Arkiv-Lajme të përditësuara

Pasditen e sotme, krimi në familje ka goditur sërish. 

Ngjarja e rëndë është regjistruar në qytetin e Durrësit, ku një grua 35-vjeçare është qëlluar me sëpatë nga kunati i saj, por fatmirësisht nuk ka humbur jetën. 

Nga hetimet e para bëhet e ditur se ngjarja ka ndodhur për një konflikt pronësie. 

Partia Socialiste ka paraqitur ditën e sotme një tjetër arsye pse Berisha nuk duhet të votohet më 23 qershor dhe ajo është pikërisht braktisja e emigrantëve.

Vitet  e fundit  , sëmundjet seksualisht të transmtueshme  po përhapen me shpejtësi.

“Shtimi i sëmundjeve  seksuale vjen  si  pasojë  e një jete të lirë seksuale. Por këto vitet e fundit po shohim  një rishfaqje të sifilizit , sëmundje  e cila u arrit të zhdukej pas një pune shumë të madhe”-thekson mjekja  obstetre –gjinekologe Afërdita Kruja.

Kryetari i Partisë Republikane zoti Fatmir Mediu mori pjesë në aktivin e degës së Fierit të Partisë Republikane. 

Gjatë fjalës së tij, zoti Mediu i cilësoi arritjet e kësaj maxhorance si një hap përpara drejt Bashkimit Europian dhe nga krahu tjetër kërkoi edhe vijimin e reformave të domosdoshme integruese.

Ditën e sotme Gjykata e Durrësit ka dhënë masën e dënimit “arrest me burg”, për 31-vjeçarin Fisnik Kuka, i cili akuzohet akuzohet për ngacmim seksual ndaj një të miture. 

Në seancën gjyqësore, organi i akuzës i përfaqësuar nga prokurori Drini Pali ka kërkuar burg pa afat për Kukën, i cili u denoncua në polici nga prindërit e një të miture 12 vjeçare, për ngacmim seksual. 

Një aksident i rëndë automobilistik ka ndodhur sot në Lezhë, ku një fëmijë ka humbur jetën dhe 4 pjesëtarë të tjerë të familjes janë plagosur. 

Aksidenti ka ndodhur në aksin Lezhë-Laç, ku dy automjete janë përplasur me njëri-tjetrin dhe për pasojë ka ndërruar jetë fëmija me inicialet A.Lulaj 10 vjeç dhe janë plagosur pjesëtarët e tjerë të familjes, Viktor Lulaj 45 vjeç, dhe Lindita Lulaj 38 vjeç, Klaudia Lulaj 17 vjeç dhe Renato Lulaj 5 vjeç.

Zv.Presidenti i Parlamentit Europian, Xhiani Pitella, përmes një mesazhi të publikuar në faqen e tij të internetit, i bën thirrje udhëheqësit të Partisë Socialiste Edi Rama dhe atij të Lëvizjes për Integrim, Ilir Meta të bashkohen në prag të zgjedhjeve të 23 qershorit.

Në deklaratën e tij, duke iu referuar humbjes së tretë radhazi të statusit të vendit kandidat, Pitella u shpreh i bindur se vetëm një qeveri progresiste socialiste mund ta nxjerrë vendin nga kriza e thellë.

Kreu i Aleancës Kuqezi, Kreshnik Spahiu, është përballur me një incident gjatë tubimit që kjo parti ka mbajtur në Elbasan. Dy persona kanë tentuar që të prishin tubimin dhe të qëllojnë Spahiun, ndërkohë që policia nuk ka reaguar.

FIER- Një 58- vjeçar është arrestuar mëngjesin e sotëm në qytetin e Fierit pasi dyshohet se prej disa vitesh ka abuzuar me vajzën e tij të mitur.

Ngjarja është regjistruar në komunën Levan, ndërsa është arrestuar shtetasi me inicialet A.G.

Ende nuk ka të dhëna të plota por mendohet se ka e bija, tashmë rreth 16-vjeç që ka denoncuar të atin.

I arrestuari mësohet se është me origjinë nga Tropoja, ndërsa prej pak vitesh ishte transferuar për të jetuar në Levan të Fierit.

PANORAMA

KUKES- Një 20- vjeçar është arrestuar mbrëmjen e djeshme në Kukës. Ngjarja ka ndodhur në fshatin Orgjost, ku 20- vjeçari, Begzim Isa, ka rrëmbyer dhe mbajtur për rreth 24 orë në shtëpi një 8-vjeçar. Arrestimi i tij është bërë pas denoncimit të familjarëve në policinë e rrethit Kukës. Nga të dhënat e para mësohet, se i riu e kishte grabitur 8- vjeçarin, për qëllime trafikimi në Kosovë.