Arkiv-Lajme të përditësuara

-Teksa fokusi i debatit politik është përqendruar në përbërjen dhe funksionimin e Komisionit Qendror të Zgjedhjeve, një tjetër betejë po zhvillohet midis mazhorancës dhe opozitës. Katër parti të majta ankohen për KQZ-në në Kolegjin Zgjedhor. Ato vazhdojnë betejën ligjore për regjistrimin në zgjedhje, pasi KQZ i ka refuzuar duke i lënë jashtë garës. Shqyrtimi i të gjitha çështjeve është lënë për sot, pranë Gjykatës së Apelit, Tiranë.

Konsesusi dhe rivendosja e besimit  është zgjidhja e vetme për situatën e krijuar në Komisionin Qendror të Zgjedhjeve deklaroi Kryetari i LSI-së Ilir Meta .“Aktualisht kemi një situatë të papranueshme, përgjegjësia është drejtpërdrejt e mazhorancës e cila dhunoi Kushtetutën e Kodin zgjedhor dhe KQZ. Zgjidhja e vetme është rivendosja e besimit dhe konsensusit mes dy forcave që kanë bërë kodin. Dihet kush e prishi konsensusin në mënyrë të njëanshme dhe brutale. Zgjidhja e njëanshme nuk është zgjidhje për ne. Është me rëndësi rivendosja e besimit dhe konsensusit.

Ministria e Brendshme ka reaguar pas publikimit të fotove të ministrit Flamur Noka me shoferin e Arben Frrokut, të akuzuarit për vrasjen e kryekomisar Dritan Lamaj duke e quajtur trillimin e radhës të shpifësit me pagesë, Saimir Tahiri. “Ministri i Brendshëm, Flamur Noka, deklaron me përgjegjësi të plotë individuale dhe institucionale se në fotot e bëra publike, asnjë nga personat prezent në këtë takim, nuk kanë kurrfarë lidhjeje me individët e stisur nga shpifësi Tahiri, me të cilët kupola e krimit në Partinë Socialiste, ka pranuar publikisht se ka lidhje politike dhe biznesi.

Dy vrasje e një plagosje ishte bilanci i ditës së djeshme. Tre vrasje është bilanci i ditës së sotme.

Jo nuk është Siria, as Afganistani, është Shqipëria e Sali Berisha dhe Flamur Nokës.

Një vajzë 18- vjeçare, e quajtur Gjyste Paplekaj është qëlluar për vdekje me armë zjarri në Lekbibaj të Tropojës.

Ajo është qëlluar për vdekje nga Fran Paplekaj. Mësohet se autori i krimit e ka qëlluar 18- vjeçaren me armën e shërbimit, pasi ishte polic.

Pas krimit, polici rrugor është vetëdorëzuar në polici.

Mësohet se ngjarja ka ndodhur për motive pronësie.

Një grup deputetësh të Partisë Demokratike kanë depozituar në Kuvend një kërkesë për ngritjen e komisionit hetimor per hetimin e fakteve, rrethanave dhe pergjegjesive te asaj qe e quajne incident ne Akademine Diplomatike të Vjenës mes kryetarit të Partisë Socialiste Edi Rama dhe diplomatit shqiptar, Egin Ceka. 

Prokurori i Përgjithshëm i Shqipërisë Adriatik Llalla ndodhet këto ditë në Shtetet e Bashkuara për një vizitë pune, gjatë së cilës është takuar me zyrtarë të lartë të amerikanë të rendit e të ligjit. Llallaka qene i ftuar për një bisedë në studion e Zerit te Amerikes.

Intervista e plotë

Vritet në atentat ish-boksieri, Adrian Levanti. Ngjarja e rëndë ka ndodhur në zonën e “Unazës së Re”, në kryeqytet, pak pas mesnatës, duke u gdhirë dita e premt.

Gjatë vizitës së tij në Vjenë, kryetari i Partisë Socialiste, Edi Rama, ka zhvilluar takim me Ministrin e Punës, Çështjeve Sociale dhe Mbrojtjes së Konsumatori Rudolf Hundsdorfer. Në këtë takim kryetari Rama e njohu Hundsdorfer me programin e Partisë Socialiste për një Rilindje Shqiptare, me një nga angazhimet themelorë të këtij programi për hapjen e 300 mijë vendeve të reja të punës, për ringritjen e sistemit të arsimit profesional.

Po ashtu një takim Kryetari Rama ka zhvilluar me Andreas Schieder, Sekretar i Shtetit në Ministrinë Federale të Financave.

Presidentja e Kosovës, Atifete Jahjaga i ka dy data para vetes për zgjedhjet lokale, 22 dhe 29 shtatorin. Vendimin për këtë, ajo pritet ta marrë në gjysmën e muajit maj. Partitë politike tashmë janë pajtuar që zgjedhjet të mbahen në vjeshtën e hershme të këtij viti.

Vetëm edhe pesë muaj u kanë mbetur kryetarëve aktualë të komunave të përfundojnë mandatin e tyre katërvjeçar, të fituar në zgjedhjet lokale, të vjeshtës së vitit 2009.