Lajme

Frroku nuk do të jetë i pranishëm në gjyqin që zhvillohet në Belgjikë. “Gazeta Shqiptare” shkruan se pas kërkesës së Mark Frrokut drejtuar Prokurorisë së Përgjithshme, ku i kërkonte kësaj të fundit që të ishte i pranishëm në gjyqin që do mbahet ndaj tij në Belgjikë për vrasjen e Aleksandër Kurtit, organi i akuzës i ka kthyer përgjigje deputetit.

Pas presionit në rritje nga BE dhe SHBA, kryeprokurori Adriatik Lalla ka bërë gati hapjen e dosjeve më të bujshme për vrasje, korrupsion dhe krime të tjera të rënda, për të cilat dyshohet se gjyqtarët kanë marrë zarfe me para. "Sot" shkruan se burimet e gazetës pranë Prokurorisë, bëjnë me dije se dosjet më të bujshme janë piketuar dhe së shpejti pritet hapja e tyre me qëllim zbardhjen e emrave të gjyqtarëve të korruptuar, të cilët shihen si një problem thelbësor për funksionimin e sistemit të drejtësisë si nga mazhoranca, ashtu dhe nga të diplomatët e huaj.

Me gjithë përmirësimet e mundëshme furnizimi me ujë dhe energji elektrike mbetet një nga pikat më të dobta në Shqipëri. Në pikun e verës disa zona të vendit janë pa energji elektrike, njofton “lapsi.al”. Prej disa ditësh energjia mundon në zona të veçanta edhe në bregdet. Por më e rëndë është situata në disa bashki në veri të vendit. Në Peshkopi energjia mungon prej dy ditësh. Banorët që kontaktuan “lapsi”.al thanë se dy ditë më parë energjia është ndërprerë paradite dhe është rikthyer rreth orës 22. Edhe dje situata ishte e njëjë.

Andrea Stefani shkruante dje për deklaratat e Jozefina Topallit dhe apelin e saj për përmbysje të qeverisë. Stefani e ka pasion, por ndoshta edhe konstante të arsyetimit që të “fusë” pak Berishë sa herë shkruan. Por në shkrimin e fundit, Berisha rezulton më i rafinuar të paktën sesa Topalli, të cilën e quan “luaneshë”. Më i rafinuar, pasi sipas Stefanit, di të fshehë dhunën si instrument.

Të dhëna pesimiste vijnë nga Banka e Shqipërisë për ritmet e zhvillimit të ekonomisë shqiptare. Në një raport të publikuar për aktivitetin kreditues të tremujorit të dytë, Banka thotë se

kërkesa për kredi e bizneseve u vlerësua në rënie, si për ndërmarrjet e vogla e të mesme, ashtu edhe për korporatat e mëdha.

Po nisin të zbardhen disa nga diskutimet e Asamblesë Kombëtare të Partisë Socialiste të mjatur sot. Gjatë fjalës që kryesocialisti Edi Rama mbajti në Asamble, foli për rritjen e kuotave të anëtarësisë dhe përgatitjen për zgjedhjet e ardhshme të vitit 2017­të.

Partia Socialise ka dhënë më në fund një shpjegim zyrtar dhe ka zbardhur të gjitha dilemat pse në këto 3 vjet nuk janë zhvilluar zgjedhjet për kryetarin e saj. Konceptin e ka shpjeguar fare thjeshtë nënkryetari i grupit Parlamentar të Partisë Socialiste Taulant Balla, mekanizëm që në fakt mund të ishte kuptuar nga afrimiteti i Edi Ramës me këshilltarin e tij Tony Blair.  “Ju e dini të gjithë ne jemi parti anëtare e socialistëve europianë, ku jemi të detyruar për shkak të përkatësisë në familjen më të madhe evropiane të zbatojmë rregullat më të mira të familjes ku ne bëjmë pjesë.

Pavarësisht uljes së vazhdueshme të vlerës në bursat ndërkombëtare, nafta në Shqipëri vazhdon të tregtohet me çmime të larta. Në fundjavë, një litër naftë në kryeqytet u tregtua me afro 187 lekë për litër, ndërsa në bursa çmimi të shtunën zbriti në 50.89 dollarë për fuçi, nga 52.2 dollarë që ishte para 4 ditësh. Ekspertët e hidrokarbureve flasin për abuzim të pastër, që sipas tyre ndodh për faktin se çmimi është lenë krejtësisht në dorën e tregtarëve të karburantëve dhe nuk ka mekanizma nga ana e qeverisë për të kontrolluar luhatjet në bursa dhe reflektimin në tregun shqiptar.

KLSH ka denoncuar vazhdimisht kohët e fundit zyrtarë të llartë të shtetit të cilët abuzojnë me fondet publike. Në këtë kuadër Kontrolli i Lartë i Shtetit ka kallëzuar penalisht Kreun e Drejtorisë Rajonale Tatimore në Berat, si dhe dy ish­drejtorë në Elbasan me akuzën për “shpërdorim detyre”.

Në Drejtoritë Rajonale të Tatimeve Elbasan dhe Berat, KLSH ka konstatuar të ardhura të munguara në Buxhetin e Shtetit për të dy institucionet në shumën rreth 147 milionë lekë ose mbi 1 milion euro dhe dëm ekonomik në DRT Berat rreth 59 milionë lekë ose mbi 421 mijë euro.

Pas përfundimit të Asamblesë Kombëtare të PS-së, deputeti socialist Ben Blushi e quajti “ arbitrar” vendimin që të mos ketë zgjedhje për kreun e partisë. “Në mënyrë imponuese kjo mbledhje u detyrua të merrte një vendim që nuk mund ta merrte. Kanë marrë një vendim që të gjithë anëtarët e Partisë Socialiste, çdo organizatë, çdo kryetar partie në rreth. Të zgjidhen të gjithë me përjashtim të një kryetari që është kryetari i  PS-së. Pra mendoni një parti ku çdokush zgjidhet  por kryetari i partisë jo. Këtë e unë e konsideroj një gjë arbitrare.