Politikë

Florian Binaj, një aktor i atij që në Shqipëri e quajnë humor dhe madje edhe qeshin me të, do të jetë kandidati i mbështetur nga PD-ja në zgjedhjet e Tiranës. Po të rrish e të mendosh mirë mbi atë që duhet të jetë politika dhe përgjegjësitë që rrjedhin prej saj, Binaj as do të duhet të ishte në asnjë garë. Mirëpo politka është bërë një fushë e prakticitetit ekstrem dhe në këtë kuadër ai është një emër si të tjerër. Fundja, Simir Kodra, një tjetër moderator i një emisioni hetimoro-humoristik, ka kandiduar dikur nga PS-ja për zgjedhjet.

Ministrja e Jashtme e Shqipërisë, Elisa Spiropali, ka reaguar sot si zyrtarja e vetme e qeverisë për dakordësinë e Hamas-it për lëshimin e pengjeve. Spiropali ka deklaruar se:

Presidenti i Republikës, Bajram Begaj, ka dekretuar pak më parë 9 nëntorin si ditë të zgjedhjeve të pjesshme lokale. Ai i është referuar nenit 92 dhe 93 të Kushtetutës që i jep Presidentit kompetencën e dekretimit të datës së zgjedhjeve. Në dekret, Begaj ka përfshirë edhe zgjedhjet në Tiranë. Në arsyetimin e vet(https://www.syri.net/politike/825168/dekreti-per-tiranen-begaj-me-bindi-...) Presidenca sqaron ndër të tjera se:

Më në fund edhe Erjon Veliaj, qenia që drejton Bashkinë e Tiranës, ka prodhuar një debat të mirëqenë. Dhe ai debat i intereson të gjithëve. Ky është debati sesi duhet dhe për çfarë shkarkohet një I zgjedhur në pushtetin vendor. Tashmë për Veliajn ka një vendim të Këshillit Bashkiak, një vendim të Këshillit të Ministrave, ka edhe një ankesë të tijën në Gjykatën Kushtetuese që ka njoftuar zyrtarisht regjistrimin e saj.

Radio Evropa e Lirë publikon sot një lloj reportazhi politik me titullin: Transformimi i Shqipërisë dhe mësimet që mund t'i nxjerrë Kosova. Autorja Valona Tela, që e prezanton materialin edhe si video, rreket të sqarojë për të gjithë një sukses të Shqipërisë në Bashkimin Europian, duke ia sugjeruar këtë si rrugë edhe Kosovës.

Ministrja e Jashtme e Shqipërisë, Elisa Spiropali, ka bërë në faqen e vet në Facebook, një prezantim tematik dhe fotografik të aktiviteteve ku ka marrë pjesë gjatë sesionit të Asamblesë së Përgjithshme të Organizatës së Kombeve të Bashkuara.

Spikasin të drejtat e njeriut, paqja, takimet me shumë përfaqësues shtetesh dhe organizatash, por edhe diskutime në kuadër të nismave rajonale si ajo Adriatiko-Joniane.

Silva Caka, ish-deputete e Partisë së Lirisë, është emëruar zv.ministre e Brendshme. Në internet gjen shkrime pa fund ku Silva Caka citohet me akuza të rënda penale ndaj Edi Ramës personalisht.

Sot zonja Caka gjeti një punë të re. Ajo është numri dy i një ministrie ku patjetër që do të japë kontributin e vet.

Politika e aplikuar në këtë mënyrë, nga njerëz që kapëcejnë me lehtësi ylberin e ka shndërruar këtë vend në një pavion. Nuk është rasti i parë. Kjo është filozofi.

Erjon Veliaj është shkarkuar sot nga detyra e kryetarit të Bashkisë së Tiranës. Vota në Këshillin e Bashkisë së Tiranës ka qenë thuajse unanime dhe ajo erdhi si kërkesë e këshilltarëve socialistë. Në mbledhjen e mbajtur me këtë rast, këshilltarë të shumtë kanë folur për Veliajn dhe problemet e tij qelizore me korrupsionin. Tani vendimi i shkon si propozim Këshillit të MInistrave që duhet të vendosë. 

Ikën kështu një e keqe e madhe nga drejtimi i Tiranës, nga perspektiva politike e vendit, ndonëse për akuza minimale në krahasim me ato zullume që janë bërë.

Dy deputetët e PSD kanë hequr dorë nga mandati. Tom Doshi dhe Sabina Jorgo nuk do të jenë pjesë e Parlamentit të ri. Dy përfaqësuesit e Shkodrës u lënë vendin dy kandidatëve të tjerë në listën e PSD-së. 

Sipas rezultatit të zgjedhjeve të 11 majit, mandati pritet t’i kalojë dy më të votuarve, Besnik Brahimi 3614 vota dhe Shkurt Lasku 2678 vota.

Kryeministri Edi Rama ka prezantuar qeverinë e tij të katërt. Kabineti i ri qeveritar:

Zv.kryeministre dhe Ministre e Infrastruktrës dhe Energjisë – Belinda Balluku

Ministria e Punëve të Brendshme - Albana Koçiu

Ministria për Evropën dhe Punën e Jashtme – Elisa Spiropali

Ministria e Financave – Petrit Malaj

Ministër i Kulturës, Turizmit dhe Sportit - Blendi Gonxhja