Arkiv-Lajme

Dritëro Agolli, i pyetur nga Panorama (që ka shkuar më se një herë për t’i marrë mendim për “sarinin”) flet me kënaqësi për një gjeneratë të re rinie “që tregoi qytetari” në ndryshim nga protestat rinore më 1990 ”sepse atëherë kishte dhe thyerje dhe plaçkitje”.

Intersant “kapja” që bën Agolli me deputetin Braçe, që e konsideron karkalec më të shkurtër se gratë deputete.

Nënjë shkrim te SHQIP, Andrea Stefani përpiqet të shpjegojë sjelljen e ish KM Berisha në rastin e protestave kundër procesit të shkatërrimit të armëve kimike në Shqipëri. Sipas Stefanit ai tentoi të bëjë revansh për të marrë pushtetin

P { margin-bottom: 0.08in; }A:link { }

Në një intervistë për MAPO-n, Fatos Lubonja i thotë gazetares Aleksandra Bogdani se e konsideron nervozizmin e popullit të ngjashëm me atë të '97-s dhe fjalimin e Ramës, në të kundërt me Rexhep Qosjen e të tjerë, ai e konsideron ogurzi:

P { margin-bottom: 0.08in; }

Duket sikur ish Kryeministri jeton në një botë surreale. Edhe pasi Rama publikoi vendimin për t'i thënë “jo” armëve kimike, çka e bën atë ndoshta të parin lider që i hap rrugë kërkesave të protestuesve, madje pa tentuar t'i shpërndajë me dhunë ose t'u presë lëngjet e ilaçet, z. Berisha përsëri i kërkon atij të japë dorëheqjen!

Ja postimi i djeshëm i ish Kryeministrit në FB:

Shqiptarja.com sot ka publikuar një informacion të dalë nga burime brenda grupit parlamentar të PD, sipas të cilit Basha ka udhëzuar që të mos ketë deklarata publike as ndaj Ramës dhe as ndaj qeverisë, deri në momentin kur të jepej vendimi nga ana e kreut të qeverisë, i bindur se vendimi do të ishte pro asgjësimit të armëve kimike në Shqipëri.

Duket se ndjehet një keqardhje në fjalët e Ilir Metës në intervistën e dhënë për Menada Zaimin në Agon Channel kur thotë se nëse do të merrej një vendim ai ”do të shoqërohej me garanci shumë të forta publike, ligjore, të cilat do të bënin të mundur që vërtet Shqipëria të dilte më e pastër pas një operacioni të tillë” madje dhe pasojat e një vendimi të tillë sipas Metës “shpeshherë më shumë se sa të drejtpërdrejta, mund të kenë të bëjnë me imazhin e vendit, i cili natyrisht më pas përkthehet edhe në pasoja më konkrete, turistike, financiare, sociale e në vijim”

Lajmi se Shqipëria i ka thënë jo planit për të bërë asgjësimin e armëve kimike siriane në territorin e vet ka gjetur menjëherë jehonë mediatike ndërkombëtare. Gazeta New York Times ka publikuar një orë më parë në versionin e vet online një raportim nga Londra, në të cilin bëhet me dije se kryeministri shqiptar ka mbajtur një fjalim përpara kombit, dhe aty ka deklaruar se Shqipëria nuk i ka mundësitë për t’u marrë me këtë projekt.

Sipas një lajmi të dhënë nga gazeta De Telegraaf, thuhet sensacioni se Holanda mund të vërë veton për statusin si vend kadidat të Shqipërisë në BE, duke bërë pluhur e hi çdo ëndërr dhe përpjekje për në dhjetor të këtij viti. Me titullin “Holanda nuk e do Shqipërinë në BE”, kjo gazetë shkruan se shumica e TK (Dhoma e Dytë e Parlamentit, pra pa Senatin), është kundër dhënies së statusit kandidat.

Si duket Organizata për Ndalimin e Armëve Kimike (OPCW) ka pritur vendimin e Shqipërisë  për shkatërrimin e armëve kimike. Ajo ka anuluar mbledhjen e sotme, për t’u mbledhur së shpejti për një alternativë tjetër. Sipas Zërit të Rusisë, një burim ka thënë se Shtetet e Bashkuara të amerikës kanë alternative të tjera.

Më herët, Franca ishte cituar si alternativa më e mundshme për të shkatërruar armët kimike siriane. Mbete për t’u parë se si do të zhvillohet kjo histori dhe a do të jetë aq e vështirë dhe dramatike sa me Shqipërinë.

Zh.

Menjëherë pasi Edi Rama dha vendimin për t’i thënë Jo ardhjes së lëndëve kimike në Shqipëri, ka reaguar Ambasada Amerikane në Tiranë, e cila vlerëson seriozitetin që qeveria e ka shqyrtuar këtë çështje dhe konfirmon miqësinë jetëgjatë mes dy vendeve.

“Shtetet e Bashkuara do të vazhdojnë të punojnë me aleatët dhe partnerët si dhe me ONAK dhe Kombet e Bashkuara për të siguruar eliminimin e programit të armëve kimike të Sirisë. Mbetemi besimplotë se do ta përfundojmë eliminimin e programit brenda afatit për të cilin është rënë dakord”, thuhet në deklaratë.