Arkiv-Lajme të përditësuara

Shtëpia e fëmijës në Sarandë strehon dhe edukon 45 fëmijë të braktisur nga prindërit, të cilët kanë mbërritur në këtë institucion së bashku me pasojat e historive të tyre të dhimbshme. Por problemet në këtë qendër janë të shumta për shkak të mungesës së fondeve të cilat janë të mjaftueshme vetëm për ushqimin ditor. Infrastruktura e ndërtesës ka nevoja të mëdha për ndërhyrje. 

Liqeni i Ohrit së shpejti do të vihet nën mbrojtjen e UNESCO-s. Për këtë arsye që në fillim të muajit prill, në Pogradec do të qëndrojë një delegacion-komision i UNESCO-së, që do të trajnojë ekspertët ambientalist, në drejtim të përgatitjes së dokumentacionit me kriteret për aplikimin e pjesës së Liqenit të Ohrit, që i takon Shqipërisë, për tu bërë pjesë e projektit të UNESCO-së. 

Materniteti i Gjirokastrës nuk kryen funksionin për të cilin është ngritur. Ndërtesa e tij ngjason me një godinë të braktisur e që është e destinuar të shkatërrohet. Dyert në shumë dhoma nuk ekzistojnë, ndërsa dritaret janë pa xhama. Tualetet e këtij institucioni shëndetësor të rëndësisë së parë janë tërësisht jashtë funksionit dhe nuk furnizohen me ujë. 

Ndërkohë që drejtori i tij duke konfirmuar kushtet e vështira në të cilat punohet është i pafuqishëm për ta ndryshuar godinën që kërkon një rikonstruksion total. 

Shtëpia e fëmijës në Sarandë strehon dhe edukon 45 fëmijë të braktisur nga prindërit, të cilët kanë mbërritur në këtë institucion së bashku me pasojat e historive të tyre të dhimbshme. Por problemet në këtë qendër janë të shumta për shkak të mungesës së fondeve të cilat janë të mjaftueshme vetëm për ushqimin ditor. Infrastruktura e ndërtesës ka nevoja të mëdha për ndërhyrje. 

Presidenti i Shteteve të Bashkuara të Amerikës, Barack Obama, vizitoi mëngjesin e së dielës zonën e çmilitarizuar midis Koreve, në atë që u konsiderua një shenjë e qartë ndaj veriut, përballë planeve të Penianit për lëshimin e një rakete. 

Obama, i cili ka mbërritur në Seul në kuadrin e një samiti për sigurinë, vëzhgoi kufirin e Koresë së Veriut nga një pikë vëzhgimi vetëm disa kilometra larg vijës ndarëse.

Shefi i qeverisë italiane Mario Monti vlerëson se situata në vend nuk është edhe aq e mirë. Gjatë një tryeze të rrumbullakët të organizuar nga sindikata e tregtisë, Confcommercio, Monti tha se Italia nuk është në një situatë ''brilante'', pavarësisht masave shtrënguese të marra tashmë dhe pritjeve që mbeten modeste. 

Në këshillin bashkiak të kryeqytetit maqedonas, Shkup, u miratua dje vendimi për ndryshimin e emrave të rrugëve dhe shesheve të kryeqytetit. 
Ndërmjet tyre, 45 do të jenë emra të heronjve shqiptarë apo të ngjarjeve të ndryshme historike që lidhen me shqiptarët. 

Bëhet fjalë për propozime që janë dhënë nga këshilltarët e partisë shqiptare Bashkimi Demokratik për Integrim. 

Miratimi i këtyre vendimeve ka qenë shkas që këshilltarët e partisë maqedonase LSDM ta braktisin mbledhjen. 

Ballkanweb.com

Bizneset e vogla ankohen se po i paguajnë Bashkisë së Tiranës taksa gati dyfish më të larta, krahasuar me vitin 2011. 

Shqetësimi i tyre është denoncuar në emisionin investigativ "Fiks Fare", ku tregojnë se inspektorët e Bashkisë u kanë bërë vlerësim të xhiros, shume më të lartë nga ajo që ata kanë realisht.

Në kushtet e krizës së rëndë ekonomike, ku papunësia po arrin nivele rekord,  grekët i janë rikthyer fermave dhe punimit të tokës.