Blloku Bota

Në Afganistan, talebanët kanë miratuar një ligj që u lejon burrave të rrahin gratë e tyre për sa kohë që kjo nuk shkakton "thyerje kockash ose plagë të hapura".

Ish-kryeministri Naftali Bennett përdori skenën e Konferencës së Presidentëve të Organizatave të Mëdha Hebraike Amerikane për të dhënë një paralajmërim të hapur strategjik: "Turqia është Irani i ri".

Bennett tha se ndërsa Izraeli ka përvetësuar mësimet e masakrës së 7 tetorit dhe luftës pasuese në Gaza, një kërcënim i ri rajonal po merr formë - këtë herë nga Ankaraja.

Kina ka ashpërsuar dënimet për ata që kryejnë krime seksuale ndaj të miturve, në përgjigje të përdorimit në rritje të mjeteve digjitale për të mashtruar fëmijët. Në këtë mënyrë, Kina bëhet një nga të paktat vende të botës që zbatojnë një dënim të tillë.

Në maj të vitit 2023, Gjykata Supreme Popullore e Kinës njoftoi se do të ketë “zero tolerancë” ndaj krimeve seksuale që kryheshin përmes platformave digjitale, duke theksuar se dënimet për abuzuesit do të ashpërsohen.

Në Prishtinë ka përfunduar një protestë e organizuar në mbështetje të katër të akuzuarave në Gjykatën e Hagës që kanë qenë në drejtim të UÇK-së.

Drejtësi, jo politikë -, kjo ka qenë thirrja.

Nga ana e vet, kryeministri Albin Kurti e ka cilësuar çështjen si parimore dhe ka refuzuar të konsiderojë si të qëndrueshme akuzat e ngritura në Hagë. Duhet thënë se korit të entuziastëve dhe panegjeristëve të luftës i mungon LDK-ja, e cila është në një mënyrë viktimë e goditjeve të krerëve të UÇK-së pas luftës.

Shoqëritë perëndimore e shohin të mundshëm dhe të afërt eventualitetin e një lufte të tretë botërore. Konsideruar zakonisht si një dialektikë e një të ardhmeje të harruar, lufta e tretë po hyn në perceptim si realitet i mundshëm. Një sondazh i organizuar nga “Politico” me qytetarë në SHBA, Kanada, Mbretërinë e Bashkuar, Francë dhe Gjermani ilustron këtë evolucion në qëndrimin e shoqërive kryesore në Perëndim.

Rusia dhe Japonia kanë hyrë në një fazë kritike të relacioneve të tyre diplomatike për shkak të pretendimeve publike japoneze për ishujt Kurile. Në datën 7 shkurt në Tokio dhe qytete të tjera të Japonisë janë mbajtur ceremoni apo aktivitete për Ditën e Territoreve të Veriut, që janë parë nga Kremlini si akte rivendikuese për Kurilet.

Zëdhënësja e Ministrisë së Jashtme ruse, Maria Zakharova i ka cilësuar ato si antiruse në natyrë dhe ka vënë në dukje krahasimin e bërë me Ukrainën.

ShBA ka vendosur të dorëzojë në përgjegjësinë europiane dy postokomanda të rënësishme të NATO-s: atë në Napoli të Italisë dhe tjetrën në Norfolk të SHBA.

Lajmi raportohet nga disa media perëndimore sipas të cilave masa vjen në kuadër të politikës së administratës së re amerikane për të shndërruar NATO-n në një aleancë të drejtuar nga europianët.

Megjithatë SHBA do të mbajë ende komandën e Forcës së Bashkuar Ajrore, asaj Detare dhe Tokësore.

Rusia nuk do të marrë pjesë në takimin e parë të Bordit të Paqes. Njoftimin e ka bërë ministri i Jashtëm Sergey Lavrov, në një intervistë për RTVI.

Një vendim kundër ka dalë edhe Polonia dhe Italia, duke e lënë nismën e Donald Trump në hijen e një ambicjeje personale. Kryeministri polak Tusk ka shprehur rezerva për organizimin e Bordit, ndërkohë që ministri i Jashtëm italian, Tajani, ka vënë në dukje pengesën e pakapërcyeshme që vendos Kushtetuta italiane.

Mediat greke raportojnë për një dilemë diplomatike të Athinës zyrtare sa i takon pjesëmarrjes në Bordin e Paqes, iniciuar nga presidenti amerikan Donald Trump.

Ideja anashkalon OKB-në dhe bie ndesh me rezolutën 2803/25 që përfaqëson planin e paqes për Gazën, ndërkohë që nga Bashkimi Europian, ftesës së Trump I janë përgjigjur pozitivisht deri më tani Hungaria dhe Bullgaria, ndërkohë që Gjermania dhe Franca kanë një qëndrim shumë të ashpër kundër.

Presidenti finlandez Alexander Stubb ka deklaruar së fundmi se politika e jashtme amerikane vjen në konflikt me “vlerat tona”. Sipas tij, anëtarët europianë të NATO-s përfshirë Finlandën, janë duke rimenduar politikat e tyre sidomos pas incidenteve verbale me Groenlandën.

Ne duhet të njohim ndershmërisht se SHBA po ndryshon. Qasja e saj me aleatët, sikurse edhe mënyra sesi e ndjek politikën e jashtme, po ndryshon po ashtu. Politika e jashtme aktuale e SHBA konflikton me vlerat tona