Arkiv-Lajme të përditësuara

Grafite kundër maqedonasve janë vizatuar sot në makinat e turistëve maqedonas, në pikën turistike Nei Pori në Greqi. 

“Jevgjit e Shkupit – Gipsy Skopia” është njëri nga grafitet që është shkruar në pjesën e përparme të makinave me targa të Maqedonisë. 

Qindra pushues nga Maqedonia po pushojnë në bregdetin grek, për shkak të kushteve dhe ofertave të lira gjatë këtij sezoni turistik. 

Autoritetet kufitare greke nga fillimi i muajit të kaluar kanë nisur me aplikimin e kodeve FYROM në tabelat e reja të Maqedonisë që mbajnë kodin ndërkombëtar MK. 

Fondi Monetar Ndërkombëtar thotë se do ta ulë parashikimin për rritjen globale ekonomike në vlerësimin tremujor, që pritet të publikohet në fund të këtij muaji. 

Shefja e FMN-së, Kristinë Lagard tha se parashikimi i rritjes globale do të jetë “diçka më e ulët” se sa që ishte menduar më parë. 
Në muajin prill, FMN-ja e kishte ngritur parashikimin e rritjes globale në shkallën vjetore prej 3.5% këtë vit, ndërsa 4.1% për vitin 2013. 

Zyrtarët nga vendet perëndimore dhe shtetet arabe, që synojnë largimin nga pushteti të presidentit të Sirisë, Bashar al-Asad, takohen sot në Paris, në samitin e tretë të Grupit Miqtë e Sirisë.

Ministri i jashtëm francez, Loran Fabius, tha se bisedimet do të fokusohen në hapat konkretë për ta ndihmuar popullin e Sirisë, përfshirë edhe furnizimin e opozitës me teknologji të komunikimit.

Një pjesë të pikturave në pastel të cilat nuk mundi t'i ekspozonte kurrë, Maks Velo i sjell në një album. Botimi cilësor do të ishte i pamundur pa paratë e dëmshpërblimit që artisti përfitoi nga vitet e burgut, prandaj ndihet i lumtur që ka arritur të përmirësojë pak nga fati i keq që pësuan me zhdukjen një pjesë e kosiderueshme e veprave të tij.

Fabrikat shqiptare të çimentos rrezikojnë të bllokohen, pasi janë vënë në vështirësi financiare si rezultat, problemeve në shitjen e produktit në tregun kosovar. Dogana kosovare aplikon një taksë reference prej 35 përqind për çimenton shqiptare. Nga bllokimi i fabrikave ata që penalizohen janë punonjësit, pasi rrezikojnë të mos marrin pagat. Sindikata e punonjësve kërkon anullimin e urdhëresës së ministres së Ekonomisë, Mimoza Kusari Lila, për aplikimin e taksës. 

Mbi 3000 tetovarë dhe 6000 kumanovarë aktualisht po punojnë në Irak dhe Afganistan. Kjo është shifra jo-zyrtare e shqiptarëve të Maqedonisë që nxjerrin bukën në zonat e krizës. 

Sipas kërkimit të qendrës për analiza ekonomike, 90 për qind e tyre nuk duan përsëri të punojnë në këto shtete, por shpresojnë t’u realizohet një nga tri opsionet e mundshme se si mbeten jashtë vendit: 

Katastrofa bërthamore e vitit të kaluar në Japoni ishte "qartazi e shkaktuar nga njeriu", bëri të ditur komisioni hetimor për këtë çështje, ndërsa kritikoi ashpër qeverinë dhe uzinën bërthamore Tokio Electric Power Co (TEPCO).

Agjencia gjermaneve e lajmeve DPA citon anëtarë të komisionit të kenë thënë se katastrofa më e madhe bërthamore që nga Çernobili në vitin 1986 "ishte rezultat i përplasjes ndërmjet qeverisë, rregullatorëve, TEPCO-s dhe mungesës së qeverisjes nga palët në fjalë". 

Ushtria izraelite do të rifillojë në javët e ardhshme punimet për ndërtimin e një muri ndarës në Cisjordani, ndërprerë që prej pesë vjetësh, theksoi sot radio publike duke cituar deklarata zyrtare. 

''Punimet do të rifillojnë rreth kolonive të rigrupuara në sektorin Gush Etzion pranë Betlehemit. Vitin e ardhshëm ndërtimi do të shtrihet rreth Maale Adoumim, një prej implantacioneve më kryesore të Cisjordanisë që ndodhen në lindje të Jerusalemit'', theksoi koloneli Ofer Hindi. 

Shqetësim të madh kanë shkaktuar në Athinë deklaratat e ditëve të fundit të kryeministrit David Cameron, sipas të cilit Britania e Madhe është e përgatitur të mbyllë kufijtë për qytetarët grekë, në rast të një dalje të mundshme të Greqisë nga monedha e përbashkët. 

Ministri i Jashtëm grek Dimitris Avramopulos kërkon t’i shprehë ambasadorit britanik pakënaqësinë e qeverisë greke mbi deklaratat e Cameron, që tha se është i gatshëm të vërë kufizime në hyrjen e grekëve në Britani. 

Boson Higgs, grimca që shpjegon teoritë rreth universit, ekziston . Zbulimi ishte paralajmëruar ndërsa në një videokonferencë botërore nga Gjeneva shkencëtarët  europianë konfirmojnë zbulimin e të ashtuquajtës Grimca e Zotit, pjesëzës që mundëson krijimin , planetëve dhe jetës. Në kërkim të saj shkëncëtarët kanë qenë për gati 45 vjet ndërsa shkëncëtarët janë përpjekur të zbulojnë se si materia arrin të krijojë masën e saj.