meta

Për ndryshimet në qeveri u pyet sot edhe Ilir Meta. Ai la të kuptohet se zëvendësimi i ministrave mund të mbetet një makiazh për të kapërcyer goditjen e rëndë që ka marrë imazhi i kabinetit socialist pas protestës së studententëve dhe skandaleve me Unazën e Madhe. 

Një ditë pasi parlamenti rrëzoi brenda 24 orësh dekretin e presidentit që ktheu për rishqyrtim Ligjin e Tatimit mbi të ardhurat, Ilir Meta ka lënë të kuptohet se marrëzia e deputetëve socialistë meriton të trajtohet me deklarata të një naivitetit kronik që te Meta aktivizohen sa herë kërkon t’u shmanget komenteve të drejtëpërdrejta. Kujtojmë që deputetët e PS u njoftuan të mërkurën se duhet të mblidheshin në ambjentet e sallës së seancave plenare për të shyrtuar dekretin e presidentit, të cilin e rrëzuan me votë më pas në seancë. 

Meta kthen në parlament një prej ligjeve të Paketës Fiskale të vitit 2019. Bëhet fjalë për nenin 9 të Ligjit të Tatimit  mbi të Ardhurat, që parashikon uljen nga 15% në 8% të taksës së dividentit të korporatave ose fitimit që shkon në xhepat e aksionerëve.

Meta thotë se ligji krijon trajtim preferencial prapavreprues, pasi përfshin në normën 8% edhe korporatat që nuk kanë paguar taksën për fitimet e realizuara përpara hyrjes në fuqi të këtij ligji.

Kjo sipas presidentit krijon pabarazi me subjektet që kanë paguar taksën më parë në normën 15%.

Një vizitë patjetër shumë e rëndësishme dhe me konotocion simbolik të posaçëm mund të konsiderohet ajo e presidentit të Republikës, Ilir Meta në komunitetin arbëresh të Kalabrisë në Shën Demetër Korona.

Ai është shoqëruar nga homologu italian, Sergio Mattarella, që e ka konsideruar tokën e arbëreshëve si vendin ku të gjithë

arbërershë, shqiptarë, italo-arbëreshë dhe italianë e ndjejme veten në shtëpinë tonë

Sot Shqipëria nuk ka një ministër të Brendshëm. Në krye të saj me kompetenca të cunguara që nuk ka kaluar në Presidencë. Lidhur me këtë fakt, juristi Jordan Daci ka deklaruar sot në një intervistë të për Top-Channel se:

Rezerva kushtetuese i ngarkon ministrit dhe vetëm ministrit disa kompetenca të caktuara. Asnjë zëvendës, qoftë me autorizim apo delegim nuk mund ta bëjë një gjë të tillë. Për më tepër që delegimi i kompetencave nënkupton një periudhë krejtësisht kalimtare, të kufizuar në kohë dhe në veprime

Ilir Meta u prit me shumë entusiazëm në Lungro të Kalabrisë, ku mijëra arbëreshë dolën për t’i uruar mirëseardhjen kreut të shtetit shqiptar.

“Kalabria është shumë e rëndësishme për ne, sepse këtu është zemra e bashkësisë arbëreshe të zhvendosur në Itali që në Mesjetë. Ju jemi mirënjohës që kanë ruajtur gjuhën, traditat, zakonet, identitetin që nga koha e Skënderbeut. Është meritë e tyre, por edhe e kalabrezëve dhe italianëve, që i kanë mirëpritur.’’ – u shpreh Presidenti Meta.

Kryeministri foli me dyer të mbyllura në grupin parlamentar për përplasjen e tij me Ilir Metën duke thënë se Presidenti është duke kërkuar një konflikt me mazhorancën. Kësisoj sipas Ramës, arsyet e mosdekretimit të Sandër Lleshajt janë të sforcuara dhe të paqena.

Mediat raportuan për një letër që i ka shkuar kryeministrit nga zyra e Presidentit me të gjitha arsyet e mosdekretimit të Sandër Lleshajt. E pyetur nga Respublica nëse Presidenti do ta bëjë publike letrën, zyra për shtyp e tij se për momentin nuk është vendosur për ta publikuar.

Një ditë pasi Edi Rama kishte konsumuar në Presidencë bisedën me Ilir Metën për mosdekretimin e Sandër Lleshajt, deputetët afër kryeministrit mesa duket kanë marrë lejen për të folur lidhur me sjelljen e Presidentit.

Nuk ka asnjë dyshim  që në Partinë Socialiste mendojnë si Edi Rama dhe aq më tepër rishtarët që janë katapultuar në politikë si pjesë e enturazhit të tij.

Gjatë paradites u citua një fjalë e Edi Ramës në grupin parlamentar ku u hodhën akuza ndaj Ilir Metës se ka shkelur kushtetutën me mosdekretimin e Lleshajt.

Cili është dimensioni personal i krizës së sotme mes Presidentit të Republikës dhe Kryeministrit? Është një pyetje që mund t’u përgjigjet deri diku spekullimeve të ditës së sotme se Presidenti po bën politikë në vend se të përfaqësojë tjetër gjë. Pra unitetin.

Në fakt çdo akt ka brenda diçka të natyrës politike. Por kur flasim në kuptimin e politikës që injoron  kontekstin institucional atëherë po që ka diçka shqetësuese.

Presidenti i Republikës Ilir Meta ka përcjellë sot për mediat një përgjigje zyrtare për çështjet që janë ngritur nga kryeministri Edi Rama që ka paralajmëruar veprime të mëtejshme për çështjen “Lleshi”. Përmes zëdhënësit Tedi Blushi, presidenti deklaron gatishëmërinë për të informuar Kuvendin e Shqipërisë. Më poshtë njoftimi i plotë: