Arkiv-Lajme të përditësuara

Censura ndaj mediave është zhdukur zyrtarisht në Birmani nga dita e hënë. 

Lajmin e bën të ditur Ministria e Informacionit pasi ka eliminuar kufizimet e fundit ndaj publikimeve të karakterit politik dhe fetar.

Shteti birmanez ka kontrolluar rreptësisht mediat vitet e fundit, por qeveria e re nisi të hiqte kufizimet ndaj tyre që kur mori pushtetin vitin e kaluar.

“Censura ka nisur në 6 gusht të vitit 1964 dhe tashmë, pas 48 vitesh e dy javësh, ka përfunduar zyrtarisht”, theksoi Tint Swe, shefi i Departamentit të Regjistrimit të Shtypit, për AFP-në.

Fitër Bajrami, ndër ditët më të rëndësishme të kalendarit islamik, është përcjellë me luftime të reja në Siri, vatrën më të nxehtë të konfliktit aktualisht në botë, ndërsa festimet janë reduktuar për shkak të mungesave në ushqime apo energji elektrike. Observatori Sirian për të Drejtat e Njeriut njoftoi se Ushtria vazhdoi bombardimin e lagjeve të tëra në Aleppo. 

Shqiptarët rrisin kursimet e tyre të mbyllura në banka. Frika e të ardhmes për shkak të krizës ekonomike i ka nxitur të depozitojnë paratë në banka, për të kursyer dhe të ulin shpenzimet. Individët janë ata që depozitojnë paratë me një afat maturimi të gjatë, nga një deri në dy vjet, me qëllim që të përfitojnë sa më shumë nga interesat. Ndërsa bizneset i përdorin depozitat më së shumti për shlyerjen e kredive. 

Emigrantët e ardhur gjatë këtij sezoni për pushime në vend, duket se kanë shpenzuar më pak para se një vit më parë. Të ardhur kryesisht nga Greqia dhe Italia, emigrantët kanë sjellë më pak euro në atdhe, pasi prurjet e tyre nuk kanë arritur të sjellin një dobësim të fortë të kësaj monedhe në tregun e këmbimit valutor. 

Ministri gjerman i Financave Wolfgang Schauble ka përjashtuar çdo mundësi për një paketë të re ndihme për Greqinë. 

Duke folur në një takim të hapur të qeverisë gjermane në Berlin, zoti Schäuble tha se "se nuk ka asnjë arsye që të hedhin para në një pus pafund”. 

 Nata e katërt "ndez" qytetin e Korçës. Mbi 50 mijë vetë mbushën mbrëmë sheshin e qytetit juglindor, duke krijuar një atmosferë festive. Festa e së shtunës nisi më herët se zakonisht. Edhe pse Festa e Birrës shënonte startin e saj rreth orës 20:00, mijëra pjesëmarrës populluan "Parkun Rinia" më herët, duke u bërë pjesë e tendave të "Birra Korça". 

Emigrantët që kthehen në atdhe janë më pak të interesuar për të blerë apratamente të reja, krahasuar me viite më parë. Këtë e pohon në intervistë për AS Ilir Hebovija, nëndrejtori i Shoqatës së Ndërtuesve, i cili shpjegon se kjo situatë është ndikuar nga kriza ekonomike.

Një mesazh të ri tepër të qartë i dërgon Athinës disa orë para vizitës së tij në kryeqytetin grek, kreu i Eurogrup, Jean-Claude Juncker. 

Kreu i Eurogrupit thekson se Greqia nuk do të largohet nga zona euro dhe thotë se “ndoshta duhet t'i jepet më shumë kohë për të zbatuar programin e saj shtrëngues”. 

"Një dalje e Greqisë nga euro është teknikisht e mundur, por rreziku politik i një zhvillimi të tillë është i pallogaritshëm", tha Junker. Duke folur për gazetën Tiroler Tageszeitung ai shpreh besimin se vendi do të mbetet në euro. 

Huatë e këqija të bankave spanjolle janë rritur ndjeshëm duke shënuar në muajin qershor një nivel rekord. Banka e Spanjës deklaroi se aktualisht janë 200 miliardë dollarë hua që rrezikojnë të mos paguhen. 

Shifra është më shumë se 9 për qind e portofolit të përgjithshëm të huave, thote 'Zeri i Amerikes', më e larta që kur banka filloi të mbante të dhënat 50 vjet më pare. Shumë nga huatë e papaguara janë nga ndërtuesit dhe interesat e tjera të huave të pasurive të patundshme.