Arkiv-Lajme të përditësuara

Policia vazhdon hetimet për identifikimin e autorit të vrasjes së pronarit të argjendarisë, të ndodhur dje pasdite në në rrugën "Ferid Xhajko".
Burime nga policia e Tiranës, të cilave u referohet NEWS24 deklaron se deri tani janë të shoqëruar rreth 40 persona. Burimet sqarojnë se të shoqëruarit nuk kane lidhje direkte me ngjarjen, prova apo dëshmi, por i përkasin kryesisht një kontigjenti kriminal në vjedhje apo grabitje të ndryshme. Një pjese e të shoqëruarve vazhdojnë të jenë ende në polici.

Trupat e KFOR-it janë ende duke qëndruar jo larg barrikadës në fshatin Rudare, rrugë kjo që të çon në vendkalimin e pikës kufitare në Jarinje. Ushtarët e NATO-s u nisën mbrëmë pas mesnate për një aksion të ri për heqjen e barrikadave, por hasën në rezistencën e rreth 500 serbëve, të cilët u mblodhën shpejt te barrikada dhe nuk largoheshin nga aty. KFOR-i, duke e parë këtë situatë, pas disa orës pritjeje ka bërë tërheqje nga vendi ku gjendet barrikada.

KORCË- Partia Drejtësi, Integrim dhe Unitet, Klubi i Patriotëve të Rinj dhe shoqata “Çamëria” zhvilluan një tubim masiv në qytetin e Korçës me pjesëmarrjen e më shumë se 800 korçarëve, duke mbyllur kështu turin “Ji krenar që je shqiptar”.

Në Kosovë mungon ende liria e shprehjes. Më të rrezikuarit janë gazetarët që zhvillojnë tema hulumtuese. Asociacioni i Gazetarëve Profesionistë të Kosovës ka evidentuar dhjetëra raste, në të cilat gazetarët janë penguar në punën e tyre, janë kërcënuar, e madje edhe rrahur.
Mungesën e lirisë së shprehjes në Kosovë e ka theksuar edhe Raporti i fundit i Progresit, i publikuar nga Komisioni Evropian.
Publicisti Halil Matoshi tha se përpjekjet e gazetarëve për tema hulumtuese mbesin në gjysmë të rrugës për shumë shkaqe.

Një argjendari është tentuar të grabitet pasditen e sotme mes rrugës “Siri Kodra” e “Ferid Xhajko”. Nga të dhënat e para mësohet se ngjarja është shënuar rreth orës 17:35 minuta.
Gazetari i NEWS24, Spartak Koka, nga vendngjarja, raporton se ka pasur të shtëna armësh brenda në argjendari, si dhe për një person të vrarë.
Ekspertë të kriminalistikës ndodhen brenda në argjendari dhe po kryejnë veprimet hetimore, si dhe po punohet për të identifikuar dëshmitarët e ngjarjes. 

Zgjerohen përmasat e skandalit mbi takimin e Valter Lavitola-s me shefat e diplomacisë shqiptare dhe asaj italiane Ilir Meta dhe Franco Frattini, në selinë e Ministrisë së Jashtme në Romë, në kuadrin e një vizitë zyrtare me 21 tetor të vitit 2009.

Menjëherë pas interpelancës së të enjtes në parlament me ministrin Genc Pollo, nismëtari i interpelancës, deputeti i opozitës Taulant Balla ka marrë një kërcënim përmes telefonit.
Nje person e ka telefonuar deputetin Balla duke i deklaruar se atij do t'ia mbyllin gojen dhe presin gjuhen.
Burime nga Prokuroria e Përgjithshme kanë pohuar se deputeti Balla mesditen e së premtes ka dorëzuar një kallëzim prane ketij organi i regjistruar si kanosje per shkak te detyres.

Partitë politike në Kosovë nuk i kanë shuar shërbimet e tyre informative, por përkundrazi, këto shërbime vazhdojnë të jenë aktive edhe në ditët e sotme dhe, si të tilla, ato funksionojnë si një trup i përbashkët me subjektet politike. Së paku kështu vlerëson Raporti i progresit, i publikuar ditë më parë nga Komisioni Evropian.

“Për më tepër, partitë kryesore politike në Kosovë vazhdojnë të operojnë me rrjetet e tyre të sigurisë”, thuhet shkurt në faqen e dhjetë të këtij dokumenti të BE-së.

Ish-diktatori i Libisë, koloneli Muammar Gaddafi, u vra në një shkëmbim zjarri pasi u zu rob në qytetin e fundit që kontrollonte, Sirte.
Kryeministri në detyrë i vendit, Mahmoud Jibril, deklaroi se koloneli u godit në kokë ndërsa trupat e tij dhe ato qeveritare qëllonin njëra tjetrën, pak pasi ishte dorëzuar.

Zubin Potok, 21 tetor – Policia e Kosovës bën të ditur se nata në veriun e Kosovës ka kaluar përgjithësisht e qetë, pas operacionit të djeshëm të KFOR-it për largimin e barrikadave rrugore.
Zëdhënësi i Policisë për rajonin e Mitrovicës, Besim Hoti, tha se trupat e KFOR-it kanë larguar përfundimisht barrikadën mbi urën e fshatit Zupç.