Arkiv-Lajme

Ministri i Energjisë dhe Industrisë, Damian Gjiknuri, premtoi gjatë diskutimeve në forumin me temë “Promovimi i nismës për transparencë në industrinë nxjerrëse dhe përfitimi i komuniteteve”, se lejet e reja koncensionare për fushat e reja të naftës dhe ato të pazbualuara do të jepen me metodën e ankandeve. Kjo sipas tij bëhet për të krijuar sa më shumë transparencë , sidomos tani që  interesimi i investitorëve është rritur si pasojë e gjetjes së burimeve të naftës nga kompania “Shell”.

Një ish-i burgosur politik, Kujtim Kaziu, tentoi të vetëdigjet përpara Parlamentit, gjatë një proteste të ish-të burgosurve që po zhvillohej atje. Kaziu ka marrë pjesë në grevën e urisë së të burgosurve politikë të 18 muajve më parë, gjatë së cilës u vetëflijua Lirak Bejko.

Silvio Berslusconi ka nisur që nga sot të vihet në dispozicion  të shërbimeve sociale si pasojë e vendimit të Gjykatës për çështjen “Mediaset”. “Jam caktuar në shërbimet sociale dhe jo të burgosem nga kronistë dhe fotoreporterë”, ka deklaruar ish-kryemninistri italian. E thënë me fjalë të thjeshta, që nga sot , me vendim gjykate nis procesi i riedukimit të Silvio Berlusconit që do ta përballë këtë proces me anë të ndihmës dhe përkujdesjes ndaj atyre që kanë nevojë. Do të duhet të bëjë punë vullnetare , të ofrojë asistencë për një ditë në javë, katër orë rresht.

Gazeta “Panorama” publikon sot një urdhër të Drejtorisë Arsimore  Rajonale të Tiranës sipas të cilit urdhërohen drejtuesit e shkollave dhe kopshteve që t’u kërkojnë mësueve apo edukatoreve të paguajnë energjinë elektrike. Madje me këtë rast të gjithë duhet të paraqesin fotokopjen e librezave në mënyrë që të konstatohet pagesa. DART e argumenton këtë me nevojën e mbledhjes së informacionit dhe kërkesën që lind nga vendimi i Task Forcës për përmirësimin e nivelit të arkëtimeve, ndonëse pagesa është një përgjegjësi krejt personale.

s.z 

Zv. Kryeministri Niko Peleshi kadeklaruar se qeveria është afër zgjidhjes së konfliktit me CEZ-in. I ftuar në emisionin “Të bësh ekonomi” në News24, Peleshi ka bërë të qartë se qeveria synon të shmangë arbitrazhin me çekët, pasi kjo do të humbiste shumë kohë. “Ne e gjetëm situatën e raporteve të shtetit shqiptar me CEZ-in në kushtete arbitrazhit pasi qeveria e kaluar nuk e kishte konsumuar të drejtën dhe mundësinë e zgjidhjes me negocim dhe në marrëveshje para se çështja të shkonte në arbitrazh. Arbitrazhi nuk ëhstë një zgjidhje e preferuar as për ne as për palën tjetër.

Deutsche Welle njofton sot se NATO po kryen një manovër ushtarake detare në zonën e Balltikut.  ME shumë interes është edhe fakti se “drejtimin e manovrës do ta marrë një anije gjermane”. Arsyeja kryesore e kësaj manovre është të tregohet vendosmëri. Kuptohet kundrejt Rusisë e cila po synohet që të shkurajohet nga ndonjë iniciativë tjetër përveç asaj në Ukrainë. Vetë NATO, e ka shpallur manovrën aktuale si “mbrojtëse”, pra jo si një kërcënim direkt ndaj Moskës.

“Dilema” Januzaj duket se ka marrë fund. Lojtari me orgjinë nga Kosova, që luan aktualisht me ekipin e Macherster United ka zgjedhur kombëatren blege. Diskutimi për të ka qenë shumë I madh, pasi Shqipëria, Turqia, Serbia, Kosova dhe Anglia kanë kërkuar që ai të jetë pjesë e ekipeve kombëatre respektive. Me sa duket Januzaj i ka dhënë fund duke zgjedhur Belgjikën dhe kjo vetëm dy muaj nga Botërori I Brazilit. Lajmi është publikuar në rrjetin social Twitter, në profilin e trajnerit të Belgjikës, Marc Wilmots.

s.z 

Qeveria ka miratuar sot ndër të tjera edhe një vendim që suprimon Konsullatën e Përgjithshme të Shqipërisë në New York, për t’ia deleguar funksionet e saj zyrës konsullore që do të hapet pranë misionit të përhershëm të Shqipërisë në OKB. Vendimi pason deklaratat e ministrit të Jashtëm dhe kryeministrit për reduktimin e përfaqësimit diplomatik të Shqipërisë.

http://kryeministria.al/al/newsroom/vkm/vendime-te-miratuara-ne-mbledhje...

s.z 

“Çfarë mund të jetë njeriu pa shpirt e pa zemër, kështu mund të jetë edhe Serbia pa Kosovën”. Ky vajtim vjen nga kreu i Kishës Ortodokse serbe, patriarku Irinej, i cili ka përsëritur edhe njëherë refrenin e përjetshëm të trinitetit të shenjtë serb, një nga elementët e të cilit shpallet me të madhe se është Kosova. Fjalën ai e ka mbajtur në një tubim me rastin e nisjes së luftës kundër Perandorisë Osmane.

Zv. Ministri i Mbrojtjes Dritan Hila duket se ka ndërmend të kallëzojë penalisht ILDKP-në. Kjo pasi siç sqaron ai në një deklaratë për mediat ky institucion ka cenuar emrin e tij, duke publikuar faktin se Hila është gjobitur me 500 mijë lekë. Ja versioni i Hilës: “Nëpërmjet medias mora njoftimin për gjobitjen time me shumën 50 mijë lekë nga ana e ILDKP-së. Saktësoj se bëhet fjalë për vonesë në dorëzimin e deklarimit të pasurisë. Vonesa ka ardhur pasi ligji për të cilin ekziston ILDKP-ja, nuk hyn në ato ligje që kanë lidhje me detyrën time funksionale, të domosdoshme për t’u njohur.