Arkiv-Lajme

Debati mes Rexhep Qosjes dhe LDK-së vazhdon dhe sot e kësaj dite, me tonet e forta e të egra të fillimit. Qosja ka shkruar së fundmi një artikull në gazetën Bota e Re, dhe aty numëron sulmet që i janë bërë publikisht: “LDK-ja më ka bërë pesë sulme! Dhe, me këtë sot, vetëm dy përgjigje të miat”.

Kostandin Xhuvani duket se do të jetë në qendër të vëmendjes publike për një kohë të gjatë. Sikur të mos ishte i mjaftueshëm lajmi i dënimit me vetëm dy vjet burgim, dënim ky i dy javëve të kaluara; sikur të mos mjaftonte vrasja e Alfred Musabelliut e kryer vetëm në 12 shkurt 2011, “baby Vip” kthehet sërish në skenë. Këtë radhë  Kostandin Xhuvani, djali i deputetes së Partisë Socialiste, Luiza Xhuvani, njëkohësisht aktore e njohur në Shqipëri, është vënë nën akuzë nga prokuroria  për veprën penale të “goditjes për shkak të detyrës” e kryer ndaj punonjësve të policisë.

‘Classicalify’ është një website që ndjek me vëmendje muzikën klasike, koncertet orkestrale dhe operat, dhe informon publikun lidhur me to. Tri ditë më parë, në të shkruhej mbi Traviatën e vënë në skenë në Stokholm, dhe për interpretimin e Violetës prej një sopranoje “që ndoshta nuk është e njohur për të gjithë, por që është një nga më interesantet e skenave operistike të botës”. Është fjala për shqiptaren Ermonela Jaho.

Sot pasdite, në Moskë, do të mbahet një manifestim i madh. Është opozita që kërkon të bëjë një provë të dytë force? Jo, është manifestim i organizuar nga partia e Putinit ‘Rusia e Bashkuar’. Me mijra vetë janë duke ardhur nga periferitë, me trena, me autobuzë, të organizuar; regjimi, apo biznemenët në emër të tij, u paguan udhëtimin dhe ushqimin. Është një manifestim në stilin e një regjimi. Sa herë që opozita demonstron se është e fortë, regjimet marrin masa për të treguar se janë edhe më të fortë; dhe kuti për të matur forcën është mbështetja popullore.

Në muajin korrik, qeveria u detyrua për të n-tën herë të rishikojë me ulje të theksuar buxhetin e shtetit, sepse parashikimi që kish bërë në fillim të vitit për të ardhurat kishte qenë, si zakonisht, tejet optimist. Por treguesit e publikuar së fundmi nga Ministria e Financave në lidhje me realizimin e të ardhurave, tregojnë se edhe parashikimi i qethur mirë në korrik rrezikon të mos realizohet. Kështu, deri në fund të nëntorit, në buxhetin e shtetit është arritur të mblidhen rreth 295 miliardë lekë, nga 344 miliardë lekë që janë parashikuar deri në fund të vitit.

Buxheti i shtetit shënoi një muaj tjetër negativ në nëntor të këtij viti, duke sjellë nevojën për rishikimin e radhës nga qeveria. Të dhënat paraprake të publikuara dje nga Ministria e Financave tregojnë se qeveria arkëtoi 295.5 miliardë lekë për periudhën janar-nëntor të këtij viti, me një rritje të papërfillshme prej vetëm 0.7 përqindësh në krahasim me të njëjtën periudhë të një viti më parë. Norma e rritjes së të ardhurave tregon se aktiviteti ekonomik është në tkurrje të përgjithshme në Shqipëri dhe se kjo tkurrje në muajin nëntor është përkeqësuar.

Një raport konfidencial i UEFA-s, i zbardhur nga Top Channel, ka dhënë alarmin për shitjen e ndeshjeve dhe manipulimin e rezultateve në kampionatin tonë. 

Sëmundjen e Kryeministrit herët a vonë e përcollën të tëra mediat, por pjesa më e madhe u tregua shumë e kujdesshme të shmangte termin “sëmundje”. Edi Rama, i preokupuar për shëndetin e rivalit, e quajti ‘sëkëlldi’ në një komunikim në twitter dhe i uroi “...sinqerisht... shërim të shpejtë”.

“Dobësi fizike”, “këputje”, “malaise”, “lipotimi” ishin disa nga termat e përdorur për të mbuluar idenë se “Berisha është sëmurë”. Një gjë e tillë bëhej dhe për Enverin dikur, në mënyrë që populli që e donte shumë të mos shqetësohej dhe vigjilenca e Partisë të mos binte.

Njoftimi i kryeministrisë mbi atë që ndodhi në Pallatin e Kongreseve gjatë festës së përvjetorit të themelimit të PD-së (Sali Berisha pati një kolaps fizik të papritur), mbyllej me fjalët: “Kryeministri Berisha është në gjendje të mirë shëndetesore dhe para largimit nga Pallati i Kongreseve konsumoi një kafe me miq e të ftuar dhe më pas u kthye në apartamentin e tij”.

Ja cilat media kanë raportuar mbi problemin shëndetësor të Berishës:

Top-channel: Kryeministri është ndjerë keq dhe është larguar nga podiumi i ndihmuar nga shoqëruesit e tij, për shkak të një luhatjeje tensioni. Ai ka qendruar pak momente prapa skenës dhe më pas ka lënë Pallatin e Kongreseve i shoqëruar nga skorta e tij. Kryetarja e Kuvendit Jozefina Topalli, njëkohësisht nënkryetare e PD, ka deklaruar se gjendja e të fiktit e kryeministrit ka ardhur si pasojë e një gjendjeje virale, që nuk ka vend për shqetësim.