Blloku Bota

Lufta sa vjen dhe aktualizon veprimin dhe informimin në kohë reale, duke nxjerrë jashtë loje metodat tradicionale. Në rrjetin "X" është postuar një video e hollësishme me vendosjen, armatimin, mjetet e ushtrisë amerikanë në Lindjen e Mesme. Një shembull i qartë i zbulimit të veprimeve operacionale që ndihmojnë Iranin të godasë objektivat e vet. 

Britania e Madhe nuk do të marrë pjesë në ofensivën e SHBA dhe Izraelit ndaj Iranit. Mediat citojnë kryeministrin Keir Starmer të jetë shprehur se Britania do të vërë në dispozicion bazat e veta, por nuk do të jetë pjesë e sulmeve.

Baza për vendimet tona është për vetëmbrojtjen kolektive të miqve të vjetër dhe aleatëve si dhe mbrojtjen e jetëve të britanikëve

ka thënë ai.

Mjaftuan vetëm 48 orë që “Epic Fury” i iniciuar nga SHBA të vihet në diskutim serioz. Sot raportohet se Sekretari i Luftës, Peter Hegseth, por edhe presidenti amerikan, Donald Trump, kanë lënë të hapur mundësinë e ndërhyrjes tokësore në Iran. Vetë artikulimi i këtij skenari ilustron faktin se SHBA duket se kanë rënë në gabimin e Rusisë me operacionin ndaj Ukrainës. Ideja është për qitje të shpejtë, asgjësim lidershipi dhe paralizim.

Përfaqësuesi rus në Vjenë, Mikhail Ulyanov, ka deklaruar gjatë një takimi të Bordit të Drejtuesve të Agjencisë Ndërkombëtare të Energjisë Atomike, se synimet e sulmt ndaj Iranit janë dy: përmbysja e regjimit dhe shpërbërja përfundimtare e shtetësisë së tij.

Shqetësimet e 25 viteve të fundit për programin bërthamor Iranian ishin thjesht një fasadë për ndjekjen e këtij objektivi të vetëm. Kjo demonstron se mos-përhapja në SHBA shihet ekskluzivisht si një instrument për të arritur objektiva politike, pavarësia dhe zgjedhjet sovrane të të cilëve u duken të papranueshme

Ushtria izraelit ka publikuar pamjet e goditjes së rezidencës së Ali Khameneit në Teheran më 28 shkurt. 

Ajatollahu i Iranit, Ali Khamenei është konfirmuar zyrtarisht i vdekur si pasojë e sulmeve të 28 shkurtit nga ShBA dhe Izraeli. Konfirmohen të vrarë po ashtu edhe të paktën 4 zyrtarë të lartë iranianë. Një dështim spektakolar i sigurisë në Iran. 

Ndërkohë, mediat perëndimore prezantojnë si figurë të re qendrore, Ali Larijanin, ish-negociator për çëhtjen bërthamore dhe mandej strategjisti kryesor i Khameneit. I cilësuar si pragmatist, Larijani megjithatë ka folur për dhunë kundër protestuesve duke komentuar se plani izraelit është ndarja e Iranit. 

Mëngjesin e sotshëm është raportuar se SHBA dhe Izraeli kanë ndërmarrë një sulm ushtarak ajror ndaj Iranit. Vendimi pason një seri lajmesh për dislokim masiv mjetesh në disa pika të Gjirit rreth Iranit.

Sulmi ka qenë në vetvete i papritur deri më dje, pasi vetë presidenti amerikan, Trump kishte deklaruar se ende nuk kishte ndarë mendjen për atë që do të ndërmerrte.

Megjithatë sot aktiviteti ka nisur me një goditje “parandaluese” nga Izraeli për të cilin kryeministri Beniamin Netanyahu, deklaroi se po kryhej për të eliminuar “kërcënimin ekzistencial” ndaj Izraelit.   

Komisioni Evropian ka kërkuar nga Zyra Evropiane Kundër Mashtrimit (OLAF) të shqyrtojë veprimet e Peter Mandelson gjatë kohës kur ai shërbente si komisioner britanik për tregtinë në Bruksel, në periudhën 2004–2008.

Shtetet e Bashkuara dhe Irani kanë bërë përparim të konsiderueshëm në bisedimet e së enjtes, që synojnë zgjidhjen e një mosmarrëveshjeje të gjatë bërthamore dhe shmangien e sulmeve të reja të SHBA-së.

Robert Kagan, analist i njohur në SHBA, flet së fundmi në një intervistë për gjermanen “Spiegel” rreth zhvillimeve të fundit politike në Amerikë. Kagan tërhoqi disi vëmendjen 10 vjet më parë me parashikimin e tij për instaurimin në SHBA të fashizmit, afirmuar sot sipas një kategorie si realitet institucional.