ballkani perendimor

Disa ditë pasi zyrtari amerikan Brian Hoyt Yee deklaroi se Ballkanit Perëndimor do t’i duhen 30 vjet për të hyrë në BE, komisioneri për Zgjerimin, Johannes Hahn, jep sinjale të tjera. Në një intervistë për revistën “CorD”, referuar nga “B92”, Hahn deklaron se anëtarësimi I Ballkanit Perëndimor në BE është I padiskutueshëm.

“Perspektiva e BE-së për Ballkanin Perëndimor është e padiskutueshme dhe e vendosur”, shprehet Hahn që shton se ky është një vullnet politik konsensual i liderëve të unionit.

Përfaqësuesja e lartë e BE-së për Politikën e Jashtme dhe Ccështjet e Sigurisë, Federica Mogherini ka deklaruar në Samitin e Procesit të Bashkëpunimit të Europës Juglindore, se vendet e Ballkanit Perëndimor duhet të përfshihen në debatin për planet e mbrojtjes së Unionit. 

Kryeministri i Malit të Zi, Dushko Markoviç thotë në një intervistë të fundit se anëtarësimi i vendit të tij në NATo i shërben sigurisë në Ballkan. Sipas tij Mali i Zi ka qenë ekspozuar ndaj faktorëve të kërcënimit të sigurisë, nga jashtë dhe brenda, çka e bën hyrjen në Aleancë një akt që jep garanci. Markoviç ka folur edhe për idenë e tregut të përbashkët ballkanik dhe sipas tij, ajo nuk është një ide realiste.

Ballkani Perëndimor ka nisur të fitojë vëmendjen e mediave të njohura dhe Europës për shkak se ai qëndron si xhep pasigurie në kufij të kontinentit. Në fakt perspektiva e leximit të realiteteve të këtij rajoni vaarion: dikush flet për radikalizmin, një tjetër për nacionalizmin, ka edhe që përmendin rrezikun rus dhe atë turk. Të gjitha analiza të njëanshme, pasi të gjithë këta elementë nuk janë të rinj në këtë zonë.

Sekretari i Përgjithshëm i NATO-s, Jens Stoltenberg ka dhënë një intervistë për Agjencinë Telegrafike Shqiptare. Ai vlerëson rolin e Shqipërisë në Aleancë, duke theksuar se ka takuar trupat shqiptare në Letoni. Sipas zyrtarit në fjalë, rritja e prezencës së NATO-s në Europë lidhet me aktivitetin rus në Ukrainë, në shenjë paralajmërimi se Aleanca do të veprojë ndaj çdo agresioni eventual ndaj një vendi anëtar.

I pyetur mbi kërcënimin rus ndaj Ballkanit, Stoltenberg ka përjashtuar një kërcënim eminent.

Shtëpia e Bardhë ka publikuar dy ditë më parë atë që mund të konsiderohet qëndrimi i parë zyrtar i administratës Trump për Ballkanin Perëndimor. Përmes një njoftimi të shkurtër në faqen zyrtare të Shtëpisë së Bardhë situata në rajonin tonë përshkruhet në kuptim të termave që rrjedhin nga Urdhri Ekzekutiv nr. 13219 i 26 qershorit 2001, çka do të thotë situatë që përfaqëson kërcënime të pazakonshme dhe të jashtëzakonshme për interesat e Shteteve të Bashkuara të Amerikës dhe politikës së saj të jashtme. Për këtë arsye administrata Trump ka vendosur që

Njësoj si në Maqedoni dhe në Kosovë situata pazszgjedhore dikton negociimin e koalicioneve jo të natyrshme për të krijuar qeverinë e re. Kandidati kryesor që po aktualizohet si emër për kryeministër është Ramush Haradinaj, përfaqësues i një koalicioni parazgjedhor mes PDK-së së Hashim Thaçit, AAK-së së vet dhe Nisma të Fatmir Limajt.

Si do të krijojë qeverinë Haradinaj me një Vetëvendosje që ka dhënë goditje të fortë në zgjedhje?

Përforcohet edhe më tej ideja e një unioni për Ballkanin Perëndimor, si një formulë të cilën BE-ja e sheh si më të mirën për të zbutur integrimin e vendeve tona. Në një intervistë për “European Western Balkans”, Jiří Schneider, drejtor Ekzekutiv në Institutin Aspen, ish-zv.ministër i Çekisë, thotë se aktualisht sfidat e sigurisë janë kryesoret. Me këtë përcaktim mundet të kuptohen fare mirë se përse tolerohet shumëçka në rajonin tonë nga një Europë që deri më dje kërkonte standarde përmbi të gjitha.

Milo Đukanović, ish-kryeministri i Malit të Zi, ka apeluar përmes një interviste për televizionin austriak ORF, që Europa të mos lejojë që Ballkani të kthehet në pikën kritike të saj.

Ai ka shpjeguar rrugën e ndjekur nga Mali i Zi, qysh në kohën kur ai drejtonte qeverinë aty, duke theksuar se qeveritë nuk duhet të ndjekin opinionin publik, por ta krijojnë atë dhe të ndryshojnë trashëgiminë e pafavorshme historike.

Sipas tij, projektet infrastrukturore kanë shumë rëndësi për integrimin e rajonit në BE dhe në këtë drejtim ai nuk ka kursyer kritikat.

Në mediat serbe është publikuar edhe përralla më e re për Ballkanin. Madje atë Perëndimor. “Gjermania ka një plan special”, shkruan gazeta e përditshme “Vecernje Novosti”, raporton agjencia “B92”. Dhe ky plan special gjerman do të jetë së shpejti në tavolinën e Këshillit të Europës në Bruksel dhe ai quhet Berlin Plus. Karamelet për ballkanasit nuk kanë të sosur me idenë se hallet do zgjidhen me plane të bëra gjetkë. Ky plani Berlin Plus do t’i marrë paratë nga disa vende anëtare me synimin që brenda dy viteve “të krijojë një mjedis ekonomik tërheqës”.