Blloku Bota

“Situata në arenën ndërkombëtare po përkeqësohet gjithnjë e më shumë dhe ajo që i duhet njerëzimit tani është më shumë bashkëpunim midis kombeve të botës”, tha Presidenti rus Vladimir Putin në një ceremoni të dorëzimit të kredencialeve të ambasadorëve të rinj.

Siç raporton TASS, Putin është shprehur se diplomacia, kërkimi i konsensusit dhe kompromisi po zëvendësohen gjithnjë e më shumë nga veprime të njëanshme "dhe shumë të rrezikshme".

Zyrtarë të SHBA-së po studiojnë prej afro 1 viti, një pajisje që prodhon valë radio me pulsim, e cila, sipas disa burimeve, mund të jetë shkaku i incidenteve të njohura si “Sindroma e Havanës”. 

Sipas të njëjtave burime pajisja nuk është plotësisht ruse, por përmban komponentë rusë.  

Një nga pyetjet kryesore për zyrtarët ka qenë si mund të prodhohej një pajisje kaq e fuqishme, sa të shkaktonte dëme të raportuara nga disa viktima, që të ishte gjithsesi e transportueshme. 

Federata Ruse është përfshirë në një incident diplomatik me Izraelin për një datë përkujtimi historik. Me një vendim zyrtar, Federata ka shpallur 19 prillin si Ditën Kombëtare të Kujtimit të Genocidit Nazist ndaj Popullit Sovjetik.

Ndërsa është problematike që Federata Ruse përkujton një akt ndaj Bashkimit Sovjetik dhe jo strikt rusëve, ankesa izraelite ka ardhur për një arsye tjetër. Në një njoftim në rrjetin “X”, Qendra Botërore për Kujtimin dhe kërkimet për Holokaustin, Yad Vashem, e ka cilësuar datën dhe përshkrimin e saj si deformues në planin historik.

Forcat e armatosura të Mbretërisë së Bashkuar nuk janë gati për një konflikt tërësor, “i atij lloji me të cilin mund të përballen”. Kështu citohet të jetë shprehur zyrtari më i lartë u njësive ushtarake britanike, Marshalli Sir Richard Knighton që mban detyrën e Shefit të Shtabit të Mbrojtjes, para një Komiteti parlamentar duke evidentuar se ka mungesë financimi për një modernizim të shpejtë të ushtrisë.

Ne nuk jemi gati siç do të duhet të jemi për llojin e konfliktit tërësor me të cilin mund të përballemi

Shtetet e Bashkuara të Amerikës duket se nuk po e administrojnë me qetësi kalimin efektin të pushtetit në suazën mandatit të dytë të Donald Trump. Pas episodit në Mineapolis ku gjeti vdekjen një grua 37 vjeç si pasojë e konfrontimit me përfaqësues të agjencisë së imigracionit dhe doganave – ICE – sot u raportua nisja e ndjekjes penale nga Departamenti i Drejtësisë për kreun e Rezervës Federale Jerome Powell për shkak se ai “nuk i është bindur preferencave të presidentit”.

Shërbimi rus i Zbulimit, SVR  ka clësuar Patriarkun Ekumenik të Konstandinopojës, Bartholomeu si jë Antikrisht në shërbim të shërbimeve britanike. Përmes një deklarate zyrtare të publikuar në faqen e vet online, SVR referon “informacione të mbledhura që sugjerojnë se Bartholomeu po vazhdon aktivtetet e veta skizmatike”. Konflikti ka të bëjë me vendimet e Patriarkanës Ekumenike për të marrë në kontroll kishat në Ukrainë dhe në Balltik.

Sistemi i ri i hyrjes në Bashkimin Europian ka provokuar një lloj përplasjeje mes Komisionit Europian dhe lobit të të aeroporteve në union. Sipas përfaqësuesve të këtij të fundit, sistemi elektronik i hyrjes mund të sjellë diskomfort dhe shqetësim të madh në një pjesë të udhëtarëve.

Megjithatë, një Zëdhënës i KE-së, i cituar nga mediat, është shprehur se zbatimi i pjesshëm i sistemit të ri ka kaluar përgjithësisht pa probleme.

Mbreti i Spanjës Felipe VI ka paralajmëruar pëe shkëputjen e plotë të marrëdhënieve mes ShBA dhe Europës, duke nënvizuar pasojat që do të vinin nga ky zhvillim. Ai ka bërë thirrje që raportet të ruhen dhe se një gjë e tillë kërkon durim, diplomaci dhe kurajë. 

Ne hunbasim të gjithë nga erozioni i kësaj lidhjeje. Dhe nuk dua të shtroj këtu se çfarë pasojash ka shkëputja e plotë e saj për këdo

Po komentohet gjerësisht një intervistë e fundit e presidentit amerikan Donald Trump për gazetën “The New York Times”.

Nuk më duhet rendi ndërkombëtar. Pushteti im kufizohet nga mendja dhe morali im

thotë Trump.

Por mandej ai shton se precedenti Maduro nuk do të ndiqet nga Kina në Tajvan pasi “unë ia bëra të qartë presidentit kinez”.

Ndoshta do ta godasë Tajvanin me një president tjetër amerikan, jo me mua

Presidenti gjerman Frank-Walter Steinmeier ka akuzuar së fundmi hapur Shtetet e Bashkuara të Amerikës se po shkatërrojnë rendin ndërkombëtar. Në një dalje jo të zakonshme, presidenti i Gjermanisë ka theskuar se demokracia është sulmuar si kurrë më parë. Duke nënvizuar ndikimin që ka patur në rendin ndërkombëtar, aneksimi i Krimesë dhe sulmi rus ndaj Ukrainës, Steinmeier ka kaluar te ngjarja më e rëndë e aktualitetit global, rrëmbimi i Maduros.