Lajme

Gjenerali  amerikan Xhozef Danford, i cili parashikohet të marrë detyrën e shefit të Shtatmadhorisë në Pentagon tha se Rusia paraqet kërcënimin më të madh për sigurinë e Shteteve të Bashkuara.  “Nëse doni të flisni për një vend që mund të paraqesë një kërcënim të qenësishëm për Shtetet e Bashkuara, dua të them, Rusia”. Disa ligjvënës amerikan kanë apeluar për t’i garantuar ndihmë me armë qeverisë Ukrainës, një lëvizje që gjenerali Danford e quajti të arsyeshme. “Pa këtë lloj ndihme, ata nuk janë në gjendje të mbrojnë veten kundër agresionit rus-tha ai”.

Mbeten të paralizuara punimet për segmentin e ri të rrugës që lidh Tiranën me Elbasanin, raporton “Tv Klan”. Përveç zvarritjes nga ana e firmës kontraktorë që po kryen punimet, fati i këtij segmenti, nga rreth rrotullimi i TEG deri në hyrje të tunelit Elbasan ka mbetur në udhëkryq pas dorëheqjes së Drejtores së Njësisë së Menaxhimit të këtij projekti dhe mos zëvendësimit me një tjetër person.

Ka vdekur në moshën 83 vjeçare aktori i njohur, Omar Sharif. Ai vuante nga Alzheimer dhe siç njofton agjenti i tij, dje ka pësuar edhe një goditje në zemër. Sharif, i lindur, Michel Chalhoub në Aleksandri të Egjiptit, më 10 prill 1932, ai mori famë ndërkombëtare me dy rolet e veta në filmat “Lorenci i Arabisë” dhe “Doktor Zhivago”. Sharif luajti edhe në role të tjerë filmash epikë si “Che” dhe në filmin kushtuar Genghis Khan. Ai ka fituar disa çmime, përfshirë një nominim për“Oscar” për rolin e tij në filmin “Lorenci i Arabisë”.
s.z

Këshill i Lartë i Drejtësisë ka pezulluar nga detyra dy gjyqtaret, për te cilët prokuroria ka nisur procedimin penal dhe madje ka vendosur masën arrest me burg. Rasim Doda në Gjykatën e Sarandës dhe Parashqevi Ademi ne Gjykatën e Lezhës, akuzohen për korrupsion. Vendimi është marre ne mbledhjen e se premtes pas kërkesës se prokurorisë. KLD ka propozuar tre gjyqtaret Daniela Shirja,  Miliana Muça dhe Bib Ndreca për ne Gjykatën e Shkalles se Pare për krime te renda, si dhe disa delegime gjyqtaresh.

Qeveria nxjerr në shitje kompaninë publike INSIG. Kjo kompani do të privatizohet përmes një tenderi të hapur. Qeveria ka miratuar propozimin e Ministrisë së Zhvillimit Ekonomik, sipas të cilit shoqëria financiare do të shitet në masën 100 për qind. Një vendim i Këshillit të Ministrave ka përcaktuar edhe kriteret e vlerësimit të ofertave. Sipas formulës, peshën më të madhe të pikëve, prej 80 për qind, do ta ketë çmimi i ofruar, ndërsa plani i biznesit dhe cilësia e blerësit do të kenë respektivisht nga 10 pikë.

Vendimi i Gjykatës së Arbitrazhit ishte argumenti i ditës në kafene, zyra, pika bastesh sportive apo kudo tjetër ku Shqipëria gdhiu një ditë pa Merkelin dhe ngjarjet që përcillen njëkohësisht në lidhje direkte dhe ku dominojnë raportimet nga bëmat e politikës. Entuziazmi që mbërtheu mediat dhe opinionin për një vendim të drejtë të Gjykatës së Lozanës u festua me shampanjë dhe gota kristali në Federatën Shqiptare të Futbollit si dhe u komentua gjerësisht në rrjete sociale dhe ambjente publike.

Përfaqësues fetarë, diplomatikë, studiues dhe qeveritarë morën sot pjesë në konferencën mbi radikalizmin fetar dhe ekstremizmin e dhunshëm, ku u diskutua për të forcuar bashkëpunimin përballë këtyre dukurive jo të lehta për t'u trajtuar. Ambasadori i SHBA në Shqipëri, Donald Lu, i kërkoi qeverisë që të analizojë me kujdes anketat dhe studimet e shoqërisë civile mbi këto dukuri, sepse ata qëndrojnë më pranë njerëzve. Komuniteti Musliman shqiptar ka dënuar çdo akt terrorist, i cili maskohet prapa simbolikave fetare.

Pas dhënies së tre pikëve Shqipërisë për ndeshjen e Beogradit, reagimet kanë qenë të shumta. Menjëherë pas lajmit reagoi kryeministri Rama “Supeeeer! Ja ç”dmth drejtesi europiane! 3 pike per Kombetaren Kuqezi ne Beograd!!!”. Por atij iu kundërpërgjigj homologu serb në Twitter. “Ne do të fitojmë në zemër të Tiranës dhe pa pasur nevojë për dronë”, shkruante Vuçiç në Twitter. Rama iu kundërpërgjigj pas disa minutash. “Do ta duartrokasim së bashku fituesin miku im dhe mos fol sikur varet fitorja nga ty”, i shkruan Rama.

Kryeministri i Serbisë Aleksandar Vuçiç ka treguar se gjatë takimit të tij me kancelaren gjermane Angela Merkelin ka folur edhe për dialogun me Prishtinën. Lidhur me negociatat, transmeton “Koha.net”, Vuçiç ka thënë se Beogradi po e pret përgjigjen e Prishtinës. “Merkel e kishte të qartë, ne kemi pranuar një version të korrigjuar për Asocaicionin e komunave serbe dhe presim përgjigje nga Prishtina. Nuk po fshehim asgjë nga populli, kemi treguar vullnet të mirë, seriozitet dhe vendosmëri, këto i vlerësojnë edhe Merkel e Juncker, kryetari Komisionit Evropian.

Angela Merkel erdhi, iku, por përrallat në Tiranë për pozën e munguar, apo takimin e parealizuar vazhdojnë. “Argumente” ka me bollëk, mjafton të rrëmosh mirë. Në ndihmë madje vjen edhe historia. Kështu Ndriçim Kulla, botues, analist dhe Ndihmës i Presidentit të Republikës, “sqaron” në një shkrim në gazetën “Mapo” se pse nuk u takua kreu i opozitës, Lulzim Basha, me kancelaren Merkel. Ja zbulimi i Kullës: “Është vetë lideri i opozitës ai që lobon në vendin përkatës, për të siguruar një takim me kryeministrin apo kryetarin e shtetit që do të vizitojë vendin e tij.