Shqiperia

Robert Elsie sjell në faqen e tij “albanianhistory.net” një koleksion fotosh të realizuara mes viteve 1904-1913 në Shqipëri dhe në Mal të Zi, nga Edith Durham. Udhëtarja britanike është e njohur për shkrimet e veta për Ballkanin dhe shqiptarët, por ajo ka realizuar edhe një seri fotosh që administrohen nga Instituti Mbretëror Antropologjik, Muzeu Britanik i Londrës dhe Muzeu “Pitt Rivers” në Oksford. Duram i realizoi fotot me një aparat “Kodak Brownie” dhe ato paraqesin interes më tepër për të apasionuarit e fotografisë.

Ende nuk e njohim letërsinë e burgut dhe, më gjerë, letërsinë e shkruar nga shkrimtarët e burgosur për shkaqe “politike”. E fus në thonjëza fjalën politike, sepse diktatura edhe po të mos e kishe të shpallur ndërgjegjen tënde të kundërshtimit, do ta sajonte sa më lehtë, e mundësisht, sa më trashë një pretekst arresti e dënimi. Them nuk e njohim ende të plotë këtë letërsi të burgut, të cilën shkrimtari Visar Zhiti (edhe ky një ish i burgosur i famshëm) e ka pagëzuar me nocionin ndoshta më të saktë: burgologji.

Ambasada ruse në Tiranë ka shpërndaë sot një njoftim për shtyp përmes të cilit sjell në kujtesë atë që e cilëson Tragjedia e Odesës. “Sot, më 2 maj, mbushen dy vite nga një prej ngjarjeve më tragjike të konfliktit ukrainas. Siç dihet, në këtë ditë në vitin 2014 neonazistët, përfshirë këtu edhe simpatizantët e grupit radikal “Sektori i Djathtë”, i vunë zjarrin Shtëpisë së Sindikatave në Odesë të Ukrainës, ku ishin bllokuar dhjetëra njerëz të paarmatosur.

Hashim Thaçi u zgjodh President i Kosovës dhe ky është tashmë një fakt i prodhuar nga institucionet e vendit. Ndonëse ceremonia në qendër të Prishtinës i ngjante një dasme të fortësh që pretendojnë se edhe kur marrin frymë ky është interes publik, sërish Thaçi është në mënyrë legjitime numri një i shtetit të ri në Ballkan. Po sa pranohet ky fakt nga pjesa tjetër? Shumë vështirë, madje aq sa sfidon rregullat normale protokollare.

Shqipëria është vendi që ofron barrën më të lartë fiskale për investitorët dhe ka incentivat fiskale më të ulta në raport me Maqedoninë, Serbinë, Malin e Zi, Kosova dhe Bosnja. Matrica është përgatitur në mbledhjes së 5 të Këshillit të Investimeve, që u zhvillua dy ditë më parë dhe këtë herë kishte në focus investimet e huaja.

Nga matrica rezulton se, në renditjen rajonale Shqipëria ka barrën më të lartë fiskale për tatimin fitimin 15 %, gati 50%  më të larte se norma rajonale për këtë tatim që nuk është më shumë se 10 %. Edhe Serbia e ka tatim fitimin 15%.

Presidenti i Republikës, Bujar Nishani ka zhvilluar sot një takim me sekretarin e Përgjithshëm të NATO-s, Jens Stoltenberg. Në njoftimin për shtyp që Aleanca ka shpërndarë thuhet se roli i Shqipërisë në misionet e NATO-s në Afganistan, Kosovë dhe si mbështetëse në Ukrainë, janë shumë të rëndësishme. Po kështu, Stoltenberg ka vlerësuar angazhimin e Shqipërisë në Irak, me pajisje dhe me trajnues të forcave speciale, ndërkohë që në planin politik, qëndrimi i vendit tonë në kuadër të Kartës së Adriatikut po ndihmon përfshirjen e Malit të Zi në aleancë.

Dobësia e Shqipërisë është proverbiale dhe nga kjo nuk e shpëton dot asnjë përpjekje për rregullim imazhi. “Politico” ka publikuar një hartë të forcës së vendeve të ndryshme, liderëve politikë, ambasadorëve të tyre në BE, duke marrë si kriter disa pika: stabiliteti i qeverisë, pasja e një strategjie, suksesi në një drejtim. Në këtë hartë Shqipëria renditet e fundit krahas Malit të Zi, bashkë me Kryeministrin Edi Rama dhe ambasadoren Suela Janina. Për ambasadorët janë dy kritere që vlejnë shumë: çfarë përvoje sjell dhe a janë përzgjedhje profesionale, apo besnikë politikë?

Ndërsa në Shqipëri hapja e negociatave të anëtarësimit me  BE projektohet si një sukses dhe objektiv që varet vetëm nga një reformë, në Britani diskutohet bllokimi i anëtarësimit të disa vendeve që konsiderohen të rrezikshme, mes të cilave edhe Shqipëria.  Ministrja e  Brendshme e Britanisë, Theresa May u pyet nëse Britania duhet të lejojë vende si Shqipëria, Maqedonia, Mali i Zi, Serbia dhe Turqia të bëhen anëtare me të drejta të plota të Bashkimit Evropian.

Deklaratë e ministrit britanik të Drejtësisë, Michael Gove se Britania e Madhe mund të marrë modelin e Shqipërisë për sa i përket tregtisë nëse del nga BE ka nxitur reagimin e kryeministrit Rama. Në një prononcim për mediat britanike, Rama nuk mendon se Shqipëria është një model që duhet ndjekur nga Britania.

Në Londër qarkullojnë këto automjete që reklamojnë nevojën e qëndrimit të Britanisë në BE, që vendi të mos bëhet si Shqipëria!...