Arkiv-Lajme

I frymëzuar nga pjesëmarrja në protestën e 22 nëntorit, kryetari i PD-së Lulzim Basha i ka bërë thirrje sot Kryeministrit Rama të kuptojë ‘situatën eksplozive” të vendit, dhe i paraqiti atij një listë kërkesash për të ndalur rrënimin e mëtejshëm ekonomik.

Nuk i ka pëlqyer ish-ministrit socialist, Sabit Brokaj, ndërhyrja e ambasadorit amerikan për figurën e Enver Hoxhës në kuadër të luftës antifashiste. Sipas tij, ai duhet vlerësuar si komandant i Luftës Nacionalçlirimtare dhe dënuar për periudhën pas luftës. Në një intervistë për “Panorama”, Brokaj e ka cilësuar të papranueshme deklaratën e ambasadorit Arvizu, që e cilësonte Enverin si një monstër.

Të pakënaqur me gjendjen e arsimit në gjuhën shqipe, janë shprehur shqiptarët në Malin e Zi. Ata kërkojnë nga institucionet shtetërore të vendit respektimin e të drejtës elementare të arsimit në gjuhën amtare. Në të gjitha trevat ku jetojnë shqiptarët në Mal të Zi është duke u nënshkruar peticioni me moton “Stop diskriminimit, duam të arsimohemi si shqiptarë”, i cili në fund të këtij muaji do t’i dorëzohet Ministrisë së Arsimit, përfaqësive diplomatike dhe zyrës së Komisionit Evropian në Podgoricë.

L.V

Kryeministri Antonis Samaras po i shfuqizon pjesërisht shkurtimet e pagave dhe debaton me trojkën për kushtet që duhet të zbatojë qeveria greke. Por “Deutsche Welle” shkruan se ekspertët e shohin optimizmin e Samaras me sy kritik. Sipas një shkrimi të saj, policët, ushtarët, roja bregdetare dhe zjarrifikësit grekë këto ditë mezi duhet ta presin rrogën e muajit dhjetor. Ata kanë të drejtë të rimarrin në këste të caktuara mujore rreth 50% të pjesës së rrogës që iu shkurtua në gusht të vitit 2012.

Kreu i PDK-së, Hashim Thaçi dhe ai i LDK-së, Isa Mustafa, janë takuar në mbrëmje për të diskutuar hapat e mëtejshëm për marrëveshjen e koalicionit qeverisës mes dy partive.

Gazeta “Express” raporton se Thaçi dhe Mustafa, në një deklaratë të përbashkët, kanë sqaruar se ne këtë takim është folur për marrëveshjen për qeverisjen e dy partive në koalicion si dhe saktësimin e datës së mbajtjes së seancës së Kuvendit.

"Nëse Hillary do të vendosë të garojë për postin e Presidentes së SHBA-ve mendoj se do të ishte një kandidaturë e shkëlqyer". Kështu është shprehur presidenti Barack Obama në një intervistë për “Abc”. 

"Mendoj se do të ishte një Presidente e madhe"- ka vijuar Obama ndërsa fliste për Clintonin, edhe pse kjo e fundit ende nuk është shprehur nëse do të garojë.

Spartak Ngjela ka kritikuar ashpër hapjen e bunkerit anti-bërthamor të regjimit të Enver Hoxhës, duke e konsideruar atë si një propagandë totalitare për të hapur ilegalisht një muze për Enver Hoxhën.

Biljana Jarcevska, drejtoreshë e qendrës ndërkomunale për çështje sociale në Maqedoni, bën të ditur se rreth 4 mijë persona çdo ditë ushqehen në kuzhinat popullore të cilat janë të hapura për kategorinë më të rrezikuar në shtet.

Në një kohë kur të gjitha mediat ndërkombëtare kanë në fokus kryesor të tyre influencën ruse ndaj Ballkanit perëndimor, sidomos pas deklaravete të kancelares gjermane, Angela Merkel mbi këtë temë në samitin e G20-s në Australi, në Shqipëri këto zhvillime thuajse nuk marrin vëmendjen e duhur nga media shqiptare. “Deutsche Welle” ngre pyetjen se përse në këtë çështje që prek Ballkanin, pjesë e së cilës është dhe Shqipëria, mediat informojnë pak. Sa është interesi i mediave e për pasojë i publikut shqiptar për ngjarjet që ndodhin jashtë territorit?

Në studion e emisionit “Jamais Vu” këtë të shtunë, përballë gazetarit Mustafa Nano ishte Mimi Kodheli.