Arkiv-Lajme të përditësuara

Presidentja e Kosovës Atifete Jahjaga ka takuar të enjten në Slloveni Presidentin e Francës Francois Hollande, me të cilën ndër të tjera ka diskutuar edhe për cështjen e azilkërkuesve të Kosovës në shtetin frëng.

Sipas një njoftimi të Presidencës së Kosovës, Jahjaga ka premtuar se do të angazhohet personalisht për të ndërprerë valën e migrimit legal.

Partia Demokratike, tashmë në opozitë ka prej 3 ditësh kryetarin e saj të ri. Por përtej entuziazmit të shprehur nga ish-kryetari Berisha dhe kryetari i ri, Basha, duket se situata nuk është aq rozë brenda Selisë Blu. Këtë e paralajmëroi kandidati tjetër, ai humbës, Sokol Olldashi, i cili ndër të tjera as nuk uroi fituesin e garës, Lulzim Basha. 

TIRANE- Ka ndërruar jetë në spital, Ilirjan Cani, i cili qelloi për vdekje gruan e tij, 37- vjeçare, Alketa Cani. 39 vjeçari, nënoficer i një reparti ushtarak në periferi të Tiranës, qëlloi me pesë plumba gruan brenda në banesë, në rrugën “Sadik Petrela”

Ilirjan Cani mbeti i plagosur, kur pas krimit tentoi të vriste edhe veten dhe ndodhej në gjendje të rëndë, në Spitalin Ushtarak në Tiranë.

Një qytetar i Sarandës është arrestuar pasi ka shkatërruar tërësisht ishullin që e shfrytëzonte për biznes privat.

Nga strukturat e seksionit kundër Krimit Ekonomik, është ekzekutuar masa e arrestit nga Gjykata e Sarandës, në ngarkim të shtetasit Sotir Dhiamanti Vito vjeç 40 banues në Ksamil për veprat penale ‘shkatërrim i pronës dhe ndërtim i paligjshëm’.

Kryeministri në detyrë Sali Berisha komentoI në rrjetin social “Facebook” zgjedhjen e Lulzim Bashës në krye të Partisë Demokratike.  Ai tha se që prej humbjes në zgjedhjet e vitit 2011, Rama vuan kompleksin e inferioritetit dhe e konsideron veten “kurban” të Bashës.

Rinumërimi i votave të Qarkut të Shkodrës nga KQZ-ja nuk ka sjellë asnjë ndryshim mandati. Nga rinumërimi i tetë KZAZ-ve që ky qark, nuk janë konstatuar parregullsi apo shkelje që të kenë ndikim në rezultat. Nga rinumërimi, PD-së iu shtuan 78 vota duke e ruajtur mandatin e saj, ndërsa PR-ja nuk arriti të fitonte mandatin e pretenduar.

Në fund të procesit, komisioneri i KQZ-së, Hysen Osmani, deklaroi për mediat se ky proces punë i shërbeu në maksimum transparencës.

Kryetari i Partisë Socialiste, Edi Rama, ka zhvilluar pasditen e së enjtes një takim me disa nga aleatët e koalicionit Aleanca për Shqipërinë Europiane. 

Pas takimit, Spartak Ngjela ka deklaruar se është rikonfirmuar marrëveshja mes palëve, ndërsa Mark Frroku i Partisë Kristian Demokrate ka konfirmuar se gjatë këtij takimi është caktuar një koordinator mes Partisë Socialiste dhe aleatëve për të diskutuar lidhur me zbatimin e marrëveshjes.

Kryeministri i zgjedhur Edi Rama nuk ka dhënë asnjë prononcim për mediat.

 Top Channel

Presidenti Bujar Nishani, duke theksuar domosdoshmerine e thellimit te bashkepunimit rajonal, ka garantuar se Shqiperia eshte per marredhenie te paqta me gjithe vendet e rajonit.

Gjate fjales se mbajtur ne Takimin e Kryetarëve të Procesit të Brdo-s, Nishani ka shprehur angazhimin per reformat drejt integrimit, duke shpresuar edhe ne angazhimin serioz të maxhorancës së re qeverisëse, të dalë nga zgjedhjet e fundit. 

Një rast tjetër i dhunës në familje është shënuar  në shkallët e gjykatës ditën e sotme, ku burri ka goditur ish-gruan e tij. Ngjarja e paprecedentë ka ndodhur mesditën e sotme në Gjykatën e Tiranës, teksa në katin e tretë të kësaj godine zhvillohej procesi i kujdestarisë së fëmijë mes çiftit Sefa.

Bëhet me dije se pasi është dhënë vendimi për kujdestarinë e fëmijës, në kohën kur po dilnin nga salla e gjyqit 38-vjeçari e ka qëlluar me shpullë 25-vjeçaren A.Sefa. 

Sipas të dhënave shkak është bërë dhënia e kujdestarisë së fëmijës nënës. 

Hije dyshimi mbi skandale seksuale edhe në ushtrinë shqiptare. Gjatë një ankete të zhvilluar për të matur vetëvlerësimin gjinor në Forcat e Armatosura, 14 ushatarakë kanë pranuar se gjatë karrierës së tyre janë bërë pre e ngacmimeve seksuale. Raporti është prezantuar dje në Qendrën e Kulturës, Medias dhe Botimeve të Mbrojtjes, ku rezultoi se 11 femra dhe 3 meshkuj kanë pranuar ngacmimet seksuale në punë.  Raporti studimor për “Vetëvlerësimin Gjinor në Forcat e Armatosura” është prezantuar znj.