Arkiv-Lajme të përditësuara

Zbardhet vendimi i Gjykatës Kushtetuese për papajtueshmërinë e mandatit të deputetit socialist Ilir Beqja. Pas kërkesës së një grupi deputetësh demokratë, sipas së cilës, Beqja ka përfituar fonde publike gjatë kohës kur ka qenë deputet i Kuvendit të Shqipërisë, Gjykata Kushtetuese shprehet se, 

Kryeministri Sali Berisha gjatë një takimi me Kryetarin e Asamblesë Kombëtare të Kuvajtit, Jassim Mohammad Al-Kharaf e njohu me reformat e mëdha të ndërmarra nga qeveria shqiptare, për zhvillimin ekonomik të vendit, krijimin e klimës më të mirë për bizneset dhe shprehu vlerësimin për një sërë investimesh të rëndësishme të investitorëve kuvajtianë.
Kreu i qeverisë garantoi se çdo investitor kuvajtian do të gjejë tek qeveria shqiptare, një partner dhe mbështetës të palëkundur dhe të besueshëm për çdo projekt të tyre në Shqipëri.

Rezoluta e Asamblesë Parlamentare e Këshillit të Europës e miratuar mbrëmjen e djeshme për Ballkanin, në pjesën për Shqipërinë kritikon bojkotin e Partisë Socialiste duke thënë se ka penguar procesin integrues dhe reformat në vend.
Kjo rezolutë e miratuar pas raportit të suedezit Bjorn von Sydow, kërkon që palët të punojnë së bashku për normalizimin e situatës politike në vend. 

Ministria e Ekonomisë, Tregtisë dhe Minierave në Shqipëri ka në plan të lëshojë 151 liçensa minerare këtë vit, duke planifikuar që të japë çdo javë nga 20 të tilla. Kështu shkruan agjensia e lajmeve “Reuters” e cila thekson se METE ka përgatitur një paketë të re ligjesh për minierat me qëllim reformimin e këtij sektor. Pjesë e planit vjetor të kësaj janë procedurat e konkurimit për 151 zona minerare si dhe për rreth 20 objekte minerare dhe mbetjesh minerare të ish-ndërmarrjeve shtetërore.

Kuvajti do të rrisë investimet në Shqipëri. Rritja e bashkëpunimit ekonomik si dhe investimet konkrete në infrastrukturë ishin në foKus të takimit të Kryetares së Kuvendit jozefina Topalli dhe homologut të saj Kuvajtjan Jassim Mohammad Al-Kharaf. Në deklaratën e përbashkët për mediat Kryetarja e Kuvendit Topalli hodhi idenë për organizimin e një Forumi të Përbshkët Ekonomik në Tiranë.
Nga ana e tij kreu i parlamentit Kuvajtjan e cilësoi Shqipërinë si promotor të progresit për paqen rajonale. 

Kryeministri i vendit Sali Berisha u ndal sot në Vaqarr ku bëri inaugurimin e rrugës nacionale Vaqarr-Vishaj.
Sipas kreut të qeverisë nëpërmjet kësaj rruge dhe rrugëve të tjera që do ndërtohen, po bëhet e mundur ndërtimi i unazës së Tiranës rurale, e cila sipas tij është Tirana e lagjeve më të privilegjuara, më të bukura të saj.
Kryeministri Berisha i uroi banorët për rrugën e re, duke e cilësuar atë, si një vepër të rëndësishme infrastrukturore me një impakt direkt në jetën e qytetarëve të këtyre komunave.

Kuvendi miratoi me 71 vota pro pas katër orë debatesh të forta mes maxhorancës dhe opozitës buxhetin faktik të vitit të kaluar. 

Kryeministri Berisha dhe Ministri I Financave, Ridvan Bode, deklaruan se përmes këtij buxheti u bë e mundur ruajta e stabilitetit financiar të vendit dhe mbajtja në ritme pozitive e ekonomisë përmes investimeve në infrastrukturë dhe turizëm. 

Megjithatë, deputetët e opozitës, të cilët votuan kundër deklaruan se buxheti rriti borxhin dhe mbi të gjitha barrën fiskale mbi shtresat e ulëta dhe të mesme. 

Festimet e 20-vjetorit të rilidhjes së marrëdhënieve diplomatike mes SHBA dhe Shqiperisë kanë vijuar me një  simpozium organizuar nga Instituti për Studime Ndërkombëtare me temë “Marredhëniet shqiptaro-amerikane, Ndërtimi së Ardhmes”, ku ka marrë pjesë edhe presidenti i Republikës, Bamir Topi. 

Ambasadori Alexandër Arvizu ka falenderuar të gjithë ata që kontribuan ne zhvillimin e marrëdhënieve mes dy vendeve gjatë këtyre 20 viteve. Duke u ndalur në historikun e këtyre marredhënieve zoti Arvizu theksoi 5 zhvillime të rëndësishme.

Në Kuvend ka nisur diskutimi për buxhetin faktik të vitit 2010, ndërsa ka patur polemika mes kryeministrit dhe deputetëve socialistë. Kryeministri Berisha ka deklaruar në fjalën e tij se qeveria ia doli të rrisë rrogat dhe pensionet pikërisht në kohën kur bota ishte zhytur në krizë.
" Fytyra e vërtetë e një qeverie është buxheti.Të gjithë ata që votojnë kundër këtij buxheti, votojnë kundër rritjes së pagave dhe pensioneve. Fondi për pensionet është 106 mln lekë dhe sot është e vërtetë se pensionistët në fshat marrin mbi 110% më shumë se 5 vjet më parë", tha Berisha.

Pas 6 ditësh Komisioni Europian pritet të japë mendimin e tij nëse Shqipëria e meriton apo jo statusin e kërkuar për të qenë kandidat për anëtarësim në Bashkimin Europian. Për marrjen e vendimit, vite më parë Komisioni i vendosi Shqipërisë dhe politikës vendase 12 rekomandime, plotësimi i të cilave do të siguronte një bazë të mirë ligjore për vendin dhe familjen evropiane.