rama

I ka humbur pasqyra!

Postuar në 13 Maj, 2018 18:31

Personazhi më i ekspozuar në çështjen Tahiri është padiskutim kryeministri i vendit. Kjo për shkak të reagimeve disproporcionale për ish-ministrin e tij,  të cilin njëherë e quajti kampioni ynë, njëherë dru i shtrembër, njëherë viktimë të prokurorisë politike dhe së fundmi provë për drejtësi jopolitike. Flagrant është qëndrimi i tij për Prokurorinë, i pari në tetor të vitit të kaluar kur grupi hetimor me në krye Besim Hajdarmatajn kërkoi arrestimin e Tahirit dhe i dyti një ditë më parë kur Gjykata e Krimeve të Rënda vendosi masën e arrestit të shtëpisë për ish-ministrin e Brendshëm.

Teatër për botën, Tahiri në arrest shtëpie

Postuar në 12 Maj, 2018 19:54

Ashtu siç pritej, Prokuroria e Krimeve të Rënda ka "avancuar" me çështjen e Sajmir Tahirit duke i çuar kërkesë Gjykatës për burg pa afat, por kjo e fundit vendosi ta lërë në arrest shtëpie. Një vendim që ndjek logjikën e zhvillimeve politike dhe shkarkimeve të kryera së fundmi në Prokurorinë e Krimeve të Rënda. Pra ashtu siç kërkojnë partnerët dhe në veçanti Gjermania, Tahiri të gjykohet pa ndikimin e politikës.

Një shembull nga Italia për të ilustruar puthjen e majit Rama-Basha

Postuar në 11 Maj, 2018 14:53

Ky grafit i përdorur në rrugët e Italisë pëcjelle klimën politike në Italinë fqinje. Bloomberg shkruan se me marrëveshjen mes lëvizjes Pesë Yje dhe Legës së Matteo Salvinit, vendi ra në duart e populizmit. 
Sipas medias në fjalë, pas Brexit dhe Trump, ky është rasti i tretë në Perëndim që populizmi dhe forcat antiestablishment marrin kontrollin. 

Grafiti në fjalë është një ide shumë interesante për të përcjellë edhe në Shqipëri puthjen Rama – Basha në maj të vitit të kaluar. Ndoshta i vetmi ndryshim është se këta të dy nuk i bashkon populizmi.  

Kush po kërkon largimin e Xhafës për herë të dytë?

Postuar në 11 Maj, 2018 00:11

Fatmir Xhafaj po përballet me një stuhi politike që mund të çojë në shkarkimin e tij të dytë nga detyra si ministër i Brendshëm. Kujtojmë që largimi i parë erdhi si rezultat i paktit Rama-Basha për qeveri teknike në 2017, me një shkarkim të firmosur teksa ai ndodhej në Itali me ftesë të ministrit Marco Mitti.

Ikja e Xhafës ndodhi vetëm dy muaj pas emërimit të tij në detyrë dhe çuditërisht pa sforcon që Edi Rama tregoi në largimin e stërzgjatur të Sajmir Tahirit, i cili u motivua me nevojat partiake të socialistëve në fushatën elektorale.

Gjelbërimi i Tiranës/A e (keq)përdori kryebashkiaku Veliaj kryeministrin Rama?

Postuar në 03 Maj, 2018 21:25

Dje kryeministri Edi Rama nisi atë që e quan procesi i llogaridhënies publike. Siparin e hapin një takim në Tiranë në prani të kryetarit të Bashkisë Erjon Veliaj për të cilin Rama tha se:

Rikthimi i Tepsisë

Postuar në 02 Maj, 2018 13:37

Kaluan vetëm pak ditë nga shuplaka gjermane dhe franceze për hapjen e nevociatave me BE-në dhe qeveria e Edi Ramës u detyrua të shpikë një fushatë dëgjesash me popullin të cilin do ta pyesë se çfarë nuk shkon. Kjo është hera e disatë që dialogu me njerëzit, kuptohet me kaseta të përgatitura për televizionet, zhvillohet nga kjo qeveri. Kryeministri Edi Rama e shpjegoi kështu nismën në takimin e sotshëm që ai e quan “me qytetarë” në Tiranë: 

Ndryshime në qeveri dhe spastrime partiake në shtator

Postuar në 28 Prill, 2018 12:27

Ministrat nuk do t’i kalojnë të qeta pushimet e kësaj vere. Kryeministri Rama paralajmëroi rikompozim të kabinetit në shtator, pas një vlerësimi që do bëhet për punën e tyre. Paralajmërin kreu i qeverisë e bëri nga punimet e asamblesë socialiste.

“Ndryshime në qeveri në shtator nëse duhet bërë, do të shohim cilët ministra, ministre, cilët nuk janë në lartësinë e kësaj nevoje, jo thjesht të tregojnë shifra e statistika, por të kenë vendin e tyre në mendjen dhe zemrat e atyre që na kanë dhënë besim”- deklaroi Rama.

Sajmir Tahiri apo Europa?

Postuar në 26 Prill, 2018 14:13

Negociatat me BE-në e kanë vënë qeverinë shqiptare në pozitat e një pafuqie, apo mungese dëshire për të informuar saktë dhe drejt opinionin për atë që po ndodh. Sigurisht rekomandimi i Komisionit është një hap pozitiv dhe vlerësues, por mendimi dhe qëndrimi i vendeve si Gjermania është kryesor dhe përcaktues. 

Buzëqeshje protokollare dhe parakushte për negociatat

Postuar në 25 Prill, 2018 18:30

Buzëqeshja e kryeministrit Rama në fotografinë protokollare me kancelaren Merkel nuk pasqyron frymën e takimit që  u zhvillua në Berlin. Skepticizmi i Gjermanisë i shprehur edhe në deklaratat e kryetarit të Komitetit për Çështjet e Brendshme në Bundestag, Gynter Krishbaum rezultoi i qënësishmëm. Nga burime mësohet se kancelarja Merkel ka folur për parakushte para se Gjermania të japë votën pro hapjes së negociatave.

Kë zhgënjeu Basha?

Postuar në 22 Prill, 2018 00:06

Zhvillimet e ditëve të fundit dhe në veçanti ato që lidhen me opozitën janë komentuar si një tjetër disfatë politike e Lulzim Bashës. Kjo me argumentin se autokratizmi i treguar nga Basha në drejtimin e PD-së po favorizon Edi Ramën dhe po i zgjat pushtetin këtij të fundit, pavarësisht momentin të disfavorshëm të kryeministrit.

Pages

Subscribe to RSS - rama