shqiptaret

Vuçiç i akuzon të gjithë: Ndërkombëtarët, opozitën, madje edhe median shqiptare

Postuar në 17 Prill, 2019 12:07

Presidenti i Serbisë Aleksander Vuçiç ka dhënë së fundmi disa shpjegime të vetat mbi atë që po ndodh mes Serbisë dhe Kosovës. Gjatë një takimi partiak në Beograd, Vuçiç  paralajmëroi se do të ketë kërkesa të forta ndaj Serbisë që të njohë Kosovën “pa asgjë në këmbim për Serbinë”.

Presidenti serb nuk u ka ikur elementëve të fushatës elektorale, kur ka shtuar se nuk është çudi që nëse Serbia refuzon, të vihet në lëizje ideja e një gjykate special për serbët “që do t’ju akuzojë për të gjitha krimet seksuale në Ballkan”.

Socialistët dhe shqiptarët

Postuar në 05 Mars, 2019 15:27

 

Kryeministri i Shqipërisë shkoi më në fund në Parlament. Pasi u sigurua nga ministri i Brendshëm, burri i shtetit dixhital, Edi Rama, siguroi shfaqjen personale. Ai mbajti një fjalë rreth 25 minuta të gjatë. Akuzoi përfaqësuesit e PD-së dhe LSI-së se nuk kanë ide, se janë sharës profesionistë, se me ikjen e tyre u kanë dhënë mundësi njerëzve të shohin se kanë alternativë tjetër dhe foli edhe për fitoren 100% në zgjedhjet lokale. Duatrokitje…

Përhapja e literaturës orientale islame te shqiptarët

Postuar në 30 Dhjetor, 2018 12:16

Para se të bëjmë fjalë për disa nga rrugët dhe mënyrën e përhapjes së literaturës islame tek ne gjatë periudhës osmane, na duhet të konstatojmë se, me depërtimin e osmanlinjve në trojet shqiptare dhe me vendosjen e ad­ministrimit të tyre (shek. XIV-XV), u fituan tipare të reja në të gjitha aspektet e jetës.

Mesazhi i Papës në audiencën për Skënderbeun

Postuar në 20 Nëntor, 2018 12:24

Ikja nga Shqipëria është një tipologji e shoqërisë shqiptare që prej viteve të Skëndërbeut, për të cilin Papa Françesku mbajti një audiencë në sallën Klementinë të Vatikanit.  

Fjalimin e tij, kreu i Kishës Katolike e nisi me një mesazh domethenës për udhëheqjen politike dhe jo vetëm. Shqetësimi i tij ka të bëjë me mungesën e perspektivës që ofron Shqipëria, përgjegjësi direkte e "elitës" që drejton dhe qeveris.

Shqiptarë dhe grekë,..una faccia, una razza!

Postuar në 31 Tetor, 2018 20:53

Mbaj mend aty diku nga fillimi i viteve nëntëdhjetë, kur Samaras hapi kufirin me Shqipërinë (duke ftuar minoritarët të bënin Krishtlindjet në atdhe) qindra mijëra njerëz erdhën  papritmas në Psorokosta. Një valë migratore që i gjeti të gjithë të papërgatitur në të dyja anët. U takuan dy kultura, thuajse identike të ndara nga një ndërprerje e komunikimit që po i afrohej një gjysmë shekulli.

Cubat e vitit 2050

Postuar në 26 Tetor, 2018 12:46

Viteve të ‘90-ta, në lokalet e Tiranës bisedonim se çfarë është profesioni stereotip i kombeve të ndryshëm. Për shumë gjëra, shumica pajtoheshin se gjermani ishte mekanik, se italiani ishte një këngëtar apo poet, se japonezi ishte një inxhinier, se greku ishte tregtar, se serbi ishte një bujk, se bullgari ishte një punëtor, se kinezi ishte një ndërtimtar, se amerikani ishte një kauboj, se anglezi ishte një administrator, se suedezi ishte një organizator, se turku ishte një luftëtar etj. Por, pyetja më e rëndë që shtrohej ishte: çfarë ishte shqiptari?

Samaras godet marrëveshjen e Prespës me Shqipërinë e Madhe

Postuar në 08 Tetor, 2018 14:24

Analiza që i është bërë votës në referendumin e Maqedonisë ka nxjerrë shqiptarët si mbështetës fanatikë të paktit për emrin. Politika në Maqedoni e ka lidhur këtë qëndrim me ndikimin që ka te faktori shqiptar BE dhe Shtetet e Bashkuara, të cilët u investuan që marrëveshja mos të dështonte.

Një referendum që mbrohet nga "humbësit". Dhe bojkoti surprizë i shqiptarëve

Postuar në 02 Tetor, 2018 02:18

Ballkan është. Çdo deklaratë e një të huaji mund të shndërrohet në skenar objektiv dhe alternativë zhvillimesh politike. Demokracia është asgjë më shumë sesa një shaka, një dhuratë në këto anë ku serioziteti është virtyt vetëm në luftëra. Kështu mund të shpjegohet lloji i qasjes që përfaqësuesi amerikan në Shkup, ambasadori Jess Baily ka adoptuar për rezultatet e referendumit të së djelës ku pati një bojkotim masiv.

Shqiptarët po ikin për qejf të vet. Ne japim lekë për çdo fëmijë të lindur!!!

Postuar në 26 Shtator, 2018 13:05

Kryeministri Edi Rama ka deklaruar sot dy gjëra për t’u mbajtur shënim: së pari se shqiptarët që ikin, ikin në kuadër të lirisë së lëvizjes. Pra jemi të lirë dhe ikim. Z. Rama nuk pranon të njohë këtu asnjë faktor përkeqësues të qeverisjes. Duke injoruar këtu edhe statistikën e largimit masiv në periudha të caktuara.

E duke e parë ikjen e shqiptarëve si liri, ndonëse ardhjen e të tjerëve z. Rama nuk e ka mbështetur dot me të dhëna konkrete, kryeministri ka zbardhur një tjetër propozim. Sipas qeveris së tij për çdo fëmijë të lindur do të ketë bonus.

Putin më popullor se Trump në Shqipëri

Postuar në 13 Gusht, 2018 16:30

Presidenti rus Vladimir Putin simpatizohet më shumë nga shqiptarët se homologu i tij amerikan, Donald Tramp. Diferenca është me 1% në favor të Putinit. Në këtë përfundim arrin një anketim i agjencisë së njohur të sondazheve Gallup International për popullaritetin që liderët botërorë kanë në shtete të ndryshme të botës.

Megjithatë duke qenë edhe kombi më pro-amerikan në botë, Tramp gëzon më shumë mbështetje mes shqiptarëve sesa në të gjithë vendet e tjera të rajonit. Ndërsa Vladimir Putin në Ballkan mbështetet më së shumti nga serbët dhe grekët.

Pages

Subscribe to RSS - shqiptaret