Arkiv-Lajme të përditësuara

Ashtu sic edhe pritej, autoritetet serbe ndaluan Gay Pride, paradën e komunitetit homoseksual serb e planifikuar për t’u mbajtur të shtunën e ardhshme. 

Ndalimi u komunikua nga Ministri i Brendshëm i qeverisë së Ivica Daçiç për arsye sigurie dhe për të ruajtur qetësinë publike. Parada përbën një rrezik serioz për trazira në Beograd, por edhe në qytetet e tjera, thuhet në komunikatën e Ministrisë së Brendshme serbe.

Ka fjetur mbi kupolën e Shën Pjetrit një sipërmarrës nga Trieste, i cili dje në Romë u ngjit mbi Kupolën e Madhe për herë të dytë pas dy muajsh. 

Marcello Di Finizio, i cili nga ora 17:00 e ditës së djeshme po zhvillon protestën e tij mbi tempullin e krishtërimit, pasi arriti që të hipte përmes njërës nga dritareve deri në majë të një prej Kupolave të Mëdha, vendosi edhe një banderolë gjigante ku shkruhej: ''Ndihmë!!! Ndal Montit, ndal Evropës, ndal multinacionalizmave. Po na zhdukni të gjithëve. Zhvillimi??? Kjo është një masakër sociale''. 

Një grevë 24-orëshe në Romë i la pasagjerët në radhë të gjata për taksi në rrugët e kryeqytetit italian. Punonjësit e transportit publik pezulluan punën për një ditë duke shprehur në këtë mënyrë pakënaqësinë ndaj pagave aktuale dhe kushteve të punës. 

Autobuzët, tramvajet e metrotë nuk lëvizën nëpër kryeqytet, ku për banorët u ofruan vetëm disa shërbime të vogla alternative. 
   
“24 orë grevë, është pak si shumë. Është një kohë e gjatë që krijon mjaft telashe”, tha një qytetar.

Në tregun e këmbimit valutor vendas, valutat euro dhe dollarë shënuan sot një zhvlerësim të lehtë ndaj monedhës kombëtare lekë, duke e rikthyer atë në "ditët" e mira. 

Sipas kursit zyrtar të këmbimit, në Bankën e Shqipërisë, pas një rritjeje të shpejtë prej gati dy javësh, monedha e përbashkët euro po humb pikë ndaj lekut shqiptar që prej fundjavës së kalur. 

Për të dëshmuar mbi pasurinë që na bashkon pesë fotografë nga pesë vende të Ballkanit rrëfejnë nëpërmjet fotografisë një "Përrallë Ballkanike". Ekpsozita me titull "Balkan Tale" e çelur në minitrinë e Kulturës ka bashkuar  artistë të njohur të fotografisë si Juta Benzenberg, Ivan Petrovic apo Kamilo Nolas. Fotografët nga Shqipëria, Kosova, Serbia, Maqedonia e Greqia kanë fokusuar nëpërmjet aparatit monumentet më përfaqësuese që kanë mbetur në këto vende ballkanike nga arkitektura dhe kultura otomane.

 Bosnje-Hercegovina gjendet në nivelin e shteteve të pazhvilluara afrikane përsa i përket gjendjes së analfabetizmit, ku 15 për qind e banorëve nuk kanë mbarur arsimin fillor, tregojnë të dhënat e UNESCO-s. 

Pa arsim fillor të përfunduar mes banorëve në moshën 25-35 vjeç në qytetet e Bosnjes janë rreth 7,75 për qind e burrave dhe 22 për qind e grave. 

Kjo përqindje është më e madhe në rrethinat e qyteteve, ku 16 për qind nga burrat dhe 45,5 për qind nga gratë janë analfabetë. 

“Shqipëria, dikur një moçal i paarritshëm, sot është e hapur për biznes”.Kështu shkruan gazeta britanike “The Telegraph”. Në shkrimin e Christopher Middleton, vendi ynë konsiderohet një perlë e harruar e Evropës ku duhet investuar. 

“Jo keq, duke pasur parasysh që 15 vjet më parë, ishte e vështirë ta imagjinoje Shqipërinë si një vend me të ardhme. Që prej vitit 1997 kur Shqipëria kontrollohej nga gangsterët e armatosur vendi ka ndryshuar shumë", - thuhet në shkrim.