Blloku Bota

Mediat në Izrael raportojnë se lobi izraelit në ShBA ka organizuar një fushatë të koordinuar për të orientuar një politikë të krizës permanente në Siri.

Sipas burimeve të cituara raportohet se ideja e lobimit është që ShBA të angazhohet për një Siri të dobët, të tolerojë praninë e bazave ushtarake ruse për të kundërpeshuar ndikimin në rritje të Turqisë.

Jerusalem Post vë në dukje se përpjekja në fjalë synon të minojë politikën stabilizuese të liderëve islamikë që rrëzuan Bashar al Assad.

Dy vjet pas tragjedisë së Tempe, në Greqi është zhvilluar një protestë apo grevë kombëtare që duket se përfaqëson diçka unike në përmasa. Irritimi lidhet me faktin se dy vjet pas aksidentit hekurudhor ku gjetën vdekjen 57 njerëz janë zbuluar të dhëna për dijeninë dhe përgjegjësinë e qeverisë. 

Takimi Trump-Zelenskiy ka përfunduar në mënyrën më dramatike të mundshme. Donald Trump dhe zv.presidenti J D Vance që kapen në debat me presidentin ukrainas për qëndrimet ndaj Rusisë dhe rrugën drejt marrëveshjes. Pavarësisht përmbajtjes, Zelenskiy ka bërë i pari hapin e madh: ka kundërshtuar në Shtëpinë e Bardhë presidentin e SHBA, duke konfirmuar publikisht se Paqja e pretenduar nga Trump ka marrë një goditje. Ndonëse ka një ndjesi të madhe skandali, e mira është se diskutimi ka qenë i hapur publikisht, diçka e pamendueshme në mbarë botën. Vetë Trump ka deklaruar në diskutim se: 

Në një vizitë të kryeministrit  brianik Keir Starmer në SHBA, mund të shihet një shembull i rrallë sesi politika perëndimore po përpunon maniera të posaçme për të mos cenuar humorin e Presidenti të ri të Amerikës, Donald Trump. I perceptuar gjerësisht si një njeri që preferon të lavdërohet, të flasë për gjëra që bëhen për herë të parë, të paprecedenta, të reja, historike, Donald Trump ka imponuar kështu një protokoll të personalizuar që i ka kthyer kryeministrat në diplomatë dhe gati në sekretar oborri. 

Serbia e Aleksander Vuçiç ka hedhur një hap të ri diversifikues sa i takon politikës së jashtme. Zv.kryeministri Aleksander Vulin ka vizituar Moskën ku është takuar me ministrin e Jashtëm Sergey Lavrov.

Në takim raportohet se është folur për “një rregullim të çështjes së Kosovës dhe situatës në Bosnje-Hercegovinë”.

Raportet e reja me Rusinë i ka konfirmuar së fundmi edhe ministri i Jashtëm Marko Djuriç, çka thekson se Rusia është një realitet i rikonfirmuar në çështjet ballkanike përmes Serbisë.

92 vende të Asamblesë së Përgjithshme të Organizatës së Kombeve të Bashkuara kanë miratuar sot një rezolutë të propozuar nga SHBA për luftën në Ukrainë. Situata ka qenë paradoksale pasi në finale vetë SHBA abstenoi nisur nga amendimet që iu bënë drafit fillestar duke rishikuar tekstin për të saktësuar përgjegjësinë e Rusisë për sulmin që në fjalën e të Ngarkuarës me Punë të SHBA në OKB, Dorothy Shea, u cilësua si “lufta ruso-ukrainase”.

Presidenti libanez Joseph Aoun i ka bërë të qartë një delegacioni iranian që ka vizituar Bejrutin se ndërhyrjet e huaja dhe projektimi i luftërave të të tjerëve  në territorin libanez duhet të marrin fund. 

Libani është lodhur nga luftërat e të tjerëve në tokën e vet. Vendet nuk duhet të ndërhyjnë në çështjet e brendshme të të tjerëve

Presidenti ukrainas Volodymyr Zelensky ka shprehur gatishmërinë për t'u dorëhequr nga detyra nëse në këmbim Ukraina anëtarësohet në NATO. 

Nëse ka paqe në Ukrainë, nëse me të vërtetë ikja ime është e nevojshme unë jam gati në këmbim të shkëmbimit të tij me NATO-n. Unë mund të largohem menjëherë nëse është e nevojshme

tha ai në një konferencē për shtyp në Kiev.  

Liderët e vendeve të Bashkimit Europian po punojnë për miratimin e një pakete ndihme ushtarake ndaj Ukrainës në vlerën e 20 miliardë eurove. Lajmi raportohet nga “Politico” që citon burime diplomatike të BE-së.

Po kështu bëhet e ditur se ndihma mund të zgjerohet nëse do të nevojitet dhe një vendim mëi qatë për këtë do të merret në takimin e ministrave të Jashtëm të hënën në Bruksel.