Lajme

Ka përsëritur kancelarja gjermane Angela Merkel se nuk do të ketë shkurtim klasik të borxhit 30 deri në 40% për Greqinë. Por një rrugëdalje lehtësuese ekziston. Merkel la dje të hapur mundësinë për të diskutuar uljen e normave të interesit dhe zgjatjen e afatit të shlyerjes së borxhit, thënë ndryshe ristrukturimin e tij, por kjo vetëm pasi të bihet dakord me detajet e marrëveshjes së ndihmës.

Asnjë zgjidhje për asgjesimin e tonelatave me medikamente jashtë standartit. 5 muaj pas hedhjes në natyre të tonelatave me ilaçe të skaduara nga kompanitë dhe distributoret farmaceutik, heqja e tyre ka mbetur pa zgjidhje. “Vizion Plus” në një kronikë të trasmetuar prej tij thotë se drejtues të komunës së Zall Herrit, ku janë depozituar këto mbetje farmaceutike, u përpoqën të siguronin fondin prej 1 milionë lekësh për zhvendosjen e medikamenteve të rrezikshme, por pa rezultat. Ndërkohë pas zgjedhjeve te 21 qershorit, problemi i kalon Bashkisë së re të Tiranës.

Fotoja në fjalë, është shpërndarë nga kryeministri në profilin e vet në Facebook. Bëhet fjalë për një artikull të botuar në “Financial Times” që titullohet: “Kur një artist drejton një vend”. Kryeministri ka shoqëruar linkun e artikullit me këtë koment: “Hapesira krejt e veçante e prestigjiozes Financial Times dhe pena e nje gazetari nder me te shquarit e faqeve te kultures e te artit ne bote, jane nje arsye per t'u ndjere mire qe bejme te flitet kaq mire per Shqiperine.

Në Shqipëri, shifrat e larta të përdoruesve të drogës nuk i referohen vetëm grupeve të riskut. Sipas statistikave të Institutit të Shëndetit Publik, rreth 5% e përdoruesve të drogës janë persona me status të lartë ekonomik dhe intelektual, përfshirë dhe persona VIP. Një pjesë mirë  e personave të njohur që janë konsumatorë të drogës janë trajtuar në Shërbimin e Toksikologjisë në QSUT, shumë prej tyre i drejtohen klinikave të huaja, ndërkohë që të tjerë e vuajnë  pa u trajtuar për shkak se druajnë  t’u mësohet fakti i të qenit përdorues droge.

“Pew Research Center” publikon së fundmi një studim, me bashkëautor, Paul Taylor, që merret me demografinë e ShBA. Dhe siç mund të imagjinohet raportet kanë ndryshuar shumë brenda popullsisë amerikane, por edhe kryqëzimi racor ka bërë të vetën. “Më 1960 popullsia e SHBA ishte 85% e bardhë, nga viti 2060 e tutje do të jetë vetëm 43% e bardhë. Dikur ishim një vend me të bardhë dhe të zinj. Tani jemi si ylberi”, shkruan Pew. Ky ndyshim historik, vjen edhe si pasojë e ardhjes së 40 milionë emigrantëve që nga viti 1965.

Ambasadori i Italisë në Shqipëri, Massimo Gaiani, ka përcjellë në një intervistë për “Vizion Plus” idenë se procesi i dekriminalizimi ishte i pamundur që të realizohej para zgjedhjeve lokale. “Nuk ishin as mjetet për ta kryer, pasi legjislacioni nuk e parashikonte këtë lloj qasjeje. Po vijohet puna, kemi dhe vëmendjen e lartë të qeverisë, nga ana jonë, pra nga Italia do të sjellim shembullin e ligjit Severino, i cili imponon një sërë kushtesh përsa i përket mos kandidueshmërisë, ne përdorim termin mos kandidueshmëri e jo dekriminalizim, të cilin e konsideroj disi të shëmtuar.

“Rritja ekonomike, as duhet dhe as mund të bazohet në Qeverinë e Kosovës apo në institucionet publike - ajo duhet të vijë nga sektori privat. Kudo, në çdo vend ku funksionon ekonomia e lirë e tregut, bartës kryesor i zhvillimit ekonomik të vendit është sektori privat. Prandaj, që të ndodhë kjo, duhet sa më shpejt të futen masat, të cilat mundësojnë fuqizimin e këtij sektori”, thotë në intervistën për Radion Evropa e Lirë, drejtori ekzekutiv i Odës Ekonomike Amerikane në Kosovë, Arian Zeka.

 Pas vendimit të Gjykatës së Apelit fillon zbatimi i konkursit ku në 24 korrik rreth 5600 infermierë në vend do të testohen. Pas infermierëve, shumë shpejt pritet të testohen të gjithë mjekët, kryesisht ata të familjes. Ndonëse ky testim u kundërshtua fort si nga bluzat e bardha, të cilët u përfshinë në protesta, ashtu dhe nga Urdhri i Infermierit, të premten e javës që vjen infermierët do t’i duhet të kalojnë këtë provë.  Ka qenë vendimi i Gjykatës Administrative të Apelit, i cili i ka hapur rrugë zhvillimit të testimit pas padisë së bërë nga Urdhri i infermierit.

Masa të menjëhereshme për të rritur të ardhurat në buxhetin e shtetit. Kjo është kërkesa e Konfindustrisë të cilën ia bën kryeministrit Rama duke e cilësuar si të papranueshme gjendjen aktuale. Konfederata e Industrive të Shqipërisë akuzoi qeverinë se me vendimarrje të gabuara politike dhe jo profesionale, ka çuar në rënien me 7% të të ardhurave në buxhet, vetëm për 6 muajt e parë të 2015.

“Një vend që kërkon të jetë anëtar i Bashkimit Evropian, nuk mund të ketë kërkesa për azil në vendet e Unionit”, deklaroi kancelarja gjermane Angela Merkel gjatë vizitës së saj në Tiranë duke bërë të qartë se synimi i Gjermanisë është për forcë punëtore të kualifikuar nga Shqipëria. Por, shifrat tregojnë se shqiptarët e Shqipërisë, ende vazhdojnë të ikin drejt Gjermanisë. “Evropa e Lirë” raporton se numri i azilkërkuesve shqiptarë në Gjermani ka arritur një tjetër rekord në muajin qershor prej 5,932 shtetasve shqiptarë kanë aplikuar për azil në këtë vend.