Blloku Bota

Presidenti i Serbisë, Aleksander Vuçiç ka deklaruar në një intervistë televizive se skenari i Nepalit dhe Charlie Kirk ishte parashikuar edhe për në Serbi, por ai e shmangu atë.

NATO ka njoftuar krijimin e një force të posaçme për mbrojtjen e kufinjve lindorë, pas incicentit të fundit me dronët rusë në Poloni.

Roja Lindore, quhet forca që parashikon njësi ajrore dhe tokësore.

Nuk mund të lejojmë dronët rusë të hyjnë në hapësirën e aleancës

citohet Sekretari i Përgjithshëm i Aleancës, Mark Rutte.

Kreu i partisë Agimi i Artë, Nikos Michaloliakos, pritet të dalë nga burgu si pasojë e një vendimi të gjykatës së Lamias.

67 vjeçari do të lërë qelinë për arsye shëndetësore dhe kërkesa e tij është marrë parasysh.

I dënuar me 13.5 vjet burg në vitin 2020, Michaloliakos do të qëndrojë në arrest shtëpiak në shtëpinë e tij në lagjen athinjote të Pefkit.  

SHBA njoftoi sot se ka ndërprerë dialogun strategjik me Kosovën duke fajësuar qeverinë e Albin Kurtit. Një goditje e rëndë kjo për aventurat e muajve të fundit. Më poshtë deklarata: 

Shtetet e Bashkuara kanë pezulluar për një kohë të pacaktuar dialogun strategjik të planifikuar me Kosovën për shkak të shqetësimeve në lidhje me veprimet e Qeverisë në detyrë që kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Mediat në Izrael shkruajnë për një vizitë në New York të kreut të shërbimeve sekrete të Autoritetit Palestinez, Majed Faraj gjatë së cilës ka zhvilluar takime me homologë të CIA-s. Mediat në Izrael ënë në dukje se vizita pasoi deklarata të administratës Trump për të ndaluar hyrjen në SHBA të presidentit të Autoritetit Palestinez, Mahmmoud Abas dhe 12 zyrtarëve të tjerë.

Brukseli duket se ka nisur një sinjal ndaj Beogradit zyrtar që mesa duket lidhet me situatën politike në vend. Mediat opozitare serbe, raportojnë se një aktivitet me titullin: “Serbia, një kandidat strategjik në një pozicion kritik”, parashikuar për t’u zhvilluar këto ditë dhe në të cilin ishte ftuar të referonte edhe kryeparlamentarja Ana Brnabiç, është anulluar. Organizues i aktivitetit është Qendra Europiane për Politika dhe ajo ka njoftuar anullimin edhe për gazetarët e përfshirë në të.

Ministria e Jashtme e Rusisë ka reaguar sot pas akuzave se dronë të Ministrisë së Mbrojtjes kanë shkelur hapësirën ajrore polake në zbatim të detyrave ushtarake brenda territorit të Republikës së Polonisë.

Përmes një deklarate zyrtare Ministria e Jashtme e Rusisë vë në dukje se:

Presidenti Emmanuel Macron ka emëruar aleatin e ngushtë të tij, Sébastien Lecornu, si kryeministrin e ri francez, 24 orë pasi një votëbesim rrëzoi François Bayrou nga posti i kreut të qeverisë së tij. 

Lecornu, 39 vjeç, ishte ndër kandidatët më të favorizuar për të marrë përsipër këtë detyrë dhe ka kaluar tre vitet e fundit si ministër i forcave të armatosura.

Lecornu do të përballet me të njëjtat sfida si paraardhësi i tij, duke përfshirë miratimin e një buxheti për uljen e kostove në parlament pa shumicën.

Në një opinion të publikuar dje në “Politico”, drejtues të dikurshëm të institucioneve europiane si Josep Borrell, Guy Verhofstadt dhe Domènec Ruiz Devesa apelojnë për një rishikim të politikave europiane të sigurisë duke deklaruar hapur se SHBA e Donald Trump nuk mund të jetë një aleate. Për të shmangur sipas tyre protektoratin amerikan, ka një rrugë tjetër që duhet ndjekur me shpejtësi.

Qeveria franceze  François Bayrou është rrëzuar në Asamblenë Kombëtare. Propozimi i tij për shkurtim buxhetor me 43.8 miliardë euro është refuzuar nga Parlamenti duke I dhënë një goditje të rëndë të gjithë bllokut europian.

364 vota kundër dhe 194 vota pro, çuan në një krizë që pritej për të cilën askush nuk kë më një recetë.