Blloku Bota

Pas Francës dhe Britanisë së Madhe, edhe Kanadaja ka njoftuar njohjen në muajin shtator të shtetit palestinez. Kryeministri Mark Carney ka deklaruar së Kanadaja do të zyrtarizojë qëndrimin e vet në punimet e Asamblesë së Organizatës së Kombeve të Bashkuara që mbahet në muajin shtator duke e justifikuar këtë me angazhimin e Autoritetit Palestinez në reformat e domosdoshme përfshirë zgjedhjet në vitin 2026, demilitarizimin dhe masat kundër korrupsionit.

 Kryeministri lituanez Gintautas Paluckas është detyruar të japë dorëheqjen në dritën e një skandali për “marrëveshje joetike financiare”. Paluckas ka njoftuar personalisht aktin duke shtuar se do të lërë edhe postin e kryetarit të Partisë Socialdemokrate.

Pjesëtarë të Brigadës së Operacioneve Speciale të Ushtrisë serbe kanë zhvilluar së fundmi një stërvitje të përbashkët me homologë të Ushtrisë kineze në Provincën Hebei në Kinën Veriore. Stërvitja 10-ditore u përqendruar në përdorimin e mjeteve të reja si dronë në taktikat e luftimit urban.

Gazeta greke “Kathimerini” raporton për një incident të rëndë me regjistrin kadastra digjital në vend. Sipas saj, në 18 muajt e fundit ka patur parregullsi dhe ndërhyrje të paautorizuara në regjistrin digjital të titujve të pasurisë çka ka vënë në lëvizje Zyrën e Prokurorit Europian.

Një tërmet me magnitudë 8.7-8.8 ka goditur rajonin e Kamcatkës në Lindjen e Largët të Federatës Ruese. Shërbimi i Unifikuar Gjeofizik i Akademisë Ruse të Shkencave e ka cilësuar goditjen si “një ngjarje të jashtëzakonshme” dhe tërmetin më të fuqishëm që nga viti 1952.

Autoritetet kanë paralajmëruar për pasgoditje të forta ndërohë që është raportuar gjenerimi i tsunamit që ka prekur vetë gadishullin rus, Japoninë dhe bregun perëndimor të Shteteve të Bashkuara të Amerikës.

Kancelari i ri i Gjermanisë Friderich Merz ka njoftuar dy ndryshime në politikën e jashtme të vendit që i hapin rrugë, të paktën në fillim, një Gjermanie më aktive dhe agresive. Në një intervistë për WDR, ai ka bërë të ditur se nuk do të ketë më kufizime për rrezen e armëve me të cilat furnizohet Ukraina në konfliktin e saj me Rusinë.

Nuk ka më kufizime as nga britanikët, as nga francezët dhe as nga amerikanët

Një video e shpërndarë në media, përcjell një moment kur presidenti i Francës ha një dackë nga bashkëshortja e vet, zysha e dikurshme, Brigitte. Çifti po udhëton në një tur zyrtar në Vietnam, një vend dikur koloni e Francës. 

Përfaqësuesja e Lartë për Politikë të Jashtme të BE-së, Kaja Kallas, ka kërkuar nga krerët e qeverisë në Maqedoninë e Veriut të marrin vendimet që përkufizojnë një erë të re në raportet e saj ndërkombëtare. Mediat rajonale vënë në dukje se kërkesa më e vështirë për Shkupin zyrtar është njohja përmes ndryshimit kushtetues të pakicës bullgare në vend, nisur edhe nga fakti se për këtë çështje Bullgaria ka vënë veton ndaj Maqedonisë së Veriut.

Ministri i Jashtëm i Serbisë, Marko Djuric, ka paralajmëruar se ndyshimet kushtetuese në Bosnje dhe kalimi drejt një shteti unitar, do të çonin në destabilizim.

Qëndrimet e fundit të zv.presidenti amerikan, JD Vance, paralajmërojnë se proteksionizmi amerikan mbi rendin demokratik dhe liberal në botë po mbyllet. SHBA as ka dëshirën dhe tashmë as qasjen praktike për të imponuar ide dhe vlerat të vetat mbi të tjerët. Ajo po pozicionohet në rendin e një fuqie të madhe që mbron interesat e veta, por jo ide universale.

Në terma të gjeopolitikës, që është shndërruar tashmë në një disiplinë me të cilën shpjegohet çdo gjë, kjo do të thotë se bota po hyn në rendin e ri të rajoneve gjeopolitikë, diçka që është parashikuar nga Kissinger.