Blloku Bota

Presidenti i Federatës Ruse, Vladimir Putin, ka firmosur një dekret që zgjat Planin e Mbrojtjes së vendit me dy vjet. Plani përfundonte në kuptim të legjislacionit në fuqi në vitin 2025, por me dekretin e ri ai zgjatet deri në vitin 2027.

Plani në fjalë, u prezantua në nëndor të vitit 2020 dhe ai përfshin identifikimin dhe analizën e rreziqeve potenciale si dhe masat që duhen marrë në përputhje me këto si zhvillim i forcave të armatosura dhe planeve të armatimit, përgatitjeve të mobilim ushtarak dhe mbrojtjen territoriale.

Kryetarja e Parlamentit serb, Ana Brnabic ka deklaruar se arrestimi I disa aktivistëve në Novi Sad është bërë për shkak të dyshimeve se ata po planifikonin akte terroriste dhe provokimin e një lufte civile.

Ata kishin planfikuar të manipulonin njerëzit që merrin pjesë në protestat e bllokimit për shkak se e dinin se shumica e tyre nuk ishin pro nisjes së një lufte civile dhe nuk ishin për dhunën

ka thënë ajo.

Të mërkurën, 14 maj, Gjykata e Përgjithshme e Bashkimit Evropian do të shqyrtojë çështjen “Pfizergate”, për të cilën pritet të dilet me një vendim.

Ky vendim do të vijë pas vitesh polemikash rreth aludimeve për mesazhe të fshira mes Presidentes së Komisionit Evropian Ursula von der Leyen dhe gjigantit farmaceutik amerikan Pfizer, në lidhje me një marrëveshje disa miliardë euro për vaksinat anti-Covid. 

Autoritetet gjermane kanë ndaluar aktivitetet e një grupi separatist të njohur si “Mbretëria e Gjermanisë”. Ministri i Brendshëm Alexander Dobrindt deklaroi ndalimin dhe njoftoi kontrollet e ushtruara në shtatë lande. Të arrestuar janë katër anëtarë të grupit mes të cilëve edhe “mbretin” Peter Fitzek, i dënuar më parë për veprime ilegale bankare.

Një incident gjatë një ceremonie në kazermat ushtarake të Kozarës pranë Banja Llukës është kthyer në përplasje diplomatike mes Bosnjës dhe Serbisë.

Ministri i Jashtëm i Polonisë, Radoslaë Sikorski ka urdhëruar mbylljen e Konsullatës së Rusisë në Krakov në dritën e të dhënave sipas të cilave pas zjarrit në qendrën tregtare Marywilska në Varshavë vitin e kaluar, qënron Moska.

Nisur nga evidencat se ishte shërbimi sekret rus që kreu sabotazhin e dënueshëm në Marywilska, kam vedosur të tërheq autorizimin tim për ushtrimin e aktiviteteve të konsullatës ruse në Krakov

citohet Sikorski.

Shërbimet inteligjente greke dhe lituaneze kanë zbuluar një rrjet të dyshuar spiunazhi rus që operonte në pesë shtete: Greqi, Qipro, Bullgari, Mali i Zi dhe Lituani.

Sipas gazetës greke “Kathimerini”, “dy etnikë grekë nga rajoni Tsalka i Gjeorgjisë janë epiqendra e dosjes”.

Presidenti rus, Vladimir Putin, ka propozuar negociata direkte me Ukrainën më 15 maj në Stamboll. Mesazhi erdhi disa orë pasi liderë europianë bënë thirrje për armëpushim 30 ditor pa kushte. 

Ne jemi të vendosur të zhvillojmë negociata serioze për të eliminuar shkaqet e këtij konflikti. Ne nuk përjashtojmë se gjatë këtyre bisedimeve do të jemi në gjendje të dakordësohemi për ndonjë armëpushim të ri

Ministri i Jashtëm i Turqisë, Hakan Fidan ka deklaruar se Franca dhe Gjermania bllokojnë kërkesën turke për anëtarësim në BE për arsye të politikës së brendshme.

Ne shohim se kërkesa nuk pranohet nga dy vendet që janë themelues dhe forcat udhëheqëse të BE-së dhe kjo ndodh kryesisht për arsye të politikës së brendshme

është shprehur Fidan në një intervistë televizive.

Presidenti bullgar Rumen Radev ka deklaruar se ndihma europiane për Kievin në luftën kundër Rusisë është e destinuar të dështojë.

Europa nuk ka vizionin e vet për fundin e luftës dhe në mendimin tim, është e paracaktuar të dështojë. Ofrimi i më shumë armëve nuk do të çojë në fitoren e Ukrainës. E kundërta po ndodh përditë

ka shkruar ai në një postim në Facebook.