Arkiv-Lajme të përditësuara

Një dite pas deklarimit publik të Drejtorisë së Metrologjisë për zbulimin e 14 subjekteve që merren me tregtinë e karburanteve, të cilat mashtronin konsumatorët duke vjedhur në sasinë e karburanteve që shisnin, Prokuroria e Tiranës i ka kërkuar zyrtarisht këtij institucioni që të paraqesë kallëzim për ndjekje penale ndaj ketyre subjekteve. 

Por edhe pasi ka kaluar te pakten dy jave nga ajo dite, Drejtoria e Metrologjisë nuk ka paraqitur asnjë kallëzim ne organin e hetimit. 

Kryesocialisti do të zgjidhet për herë të katërt në krye të PS.Komisioni i Garancive do të bëjë interpretimin e Statutit. 

Nisur edhe nga axhenda e qeverisë së re për prishjen e të gjithë atyre ndërtimeve të kryera pa leje, edhe organi i akuzës së shpejti pritet që të nisë një aksion për procedimin penal të përgjegjësve për situatën alarmante. Nga Prokuroria bëjnë të ditur se pas datës 9 shtator do të nisë procedimi penal për pronarin dhe menjëherë më pas sekuestrimi i ndërtimit pa leje. Siç bën të ditur Vizion Plus, një grup ekspertësh pranë Prokurorisë së Përgjithshme kanë hartuar edhe një qarkore me detajet e operacionit të ri.

Ministri i Mbrojtjes në detyrë, Arben Imami, në një intervistë për televizionin Channel One, ka akuzuar një grup ushtarakësh që kanë dhënë  informacione tek Partia Socialiste. Sipas tij informacionet për PS-në janë dhënë më datë 21 janar 2011, por Imami nuk ka sqaruar se çfarë informacionesh dhe cilët ushtarakë e kanë bërë këtë.

Parku i Ministrisë së Brendshme jepet për pallat. Nisin ndërtimet

Sekuestrohet kokainë, heroinë dhe marijuanë në pikën kufitare të Kakavijës, ndërsa në pranga ka përfunduar një 45-vjeçar nga Fieri. 

Sipas njoftimit të policisë në brendësi të makinës tip Ford me targa AA 228 ER, që drejtohej nga shtetasi Kadri Kapaj, u gjetën 1 kilogram kokainë, 300 gramë heroinë dhe 1 kilogram marijuanë.

Ende nuk dihet destinacioni i saktë i mjetit me lëndë narkotike, ndërsa po punohet për të zbuluar bashkëpunëtorët e mundshëm të 45-vjecarit.
 

Top Channel

Ish kryeministri i Kosovës, Agim Çeku eshte zyrtarisht kandidati i PDK-së, për kryetar i Komunës së  Prishtinës.

“Kamë kënaqësinë, që ta nominoj kandidat për kryetar, Agim Çekun për një Prishtinë më ndryshe, një Prishtinë evropiane”- ka thënë Thaçi në konferencë për shtyp.

Në anën tjetër kandidati për kryeqytet, Çeku, e ka pranuar me kënaqësi këtë përgjegjësi të re.

“Jam mirënjohës për besimin e dhënë nga ana e PDK-së. Kjo është një sfidë e re për mua dhe do të mundohem që të jap maksimumin për zhvillimin e Prishtinës”- ka thënë Çeku.

Katër plumba pistolete i kanë marrë jetën një 40-vjeçari që kishte kapërcyer nga burgu për trafik droge në Itali, në biznesin e ndërtimeve në Shqipëri. Plarent Cani është qëlluar për vdekje në një lokal të plazhit “Teuta” në Durrës, ku rrinte shpesh kohët e fundit për të mbikëqyrur punimet e pallatit që po ndërtonte. Ai ndodhej në shoqërinë e shoferit të tij në momentin e krimit, ndërsa punëtorët po shtronin fijet e hekurave për t’i vënë soletën katit të nëndheshëm.

Ndërsa krimi ka marrë përmasa alarmante, kreu i Policisë së Shtetit, Hysni Burgaj në një takim me vartësit e tij në qarqe ka thënë se policia e ka rendin nën kontroll.

Gjatë punimeve të Forumit Strategjik të Bledit në Slloveni, kreu i LSI-së, Ilir Meta u takua me zv.ndihmës Sekretarin Amerikan të Shtetit, Philip Reeker. 

Zoti Meta tha se zgjedhjet e 23 qershorit përmbushen standartet dhe sollën ndryshimin që pritej nga shumica e qytetarëve shqiptarë dhe se roli i SHBA-ve ishte shumë jetik për transparencën e plotë të zgjedhjeve.