Arkiv-Lajme

“Panorama” boton sot një intervistë të deputeti socialist Dash Peza i cili thotë se Tom Doshi nuk është shok i Edi Ramës, por një bashkëpunëtor i tij për çështjet zgjedhore në zonën e Shkodrës. Sipas Pezës, debati i Blushit me Ramën në mbledhjen e Grupit ishte i panevojshëm, ndërsa shprehet se nuk ka arsye të qenësishme që Ilir Meta të japë dorëheqjen.

Në një hulumtim rajonal të zhvilluar nga disa institucione joqeveritare për hulumtimin e opinionit publik publikohet besimi i qytetarëve ndaj institucioneve ushtarake, shtetërore dhe ndërkombëtare. Hulumtimi i tillë është realizuar në Shqipëri, Bosnjë dhe Hercegovinë, Kosovë, Maqedoni, Serbi dhe Mal të Zi. Në Maqedoni projekti është realizuar nga Qendra për Hulumtim dhe krijim të politikave (QHKP), e cila ka publikuar edhe rezultatet e hulumtimit dhe se kujt i besojnë më shumë qytetarët.

Pas deklaratës së ish­deputetit të PS­së, Tom Doshi, se atë kanë dashur ta ekzekutojnë, ka ardhur edhe shoqërimi në polici i personit të dyshuar si i paguar për ta kryer këtë atentat. “Gazeta Shqiptare” shkruan sot se bëhet fjalë për 36­vjeçarin Durim Bami nga fshati Nikël i Krujës, i cili dyshohet se është personi që ka marrë paratë për të kryer ekzekutimin e ish­deputetit.

“Panorama” shkruan sot se verifikimi i tabulateve telefonike në celularin e të ndaluarit nga Fushë­Kruja, Durim Bami, ka gjetur një kontakt “të dyshimtë” të tij, pronarin e një lokali në zonën e ish­Bllokut në Tiranë. Sipas të përditshmes “Panorama”, referuar telefonatave por edhe nga të dhënat e siguruara në rrugë operative, dyshohet se pronari i lokalit në fjalë ka qenë ndërmjetësi në përçimin e porosisë për vrasje nga personat e interesuar te 36­ vjeçari, të cilit i është kërkuar kryerja e krimit.

Këshilltari i kreut të Kuvendit, gazetari Lorenc Vangjeli, deklaroi se kryetari i Komisionit Parlamentar të Sigurisë Spartak Braho, ka kërkuar me shkresë që në seancën e ditës së enjte të jetë edhe një videoprojektor. Provokim, ose spekullim, kjo do të vërtetohet të enjten, por duhet kujtuar se z. Braho paralajmëroi surpriza për ish-kryeministrin Sali Berisha.
s.z

Jo me pak habi u prit reagimi i ambasadës amerikane në Tiranë pas përjashtimit të Tom Doshit nga grupi parlamentar i Partisë Socialiste. Është ndoshta hera e parë që selia diplomatike e Shteteve të Bashkuara reagon kaq hapur  lidhur me një zhvillim të brendshëm në një parti politike në Shqipëri, duke mbështetur publikisht  vendimin e grupit parlamentar  të Partisë Socialiste për largimin nga partia të një personi që sipas saj, pretendohet se është i përfshirë në veprimtari kriminale.

Një takim interesant ka ndodhur sot, ai mes ministrit të Bujqësisë, Edmond Panariti dhe ambasadorit amerikan në Tiranë Donald Lu. Njoftohet se zoti ka diskutuar me ministrin e LSI-së për zhvillimet e fundit në vend, kryesisht në funksion të procesit të dekriminalizimit të institucioneve dhe të politikës në tërësi. Bashkëbiseduesit ndanë të njëjtën pikëpamje mbi nevojën e ndarjes përfundimtare nga rekordet kriminale të politikës të të gjitha niveleve.

Përmes një shënimi në facebook, deputetja Mesila Doda ka bërë sot një propozim që shkon një hap të madh deklarimit të ambasadës së SHBA-së në miratim të përjashtimit të deputetit Tom Doshi nga PS-ja. Doda sugjeron që hetimi për akuzat e Doshit të bëhet nga një njësi task force hetimore, e madje

Departamenti Amerikan i Shtetit duhet të sjellë hetues për të hetuar të gjithë politikanët shqiptarë.

Në deklaratën e fundit pas ndalimit të dëshmitarit që dyshohet se ishte porositur për vrasjen e Tom Doshit, ish-deputeti socialist ka zbardhur të tjera detaje lidhur me këtë çështje për të cilën thotë se kishte vënë në dijeni që në gusht të vitit të kaluar kryeministrin Rama, kryetarin e kuvendit Ilir Meta, kryeprokurorin Llalla dhe ministrin e Brendshëm, Sajmir Tahiri.

Ndalimi i Durim Bamit në pikën kufitare me Malin e Zi ditën e sotme, si personi që deputeti Tom Doshi deklaroi se ishte kontraktuar për t’i bërë atentat por që vendosi t’i tregojë vetë shënjestrës se ç’po ndodhte, ka nxjerrë në dritë të dhëna të reja. Bami, sipas Naim Stafukës, vëllai i Enver Stafukës që rezulton ende i rrëmbyer, ka qenë personi i fundit që ka takuar vëllai i tij para se të zhdukej. Enver Stafuka i cili ka qenë i përfshirë si i dyshuar edhe në vjedhjen e automjetit që u përdor në vrasjen e komisarit Dritan Lamaj, u rrëmbye nga tre persona me uniformë policie.