Arkiv-Lajme

Kryeministri emëron, Partia Demokratike denoncon. Kështu ka ndodhur edhe me rastin më të ri, me kreun e Këshillit të Qarkut të Vlorës, Sadrit Danaj. “Pyesni këdo në Vlorë, ose kontrolloni në “Google”, emrin e këtij personazhi. Do të zbuloni dy gazetat më të mëdha të Italisë, që shkruajnë se Sadrit Danaj është përfshirë në një histori mafioze rrëmbimi në Sicili në vitin 2000. “Corriere Della Sera” dhe “La Repubblica”, kanë në arkivat e tyre të kronikës së zezë, rrëmbimin e vajzës së një biznesmeni, për ta detyruar atë të paguante një gjobë të majme.

Qeveria ka vendosur sot të ndryshojë në thelbin e vet ligjin për ish-të përndjekurit politikë, duke rregulluar formulën e kompensimit. Ndryshimin në ligj e ka bërë publik pas mbledhjesë qeverisë, ministri i Mirëqenies Sociale, Erjon Veliaj. “Baza kryesore e ndryshimeve në ligj ka të bëjë me ndryshimin e rendit të pagesave për të përndjekurit.

Kryeministri i ri i Serbisë, Aleksandër Vuçiç duket se ka jo pak probleme, të brendshme dhe të jashtme. Në ditët e para të marrjes së detyrës, Stefan Fule i kërkoi atij në Beograd që Serbia t’i bashkohej sanskioneve kundër Rusisë, në kuadër të krizës ukrainase. Në planin e brendshëm, Vuçiç është përballur me disa shantazhe që lidhen me arrestimin e Darko Sariç, ku ai në cilësinë e ish-zv.kryeministrit mbikëqyri kapjen e bosit serb të trafikut të drogës. Më tej akoma, OSBE-ja bëri të ditur se ka censurë për shtypin në Serbi, një deklaratë që provokoi reagime të mëdha.

Pajisjet përgjuese që disponohen nga Agjenica e Inteligjencës së Mbrojtjes janë përdorur jashtë qëllimit zyrtar të tyre për të survejuar individë të caktuar. Këtë fakt e ka pretenduar më herët ish-opozita socialiste, por sot, gjatë zhvillimit të një tryeze ku kanë marrë pjesë edhe deputetët të Komisionit të Sigurisë, e ka pohuar edhe zv.drejtori i Agjencisë, Eduard Bala. “Janë blerë jashtë misionit dhe janë çuar te kundërzbulimi. I kishte kundërzbulimi i brendshëm...pse u çuan aty, dhe veçanërisht te pjesa që merret me ndjekjen e individëve të caktuar?"tha  Bala.

Abdel Fatah al-Sisi, ish-shefi i ushtrisë egjiptiane ka korrur fitoren elektorale në zgjedhjet për president të vendit. Dhe duket se është i legjitimuar në këtë pozicion, nisur qoftë nga festimet e mëdha brenda vendit, sidomos në Kajro, ashtu edhe nga reagimi ndërkombëtar. Kështu, presidenti amerikan Barak Obama deklaroi nga Europa, se ai është i angazhuar që në të ardhmen të vendosë bashkëpunim me Al-Sisin. Ndonëse kanë shprehur rezerva dhe shqetësim për kufizimet politike në vend, duket se SHBA-të kanë pranuar zgjidhjen e prodhuar aktualisht në Egjipt.

Komisioni Parlamentar i Ekonomisë ka tërhequr vëmendjen ndaj Bankës së Shqipërisë për investimin e parave jashtë vendit. Me këtë rast është miratuar edhe një rezolutë e posaçme që në fund të fundit i heq një minus rolit të BSh-së në këtë drejtim. Ish-ministri i Financave Ridvan Bvode ka sjellë një shifër domethënëse: “Vitin e kaluar kredia ra, por fitimet e bankave u rritën me 40 për qind. Diku i investojnë ata...”. Dhe bëhet fjalë për një shifër investimi prej 2.85 miliardë dollarë e gjitha e nxjerrë jashtë tregut shqiptar.

Kreu i Entit Rregullator të Energjisë, Petrit Ahmeti ka apeluar përmes një prononcimi televiziv që të merren masa për rregullimin në sektorin e energjisë, pasi përndryshe fatura për buxhetin mund të bëhet e papërballueshme. Sipas tij formula aktuale që për konsumin mbi 300 kilovat orë energji paguhet një çmim gati dyfish duhet të ndryshojë dhe çmimi i energjisë duhet të unifikohet. Humbjet në rrjet mbeten shumë të larta, rreth 40%,  dhe arkëtimi është në kuotat e 55%.

“Dojçe Vele” i ka marrë sot një intervistë deputetit kristiandemokrat CDU, Roderich Kiesewetter. AI ëhstë pyetur për zgjedhjet në Kosovë dhe çështjet ndëretnike aty, qëndrimin e serbëve në raport me zgjedhjet e 8 qershort dhe dialogun Serbi-Kosovë. Më tej,  Kieseëetter është pyetur edhe për çështjen e statusit të vendit kandidat për Shqipëri si dhe sfidat e vendit tonë. “Aktualisht është vështirë të thuhet. Mendoj se aktualisht në Bruksel ekziston gatishmëria që Shqipërisë t'i jepet statusi i kandidatit. Por ka dhe disa detyra, që duhet të kryhen.

“Këmbët e gjarprit”, kështu e ka titulluar librin e ri publicisti dhe botuesi i “Kohës Ditore”, Veton Surroi. Vetë ky i fundit ka preferuar të përcjellë disa mesazhe jo pak të rëndësishme me rastin e promovimit.  “Edhe pse të  çliruar, një ditë pas çlirimit e lamë këtë vend të zaptohet”, ka thënë ai. Është fjala për zaptimin nga korrupsioni dhe krimi.

Avioni i Divjakës, që krijoi aq shumë zhurmë në politikën e Tiranës mund të fshehë emra të rinj pas trafikut të supozuar të drogës. Kështu gazeta “Mapo” bën me dije sot, përmes një artikulli, se hetimet e deritanishme kanë nxjerrë në dritë përfshirjen e një ish-punonjësi policie në trafikun e drogës. “Ish-polici, emri i të cilit nuk bëhet i ditur për arsye hetimore, dyshohet se ka patur rol të rëndësishëm në gjetjen e dhe transportin e lëndës narkotike që do të ngarkohej më pas në avionin e drejtuar nga piloti italian, Giorgio Riformato”, shkruan “Mapo”.