacionet tregojnë se nëse Barak Obama rizgjidhet në postin e presidentit të SHBA, do të përpiqet për të filluar një dialog të ri me liderët evropianë, me qëllim trajtimin e krizës së borxhit. Sipas të njëjtit informacion, Barack Obama nuk do të ngurronte të përplasej me kancelaren gjermane Angela Merkel, në mënyrë që të mbrojë programin e stabilitetit të SHBA. 

Së fundi, theksohet se FMN beson që riblerja e borxhit dhe zgjatimi, janë dy mjete të rëndësishme për të luftuar borxhin. 

Anila Jole

Balkanweb.com