Arkiv-Lajme të përditësuara

Rreth 20 ish-të përndjekur politikë, të cilët prej së shtunës së 22 shtatorit vijojnë grevën e tyre, nëpërmjet një deklarate për media i kanë bërë thirrje Ambasadave dhe Përfaqësive të Huaja Diplomatikë, në vendin tonë që të bëjnë presion mbi qeverinë që kërkesat e tyre të marrin zgjidhje. 

Optimist se Greqia do të ketë sukses, por vetëm nëse Evropa do ta ndihmojë atë, u shfaq kryeministri Antonis Samaras tha në një intervistë në gazetën New York Times. 

"Ne do të ndryshojmë, por në të njëjtën kohë, duhet të na ndihmoni", tha Antonis Samaras, duke shtuar se "skenari alternativ mund të jetë fundi i Greqisë". 

Aleanca Kuq e Zi ka hedhur ditën e premte idenë e mundshme të një koalicioni të përbërë me 12 parti patriotike, të cilat kanë shprehur vullnetin e plotë të bashkimit me AK. 

12 Partitë e vogla të pranishme në takimin me kryetarin e AK Kreshnik Spahiu theksuan si kusht kryesor të bashkëpunimit largimin e kryeministrit Berisha nga pushteti. Në tryezë u diskutua edhe mënyra e festimit të 100 vjetorit të pavarësisë, ku 12 partitë shprehën mbështetje për projektin e kuqezinjve për një bashkim në kufirin Shqipëri-Shqipëri. 

Pas Madridit e Athinës ka qenë radha e rrugëve të Romës të mbushen me protestues kundër masave qeveritare anti-krize. 

Mijera vete po protestojne ne kryeqytetin italian ndaj shkurtimit te shpenzimeve qe kerkon kryeministri Mario Monti, per te cilat kembengulin se demtojne mbi te gjitha punetoret e thjeshte.

Aksioni koincindon sa me situatat e pershkallezuara ne Spanje e Greqi, ku protestat e kesaj jave perfunduan ne perleshje me policine, aq edhe me trazirat ne fabriken e celikut ILVA ne jug te vendit. 

Themeluesi i Wikileaks-it, Julian Assange, ka përqeshur presidentin amerikan, Barack Obama, i cili e përkrah lirinë e shprehjes në Lindjen e Mesme, ndërsa në anën tjetër e ndjek penalisht organizatën e Assange. 

Duke folur përmes internetit nga Ambasada e Ekuadorit në Londër, ai tha se përvoja e tij është dëshmi se Obama ka bërë më shumë në “kriminalizimin e lirisë së shprehjes se çdo president tjetër amerikan”. 

Video-linku ishte një takim i organizuar nga Ekuadori, në kohën kur liderë botëror po mbajnë fjalimet e tyre në Asamblenë e Përgjithshme të Kombeve të Bashkuara. 

Pas grevës së përgjithshme që mobilizoi 70 mijë persona në Athinë duke paralizuar krejt kryeqytetin, protestat janë mbajtur gjallë nga shoqatat e paraplegjikëve, nga trupat e policisë e oficerët. Zemërimi i qytetarëve vjen kryesisht nga shkurtimet 12 miliardë euro që pritet të zbatohen në dy vitet e ardhshme dhe që do të prekin rrogat, pensionet dhe përfitimet sociale. 

Partnerët në qeverinë greke arritën marrëveshjen për paketën e masave të vështira, prej 11,9 miliardë euro. 

Pas një takimi 3 orësh mes kryeministrit Samaras, kreut të PASOK dhe atij të DIMAR, është arritur marrëveshja mbi çështjet kryesore të paketës së re të masave. Kjo u konfirmua nga deklaratat e ministrit të Financave Janis Stournaras, i cili theksoi se "marrëveshja e sotme është një bazë që ne të vazhdojmë negociatat me Trojkën dhe partnerët".