Blloku Bota

Zëvendëskryeministri serb Aleksander Vulin, ka deklaruar në një intervistë për median ruse, “Ria Novosti” se autoritetet ruse po ndihmojnë Beogradin zyrtar në kontrollin dhe shtypjen e protestive aktuale në Serbi.

U jam shumë mirënjohës shërbimeve ruse të sigurisë që na kanë mbështetur përherë në luftën tonë kundër revolucioneve me ngjyra, kryesisht me informacion

është shprehur Vulin.

Rrjeti social “X” i zotëruar nga Elon Musk, ka mbyllur llogaritë e figurave opozitare turke në kontekstin e protestive të nisura për arrestimin e liderit opozitar Ekrem Imamoglou. Sipas mediave të ndryshme, llogaritë e mbyllura u takojnë aktivistëve universitarë që ndajnë informacione mbi protestën, vendprotestat etj., e studenëtëve etj..

Ndërsa në të gjithë Serbinë po protestohet kundër regjimit autoritar të Vuçiç, festivali belg i filmit "DOCVILLE" planifikon të shfaqë një film belg që promovon minierat e litiumit, i krijuar në dialog me këtë regjim. Një grup artistësh dhe akademikësh serbë i janë drejtuar këtij festivali me një letër të hapur, në të cilën i kërkojnë anulimin e shfaqjes së filmit, të cilin e shohin si një platformë përmes së cilës qeveria serbe mund të promovojë axhendën e saj.  

Letra

Kryeministri izraelit Beniamin Netanyahu ka urdhëuar sulme të reja në jug të Libanit, një vendim që vjen në sinkron me sulmet amerikane ndaj rebelëve jemenitë Houthi. Izraeli pretendon se ka identifikuar dispozitë ushtarakë të milicisë Shiite Hezbollah, një qëndrim që sipas kryeministrit libanez, Nawaf Salam përfaqëson një moment përshkallëzimi që mund të kthejë konfliktin në shkallë të gjerë.

Një episod në Greqinë fqinje ndoshta shpjegon se në vende si tonat ka diçka më shumë sesa vullneti politik që çon në dështim. Gazeta “Kathimerini” sjell rastin e katër mjekëve të ardhur në Greqi nga SHBA për të ushtruar profesionin e tyre, të cilët pas dy vjetësh qëndrimi ende nuk kanë ndonjë përgjigje për të njohur specializimin e tyre.

Agjencia “Tass” i kushton sot një shënim ministrit të Jashtëm rus, Sergey Lavrov që ka 75 vjetorin e lindjes. 21 vjet në detyrë, Lavrov është tashmë një ndër dekanët e politikës së jashtme ndërkombëtare me njohje të mjedisve diplomatike dhe rrethanave si pakkush tjetër.

Diskutimet për një paqe në Ukrainë kanë nisur të japin disa efekte administrative në Rusi. Një dekret i Presidentit rus, Vladimir Putin u kërkon ukrainasve që banojnë në Rusi të legalizojnë statusin e tyre si imigrantë në Rusi deri më 10 shtator, ose të largohen nga vendi.

Deklarimet e Komisioneres Europiane për Zgjerimin, Marta Kos, pas një takimi me presidentin serb, Aleksander Vucic, kanë provokuar reagime nga ana e opozitarëve serbë që kanë bërë të qartë mosbesimin në rritje ndaj BE-së.

Një takim konstruktiv me presidentin Vucic. Theksova se zgjerimi është një proces i gjithë shoqërisë. Nuk është i mundshëm pa një shoqëri civile të fortë dhe media të pavarur

Gazeta greke “Kathimerini” i ka marrë sot një intervistë, ish-këshilltarit të Sigurisë të Presidentit Joe Biden, Jake Sullivan. Teksa e cilëson bashkëpunimin dypalësh SHBA-Greqi në fushën e Mbrojtjes si një ndër më të thellët në botë, Sullivan jep edhe një përgjigje se pse administrata e shkuar amerikane nuk e denoncoi doktrinën turke të “Atdheut Blu” që evokon pretendime territoriale në Egje.

Kreu i Këshillit të Europës, Antonio Kosta, ka deklaruar gjatë një interviste për AFP-në se Rusia përfaqëson një kërcënim kolektiv për Europën.

Sigurisht që fqinjët e Rusisë janë më të shqetësuarit. Por është esenciale që të kuptohet se ky është një kërcënim kolektiv

ka thënë ai.

I pyetur mbi armatimin e Europës, Costa ka sqaruar se aktualisht emergjenca e sigurisë imponon blerjen e armëve kudo ku është e mundur.