Blloku Bota

Kina ka propozuar krijimin e një organizate botërore për Inteligjencën Artificiale në funksion të adaptimit të saj me nevojat dhe kuptimin e shoqërisë. Ideja është prezantuar nga presidenti kinez. Xi Jinping në Samititn e Azi-Paqësorit mbajtur në Korenë e Jugut.

Mediat serbe raportojnë për një tubim të madh në Novi Sad, në kujtim të ngjarjes së një viti më parë me shembjen e stacioit të treit që solli 16 viktima.

Studentët të shoqëruar nga fermerë me mjete buqjësore kanë marshuar për dy ditë drejt Novi Sadit, në një shenjë të qartë të mospajtimit me gjendjen aktuale që nuk ka prodhuar asgjë në aspektin politik.

Kreu i shërbimit intelgjent amerikan – CIA- John Ratclife, raportohet të ketë vizituar Brukselin këtë javë, në një vizitë që cilësohet se ka patur qëllim rivendosjen e besimit mes partnerëve të NATO-s.

Në një fjalim të mbajtur në Konferencën Ndërkombëtare për Sigurinë në EuroAzi mbajtur në Minsk të Bjellorusisë, ministri i Jashtëm rus, Sergey Lavrov, ka pësrëritur qëndrimin e Kremlinit se nuk ka patur dhe nuk ka asnjë synim të Rusisë për të sulmuar ndonjë vend të NATO-s. Ai ka akuzuar elitat europiane se po bëjnë gjithçka për të bindur administratën Trump për të kundërtën duke shtuar madje se Kremlini është i gatshëm të afirmojë zyrtarisht qëndrime të tilla në diskutimet e sigurisë për të ardhmen e EuroAzisë.

Hungaria është duke ndjekur një politikë të posaçme brenda bllokut europian për krijimin e një grupi që lobon kundër politikave të tanishme për Ukrainën.

Viktor Orban po kërkon të bashkojë forcat me Sllovakinë dhe Republikën Çeke, që do të pengonte ndihmat e Brukselit ndaj Ukrainës. Për drejtorin politikë të Orban, aleanca do të funksionojë nisur nga modeli që u ndoq me krizën e imigracionit në vitin 2015.

Mediat turke raportojnë se Partia Punëtore e Kurdistanit ka vendosur të tërheqë forcat e veta nga Turqia për t’i zhvendosur në Irakun verior. Tërheqja vjen në kuadër të marrëveshjes me Ankaranë, firmosur pas dekadash konflikti që ka provokuar 50 000 të vdekur.

Turqia e ka cilësuar aktin si lëvizje konkrete pozitive në funksion të paqes.

Ish- kryeministri i Italisë, Mario Draghi, ka vënë edhe njëherë në dukje se Europa duhet të ndërmarrë reforma strukturore për të adresaur sfidat e reja ku ka hyrë bota. Në një fjalim të mbajtur në Oviedo të Spanjës, Draghi ka kujtuar se ajo që Europa arriti u bë e mundur falë multilateralizmit që tashmë nuk ekziston më. Draghi ka sugjeruar që Unioni të marrë masa urgjente me reforma të thella që duhet të prekin edhe traktatet e veta.

Amerika po tërhiqet nga roli i vet si siguruese e rendit ndërkombëtar dhe për këtë arsye të gjithë duhet të përgatiten për një fazë tranzicioni dhe pasigurie. Këtë ka përcjellë kryeministri i Singaporti Laërence Wong në një intervistë për “The Financial Times”, gjatë së cilës ai ka afirmuar mendimin se Donald Trump nuk është diçka e përkohshme.  

Një raport i Bankës Botërore vlerëson se rindërtimi I Sirisë pas luftës civile 13-vjeçare kushton 216 miliardë dollarë.

Sipas raportit lufta ka zhbërë 1/3-n e vlerës së aseteve kapitale të para vitit 2011, me dëmtime direkte fizike në infrastrukturë, Godina rezidenciale dhe jorezidenciale me një vlerë 108 miliadë dollarësh.

Aktualisht autoritetet islamike siriane kanë nënshkruar një seri marrëveshjesh me kompani dhe qeveri për rindërtimin përfshirë qeveritë e Gjirit.

Mediat ndërkombëtare raportojnë per diskutimet e ditës së premte mes presidentit amerikan Donald Trump dhe homologut ukrainas Volodymyr Zelenskiy gjatë të cilit kreu i Shtëpisë së Bardhë ka kërkuar dorëzimin. 

“The Financial Times” raporton se takimi është shoqëruar me tone të larta gjatë të cilit Trump “mallkonte gjithë kohës”.