Arkiv-Lajme të përditësuara

Ambasadori amerikan Aleksandër Arvizu ka sugjeruar sot se dy politikanët kundërshtarë Rama-Berisha duhet të nisin takimet, por në fillim të jenë private dhe më pas debate publike.

Në 20 vjetorin e hapjes së Ambasadës së SHBA-ve në Tiranë, ambasadori Aleksandër Arvizu e ka cilësuar këtë datë si vendosjen e një komunikimi të rëndësishëm mes dy popujve. Në fjalën e mbajtur në hapje të ceremonisë që po zhvillohet në rrugën "Murat Toptani", Arvizu u shpreh se për 20 vite populli shqiptar ka bërë pjesë të së ardhmes së tij SHBA-të.

Për herë të parë, kryetari i Partisë Socialiste, Edi Rama, ka ftuar sot publikisht, kundërshtarin e tij politik, kryeministrin Sali Berisha, në një debat publik, të hapur ku të shpalosin idetë dhe objeksionet e tyre.
Kryesocialisti Rama e bën ftesën përmes një publikimi për media pasditen e sotme, ku thekson se "është koha kur Shqipërisë në udhëkryq i duhet një debat publik, ku Saliu dhe unë duhet të dalim të dy para shqiptarëve që përfaqësojmë dhe të ballafaqojmë ato që ata i dëgjojnë prej nesh veç e veç".

I shumëdebatuar për shkak të kundërshtimeve që hasi, por qeveria është e vendosur që sot të nisë procesin e regjistrimit të popullsisë në mbarë vendin.
Edhe pse 1 tetori i takon ditë e shtunë, pra ditë pushimi zyrtar për administratën, 15.000 regjistruesit zyrtarë, të trajnuar nga Instituti i Statistikave, do të trokasin në dyert e shqiptarëve për të filluar procesin e regjistrimit. Procesi do të zgjasë deri më 21 tetor.

Trupat paqeruajtëse të NATO-s në Kosovë kanë shkatërruar sot një barrikadë serbe pranë pikës kufitare të Jarinjës. Sic raporton Reuters, serbët ngritën një tjetër barrikadë pak më tutje.
Incidenti tregon vështirësitë e normalizimit të situatës në kufirin mes Kosovës dhe Serbisë, vecanërisht në zonën kufitare, një prej pikave më të nxehta të marrëdhënieve mes dy vendeve.

Valë shkarkimesh në rradhët e bluzave të bardha në Qendrën Spitalore Universitare "Nënë Tereza" në Tiranë.
97 kryeinfermerë dhe shef laboratorësh, që prej ditës së sotme nuk i mbajnë më gradat drejtuese. Për të vendosur nëse ata do të kthehen ose jo në punë, më parë duhet t'i nënshtrohen një konkursi.
Drejtoria e Qendrës Spitalore, përmes një urdhëri ka liruar nga detyra të gjithë kryeinfermierët dhe kryelaborantët e spitalit.

Minatorët e Bulqizës pritet të ndërpresin sot grevën e urisë, një ditë pasi përfaqësuesit e nënkryetari i Konfederatës së Minatorëve të Shqipërisë, Tafë Koleci nënshkruan një marrëveshje me përfaqësuesit e kompanisë koncencionare "ACR".

Marrëveshja pritet t'i japë fund protestave maratonë si dhe grevës së urisë e cila dje hyri në ditën e 11-të, sot ishte dita e 12-  të

Siç ishte paralajmëruar nga Taf Koleci, sot rreth orës 9:00, nëntë minatorët ndërprenë grevën e urisë.

Edhe pse 1 tetori i takon ditë e shtunë, pra ditë pushimi zyrtar për administratën, 15.000 regjistruesit zyrtarë, të trajnuar nga Instituti i Statistikave, do të trokasin në dyert e shqiptarëve për të filluar procesin e regjistrimit.

Procesi do të zgjasë deri më 21 tetor. Shqiptarët do t'u relatojnë të gjitha të dhënat e tyre, përfshi dhe kombësinë dhe besimin fetar, dy çështje mjaft të debatuara jo politikisht, por publikisht nga shoqëria civile, e pikërisht nga Aleanca Kuqezi, që aktualisht drejtohet nga nënkryetari i Këshillit të Lartë të Drejtësisë, Kreshnik Spahiu.

Pas rreth 3 muajsh protesta, grevë urie dhe përplasje më përfaqësues të kompanisë ACR, më në fund duket se minatorët e Bulqizës do ti rikthehen jetës së tyre të mëparshme. Sipas një deklarate të lëshuar nga nga Kreu i Federatës Sindikale të Punëtorëve Industrialistë, Taf Koleci më në fund mes minatorëve dhe kompanisë austruake do të nënshkruhet marrëvëshja e shumë kërkuar, tashmë nga të dyja palët. Kjo marrëveshje është nënshkruar nga Taf Koleci dhe përfaqësuesve të firmës koncesionare.

Që prej zgjedhjeve të përgjithshme të qershorit 2009, opozita dhe kryeministri Berisha nuk ishin përballur drejtpërdrejtë në sallën e Kuvendit, të paktën jo nëpërmjet një interpelance. Kjo, për shkak të bojkotit të gjatë të së majtës të punimeve të Kuvendit.
Sot, opozita, pasi më parë deklaroi se nuk do të votojë asnjë ligj që kërkon 84 vota përpara së miratohen 10 propozimet e saj, vendosi të qëndrojë në interpelancën e kërkuar më herët me kryeministrin Berisha.