Arkiv-Lajme të përditësuara

Aleanca Kuq e Zi ka zhvilluar sot paradite një protestë para MInistrisë së Financave në shenjë kundërshtie ndaj procesit për tenderimin e Lotarisë Kombëtare. 

Sipas AK, tenderi është pasqyrë e qartë e korrupsionit. AK ka akuzuar qeverinë shqiptare se po bën korrupsion me asetet kombëtare, duke shtuar se pasuritë kombëtare nuk mund t’i shiten sektorit privat. 
“Tenderi është korrupsion me asetet kombëtare, qeveria vazhdon tradhtitë me pasuritë e vendit duke shitur pasuritë kombëtare”. 

Marreveshja qe arriten udheheqesit e Eurozonës per rikapitalizimin e drejtperdrejte te bankave nga fondi i shpëtimit ,duke mos u shtuar kjo shume tek borxhi qeveritar i cdo vendi ne veshtiresi, ka ngjallur shpresa te medha tek Athina zyrtare se do te mund te perdoret edhe per Greqine.   

 Komuniteti çam do të mbajë sot në Qafë Botë marshimin e përvitshëm, në kuadër të "Javës së kulturës dhe historisë së Çamërisë". 

Sipas zyrës së shtypit të Partisë për Drejtësi, Integrim dhe Unitet, aktivitetet do të jenë të ndarë në dy pjesë, ku në pjesën e parë që nis në orën 17:30 deri ne 18:30, në Kllogjer do të përurohet nisja e punimeve për Varrezat Monumentale, në nderim të më shumë se 3000 shqiptarëve të Çamërisë që humbën jetën e nuk u lejuan të kishin as një gur mbi varr. 

Dhjetëra mijëra njerëz u mblodhën jashtë rezidencës së kryeministrit të Japonisë në Tokio për të protestuar kundër planit të qeverisë për të rifilluar punën e reaktorëve bërthamorë. Ata mbanin në duar parrulla ku shkruhej "Epoka bërthamore ka marrë fund."

Më 16 qershor, kryeministri Joshihiko Noda aprovoi rifillimin e punës së dy reaktorëve në uzinën Oi në perëndim të Japonisë, pavarësisht humbjes së besimit të publikut në teknologjinë bërthamore, pas katastrofës së vitit të kaluar në Fukushima.

Nuk mund të pajtohem as me politika selektive, dhe as me impostime politike të Konferencës. Mosftesa për Prof. Rexhep Qosen përbën në vetvete një arsye serioze për të rishikuar pozicionin tonë ndaj këtij aktiviteti, së cilës i shtohet edhe shqetësimi për një politizim të mundshëm të saj në frymën e zbulimeve të 'Historibërësit të Madh'". Kjo ka qenë deklarata që ka bërë dje, historiani i njohur Pëllumb Xhufi, sa i takon mosftesës së akademikut Rexhep Qosja në aktivitetin për 100-vjetorin.

Ndonëse me ndryshimet më të fundit në legjislacion ku dhuna në familje klasifikohet si vepër penale, shumica e denoncimeve që depozitohen në polici, preferojnë masat administrative të ligjit duke mos ndëshkuar dhunuesit.Keshtu fenomeni mbetet sërish problematic kjo edhe pas lëshimit të urdhrave të mbrojtjes. Sipas shefes së sektorit kundër dhunës në familje në policinë e shtetit, shumica e rasteve të deponimeve preferojnë anën e butë të ligjit, ku pjesë të së cilit kërkojnë nga të dhunuarit të japin sugjerime se çfarë masash mbrojtëse mund te ulin dhunën.

Udheheqesit e eurozonës ranë dakort të përdorin fondin e shpëtimit për të mbështetur bankat në veshtirësi, pa ja shtuar këtë borxhit qeveritar. Pas 13 orë bisedimesh, ata pranuan të krijojnë një organizëm vëzhgues të bankave të eurozonës. 

Duke bërë publike marreveshjen Presidenti i Keshillit Europian, Herman Van Rompuj shpjegoi se pakti do te depertoje rrethin vizioz, ku kane hyre bankat dhe qeverite kombetare.

Liderët evropianë dhe shefat e qeverive arritën të binin dakord në parim për rritjen e fondit të përbashkët me vlerë 120 miliardë euro, që duhet të hyjë në fuqi deri në fund të vitit, deklaroi dje në mbrëmje kryetari i KE-së Herman van Rompuy. 

"Arritëm dakordësinë për përmirësimin e financimit të ekonomisë me 120 miliardë euro", deklaroi Rompuy në konferencën e shtypit në Bruksel, në fund të ditës së parë të seancës së Këshillit Evropian. 

Kjo shumë është pothuajse një për qind e Prodhimit të Brendshëm Bruto të vendeve anëtare të BE-së. 

Të enjten në mbrëmje ndeshja e Euro 2012, Itali-Gjermani përcolli emocione të shumta edhe në ambientet ku futbolli nuk është shumë i pranuar. 

Një gjë e ngjashme ndodhi në ndërtesën Justus Lipsius në Bruksel, ku po zhvillohet samiti i liderëve europianë, që nga ana e tyre po luajnë “ndeshjen” e shpëtimit të euros. 

Megjithatë ¾ e sallës së shtypit ishte e përqëndruar tek derbi klasik që po luhej në Varshavë.

Befas presidenti i Këshillit Europian, Herman Van Rompuy ngrin shpresat e atyre gazetarëve që shpresonin të ndiqnin takimin në