Arkiv-Lajme

Gjatë javëve të fundit, monedha e përbashkët europiane është forcuar lehtë në kursin e këmbimit me lekun. Sipas kursit zyrtar të këmbimit të Bankës së Shqipërisë, në ditët e fundit të muajit prill, euro arriti edhe vlerën më të lartë për këtë vit, me 140.8 lekë. Ekspertët e këmbimit valutor shprehen se forcimi i euros në këtë periudhë të vitit është një fenomen pak a shumë i zakonshëm sezonal, që lidhet me kërkesën e lartë për valutë në treg.

Këshilltarët e majtë (PS+LSI) i janë përgjigjur në mënyrën e tyre zvarritjes së kërkesës së tyre për të bërë mbledhjen e Këshillit me synimin për të zgjedhur kreun e ri të Këshillit Bashkiak në rrethanat e reja, në të cilat të majtët janë shumicë.

Në një intervistë për Luis Tanushin sot te Shekulli , deputeti socialist Damin Gjiknuri, akuzon se strategjia e mazhorancës është që asnjë i huaj të mos jetë në kontroll të të dhënave dhe rezultateve që transmetohen.

Në kanalin televiziv public DR2 të Danimarkës, në prime time (intervali kohor më i ndjekur, dmth nga ora 21 deri 23), muzikanti i njohur i jazz-it Thomas Blachman po drejton një program që ka provokuar shumë vetë. Programi është shumë i thjeshtë: “Moderatori, vetë Blachman-i pra, fton për çdo herë një burrë vip, e vë atë të ulet pranë tij, dhe pas pak në studio shihet të hyjë një femër e mbuluar nga një peignoir (diçka si peshqir dushi), që vendoset përballë tyre.

Ne jemi gazetarë, dhe shumë prej nesh nuk e kanë ditur që sot është dita e gazetarëve në të gjithë botën. Por e ka ditur kryeministri Berisha, i cili me këtë rast na ka lënë dhe një mesazh në profilin e tij në facebook: “Të dashur miq, sot njerëzit e lirë në mbarë botën nderojnë me vlerësimin më të madh mediat, punonjësit e tyre, rolin e tyre si pushtet i katërt, pa të cilin nuk ka demokraci.

Të përditshmet e sotme, ato më të rëndësishmet e më të shiturat, nuk i kishin kushtuar ndonjë rëndësi kushedi se çfarë sondazhit të realizuar nga kompania IPR Marketing dhe të financuar nga televizioni Oranews. Disa prej tyre raportonin thjesht në faqet e brendshme (Shqipi, Dita, Mapo), ndërsa disa të tjera as që kishin denjuar të merreshin me të (Panorama, Shqiptarja.com, Shekulli).

Pas shumë kohësh dëgjohet një zë autokritik brenda maxhorancës. Më saktë, është një zë që shpreh një mospajtim të lehtë e të kujdesshëm (është mospajtim amá) me do lëvizje të Berishës. Është fjala për Dashamir Shehin që, në një intervistë për shqiptaren.com, “guxon” të mbajë qëndrime disi të ndryshme nga ato të boss-it të maxhorancës. “[Lidhur me kritikën e amerikanëve mbi politizimin e institucioneve të pavarura] mendoj se ata nuk e kanë gabim. Unë në princip jam me amerikanët edhe kur ata gabojnë, por këtë herë nuk kanë gabuar”, thotë Shehi fillimisht.

Shkrimtari e publicisti Mehmet Kraja ka shkruar një artikull, që në thelb është një polemikë me studjuesin austriak Oliver Jens Schmitt, dhe argument është libri i këtij të fundit me titull “Kosova, një histori e shkurtër e një treve qendrore ballkanike”. Libri është dhe në libraritë e Tiranës e të Shqipërisë, por ai është shpërndarë e lexuar më së shumti në Kosovë. Mehmet Krajës i kanë bërë përshtypje një numër nënvizimesh e përfundimesh të studjuesit austriak, dhe ai ka veçuar tezat më të rëndësishme të Schmitt-it, që sipas tij janë të gabuara e të pasakta.

Georg Schmid ka qenë deri vonë kryetari i grupit parlamentar të CSU bavareze. Të enjten e kaluar ai dha dorëheqjen për shkak të një vendi pune të gruas së tij. Ai e kishte punësuar atë si sekretare. Të hënën dha dorëheqjen edhe Georg Winter, shefi i komisionit për buxhetin në parlamentin bavarez. Ai kishte punësuar të bijtë si informaticienë.

Dy organizata që mbrojnë të drejtat e homoseksualëve në Shqipëri kanë shpallur një listë me 12 persona të cilët ata i konsiderojnë si aleatët e tyre për vitin 2012. “Kemi patur deshire jo vetem t'u themi faleminderit mbeshtetesve tane ne nje menyre dinjitoze por permes saj te mund te percjellim dhe nje mesazh pozitiv per te gjithe njerezit me mendje te hapur qe te vazhdojne te mos paragjykojne askend per shkak te vecorive, apo dallimeve. Cmimet do dorëzohen më 13 maj ora 18:00 gjate hapjes se ekspozites Art 1. ne Muzeun Historik Kombetar.