Shpipëri Hesapi

Kryeministri i Shqipërisë është i shqetësuar edhe për Europën përveçse për Shqipërinë, Kosovën dhe Ballkanin. Pas samitit të Berlinit ai është ndër të paktët pjesëmarrës që flet me pozitivitet dhe madje hidhet në sulm kundër mediave shqiptare që sipas tij po bëjnë çmos që vendi ynë të dështojë. Është thuajse e sigurtë tashmë se zotin kryeministër nuk e këshillon njeri pos emocioneve të veta. Pasi përndryshe kjo sjellje e tij, bajate në kulm, do të kishte ndalur.

“Shqiptarja.com”, gazeta e Carlo Bollinos, raporton sot mbi ngjarjen e djeshme në Laç ku gjetën vdekjen dy persona. Shkruan ndër të tjera gazeta:

Shiti fiq, u shkollua jashtë me bursë, u angazhua i telekomanduar në shoqërinë civile me fonde që nuk i munguan ndonjëherë, iu hapën dyert e mediave pa doganë, u katapultua në politikë, mori bashkinë e Tiranës qyl. Tani kërkon partinë.  E megjithatë është defiçent i dokumentuar në arsyetim.

Nuk ka ditë që të mos shkojë pa shfaqjet e palaçollëkut politik shqiptar. Këto 48 orët e fundit e gjithë makineria propagandistike e pushtetit po merret me zbutjen e efektit psikologjik që ka vendimi i parlamentit hollandez për rivendosjen e vizave për shqiptarët. Pika kryesore e kësaj përpjekje është se shqiptarët sipas statistikave hollandeze përbëjnë 0.2% të kriminalitetit në këtë vend.  Nga ana tjetër po këmbëngulet për të shpjeguar se qeveria e Hollandës nuk do ta zbatojë rekomandimin e parlamentit.

Qeveritarët e Rilindjes kanë nxjerrë së fundmi një mënyrë të re për të përhapur “lajmin që Duam”. Ata kanë nisur praktikën e takimeve informale me gazetarët, prej nga ku mandej çdo lajm që mund të dalë mbetet në kuadër të thashethemit dhe intepretimit. Kështu vepron ministri i Jashtëm në Detyrë, Gent Cakaj, një kalama i llastuar nga fati, por kështu po vepron edhe drejtuesi i ri i Agjencisë së Kadastrës, Artan Lame, i cili sot ka zhvilluar një takim pune me gazetarë.

Media të ndryshme po raportojnë për një takim informal të tensionuar mes ministrit të Jashtëm në Detyrë dhe disa gazetarëve. Zoti Cakaj ka kërkuar paraprakisht që diskutimet të mos raportohen dhe në fakt etika e kërkon një gjë të tillë. Por ja që lajmi ka dalë dhe në fakt ai ka të bëjë jo me diplomacinë, por me adoleshencën e zgjatur të ministrit.

Një grusht në tavolinë, përplasje verbale si prej nuseje histerike me njerëz të stafit dhe kundërvënie arrogante për pyetje të caktuara.

Kryeministria i ngjan tashmë sadopak një qelie të stërmadhe periferie, ku "kultura" e grafiteve dhe "llangosjes" estetike mund të marrë udhë lirshëm meqenëse z. Rama e promovoi Hapjen e dyerve të pushtetit me vendosjen e të ndjerës kërpudhë dhe strehëzes prej diskoje në hyrjen kryesore. Kryeministri ka mundësinë të ndihet si një artist i vërtetë sepse opozita po i dhuron shansin e jetës: të luftojë shëmtinë. Por atë të Fasadave vetëm ama. 

Kush ka jetuar vitet e fundit të regjimit monopartiak në Shqipëri, do kujtojë se propaganda e kohës, e tharë nga çdo kuptim pse e shkëputur nga realiteti, fliste dhe shkruante për arritje të mëdha. Këto arritje kumbojnë ende sot në arkeo-maksimën ironizuese të Enver Hoxhës: nga fitorja në fitorje. Mirëpo ndryshimi i regjimit nuk do të thotë se shoqëria shqiptare ka përqafuar modelin kritik. Jo. Këtu kritika të bën me një palë, në varësi të palës së bashkëbiseduesit. Megjithatë ka një standard realizmi që nuk kapërcehet për të mbetur objektiv. Në këtë kuadër opinione si ky i prof. dr.

Ministri i Brendshëm Sandër Lleshaj doli sot e ia hodhi fajin koncesionarit për grabitjen në Rinas. Duke harruar se në fakt çdo sistem sado i sofistikuar thyhet.

Konçesionari deklaroi se Policia e Shtetit duhet të ruajë çdo metër të këtij vendi.

Raporti i fundit i Kontrollit të Lartë të Shtetit ka evidentuar një dëm ekonomik prej 193 milionë eurosh për vitin 2018, ndërkohë që ndikimi nga mosarkëtimi i të ardhurave shkon në 1.5 miliardë euro.

KLSH-ja ka çuar për ndjekje penale dhjetëra titullarë institucionesh dhe drejtues të nivelit më të ulët.