meta

Në prill të vitit 2013 u tha se koalicioni me Ilir Metën u bë në emër të nxjerrjes nga skena politike të Sali Berishës. Pa pyetur shumë mendimin njerëzve, Edi Rama, pranoi pazarin e ndërmjetësuar dhe mandej eci përpara. Në politikë njësoj si në çdo sipërmarrje duhet pak guxim, pabesi, marrje rreziku që të ecësh. Kjo e Edi Ramës në fakt ishte dorëzim dhe dëshpërim në kushtet kur Sali Berisha e kishte dhunuar rëndë në planin psikologjik kreun e PS-së.

Qarku po vjen e mbyllet drejt dy njerëzve që tërheqin zvarrë mullirin qeverisës, mulli që në katër vite e ka destabilizuar, zhbalancuar, politizuar, kriminalizuar, kanabizuar Shqipërinë dhe ka nxjerrë rreth 450000 shtetas jashtë vendit, në një jetë e të ardhme të pasigurt. Përpjekja europiane përmes dy eurodeputetëve McAllister dhe Fleckstein për një zgjidhje të krizës ditën e martë, 25 prill 2017, thuhet se dështoi me sukses të plotë.

A do të zgidhet Ilir Meta president? Gjasat janë që po, të zgjidhet. Kryeministri Edi Rama ka urdhëruar vuv - deputetët në Grupin Parlamentar të PS-së që ta votojnë të gjithë. Mirëpo, teorikisht ekziston mundësia që kjo votë të mos jepet, që vuvët të gjallërohen e të mos e votojnë Metën. Kjo me siguri do të ishte skema eventuale e kalimit në zgjedhje të parakohshme, për shkak të prishjes së koalicionit.

E gjithë loja e LSI-së dhe Ilir Metës gjatë gjithë kësaj periudhe me kritika, shantazhe, ultimatume, shfaqje konsualiteti dhe deklarata prospertiteti u mbyll në funksion të një qëllimi, zgjedhjes së Ilir Metës President. Partia e drejtuar nga Edi Rama, e cila 6 vite më parë protestoi për burgosjen e Ilir Metës në një protestë me 4 të vrarë pranoi të çojë në krye të shtetit pikërisht të njëjtin personazh. Për të përcjellë lajmin te shqiptarët u përzgjodh Taulant Balla, ndërsa kryeministri nuk dha asnjë shpjegim.

Ilir Meta ka bërë sot një tjetër interpretim të situatës politike ku ndodhet vendi, duke etiketuar si shkaktar të krizës paktin kushtetues të vitit 2008 mes Ramës e Berishës dhe në veçanti ndryshimet në Kodin Zgjedhor që penalizonin partitë e vogla. Në funksion të kësaj akuze ishte dhe tryeza që ai thirri me partitë parlamentare për të ndërmarrë ndryshime në Kodin Zgjedhor, pas urdhrit të ndërkombëtarëve për t’u futur në zgjedhje edhe pa opozitën.

Nga pasiguritë për të ardhmen e vendit dhe rreziqet e destabilizimit që LSI shikonte në horizontin politik të Shqipërisë, udhëheqësi i saj është tërhequr nga deklaratat “bombastike” dhe ka nisur shëtitjet në pularitë e rretheve nga ku po jep mesazhe se qytetarët kanë nevojë për produkte cilësore, duke iu referuar natyrisht vezëve që konsumon elektorati shqiptar, si një produkt me vlera të larta dietike. Pra nga meraku për një qeveri besimi, Ilir Meta ka filluar të shqetësohet për cilësinë e vezëve që hanë shqiptarët.

Kryeministri Rama konfirmoi sot “pazarin” e mbyllur mes tij dhe Ilir Metës, në përpjekje për të sqaruar kërkesën drejtuar Komisionit Qëndror të Zgjedhjeve për të shtyrë afatin e regjistrimit të koalicioneve për zgjedhjet e 18 qershorit. Fjala e tij u jep të drejtë dyshimeve se qëndrimet e LSI-së kanë qenë daulle bosh dhe kanë zhgënjyer ata që prisnin një bashkim të saj me PD-në.

E mbani mend Ilir Metën pas zgjedhjeve të vitit 2015 kur deklaroi se “kur unë them po është po”? Ishte një mesazh për Sali Berishën që donte të thoshte se unë e mbaj fjalën, pra bashkë mund të bashkëpunojmë. Këtë shprehje vetë - lavdërimi të burrërisë së imagjinuar, kreu i LSI-së e përforcoi kur në një emission televiziv deklaroi se “Lulzim Basha të gënjen edhe për orën”.

Të dyja “incidentet me inat” të Metës janë në themel përpjekje për të ngjizur fabulën se dy burra ka politika: Ilir Meta dhe Sali Berisha.

Kryeministri ka bërë dje ofertën e fundit për Ilir Metën, teksa gjatë një interviste për emisionin “Dritare” ka lënë të kuptohet se pritmëria e shqiptarëve që me reformën në drejtësi Ilir Meta dhe Sali Berisha duhen futur në burg, është e drejtë.

Takimi i drejtuesve të koalicionit qeverisës ka përfunduar ashtu siç dinë t'i përfundojnë punët personat Edi Rama dhe Ilir Meta: përgjysmë. Pa një qëndrim për konfirmimin ose jo të koalicionit, kreu i LSI-së ka dalë nga takimi me oksigjenin e nevojshëm për të vijuar të minojë stabilitetin politik në emër të ambicies së tij që është e qartë: marrjen e karriges së kryeministrit. Ai ka deklaruar se çështja e koalicionit nuk është më e rëndësishmja, por në kuadër të nevojës për dialog, drejtuesit e mazhorancës kanë rënë dakord siç tha ai për: