Lajme

Kryeministri i Serbisë Aleksandar Vuçiç ka treguar se gjatë takimit të tij me kancelaren gjermane Angela Merkelin ka folur edhe për dialogun me Prishtinën. Lidhur me negociatat, transmeton “Koha.net”, Vuçiç ka thënë se Beogradi po e pret përgjigjen e Prishtinës. “Merkel e kishte të qartë, ne kemi pranuar një version të korrigjuar për Asocaicionin e komunave serbe dhe presim përgjigje nga Prishtina. Nuk po fshehim asgjë nga populli, kemi treguar vullnet të mirë, seriozitet dhe vendosmëri, këto i vlerësojnë edhe Merkel e Juncker, kryetari Komisionit Evropian.

Angela Merkel erdhi, iku, por përrallat në Tiranë për pozën e munguar, apo takimin e parealizuar vazhdojnë. “Argumente” ka me bollëk, mjafton të rrëmosh mirë. Në ndihmë madje vjen edhe historia. Kështu Ndriçim Kulla, botues, analist dhe Ndihmës i Presidentit të Republikës, “sqaron” në një shkrim në gazetën “Mapo” se pse nuk u takua kreu i opozitës, Lulzim Basha, me kancelaren Merkel. Ja zbulimi i Kullës: “Është vetë lideri i opozitës ai që lobon në vendin përkatës, për të siguruar një takim me kryeministrin apo kryetarin e shtetit që do të vizitojë vendin e tij.

Një lajm sensacional për gjithë shqiptarët vjen nga Lozana. Gjykata e arbitrazhit sportiv i jep Shqipërisë 3 piket ne tavoline per ndeshjen eliminatore ndaj Serbise. Vendimi u mor sot dhe tashmë është gjithçka zyrtare pasi CAS publikoi në orët e para të kësaj të premteje vendimin. Shqipëria merr 3 pikët e mohuara nga UEFA. Pas këtij vendimi, Shqipëria ngjitet në vendin e dytë të grupit, me 10 pikë. Në këtë mënyrë mund të thuhet se u vi në vend drejtësia për kombëtaren shqiptare.

Ndërsa e gjithë vëmendja është fokusuar në zbulimin e emrave që do të përbëjnë stafin e kryebashkiakut të ri, Erion Veliaj, në Bashkinë e Tiranës ka nisur furtuna e shkarkimeve, lëvizjeve, dorëheqjeve, largimeve. “Sot” shkruan se sipas burimeve të gazetës, gjatë tre ditëve të fundit, të gjithë drejtorët e Lulzim Bashës, të vetëdijshëm për fatin që i pret, kanë dhënë dorëheqjen e parevokueshme.

Ministri i Brendshëm, Saimir Tahiri, ka folur te “Të paekspozuarit” drejtuar nga Ylli Rakipit në “Ora News”, për vrasjen e dy turistëve çekë në veri të Shqipërisë. Ministri Tahiri ka akuzuar sistemin gjyqësor për vendime të gabuara, që sipas tij, në shumë raste u ka dhënë liri kriminelëve. “Kam shqetësim së pari si qytetar dhe më pas si deputet dhe ministër, për mosfunksionimin e sistemit gjyqësor. Unë besoj se nuk duhet të kujtohemi për atë që ndodh, kur ka krisma. Duhet të kujtohemi kur krisma të heshtura të gjyqësorit shkaktojnë këto situata.

Banka e Shripërinë sqaron se edhe në rast se falimentojnë mëmat, bankat shqiptare me kapital grek kanë status juridik të pavarur nga pronarët në Greqi. Bankat që operojnë në Shqipëri i nënshtrohen legjislacionit dhe kuadrit rregullator të Republikës së Shqipërisë.

INSTAT-i njoftoi sot se Produkti i Brendshëm Bruto (PBB) shqiptar, në tremujorin e parë të vitit 2015, vlerësohet me rritje prej 2,82 %, kundrejt tremujorit të parë të vitit 2014.

Kryeministri është prononcuar për herë të parë lidhur me skandalin e rimbursimit të barnave në Fondin e Sigurimeve të Kujdesit Shëndetësor. Ndonëse i ka njohur meritën qeverisë për zbulimin e kësaj afere korruptive, kryeministri ka pranuar për herë të parë se administrata e tij nuk është e painfektuar nga vullnetet negative të individëve për të përfituar nga sistemi.

“A1Report” publikon sot një pjesë të video regjistrimit të ballafaqimit mes Tom Doshit dhe Durim Bamit. Ballafaqimi është bërë në prokurori dhe Doshi ka në trup një videoregjistrues të lejuar nga organi i akuzës. Siç rezulton nga komunikimi, Bami nuk pranon që deklaratat e tij për porositje vrasjeje nga Ilir Meta, siç edhe pasqyrohet në videon e publikuar në fillim të historisë nga Doshi, të jenë të vërteta. Bami flet aty për video të montuar. Kjo video del në momentin kur Doshi po çlirohet nga akuzat dhe hyn në Parlament.

Policia ka publikuar videon e grabitjes së një banke të nivelit të dytë një ditë më parë në Durrës. Gjithcka ka ndodhur ne harkun kohor të afro 4 minutave. Ata nisin të vënë në jetë planin e tyre në orën 1 e 16 minuta të mesditës. Vendosin të hyjnë në bankë të veçuar nga njëri tjetri me një diferencë prej pak sekondash. Njëri nga grabitësit hyn i pari në bankë dhe më një pistoletë në dorë kërcënon punonjësin e sigurisë. Pak sekonda pas tij në bankë hyn edhe bashkëpunëtori i tij me një automatik kallshnikov në dorë skfandër motorri në kokë.