ps

Pandeli Majko është i dyti që artikulon problemet me LSI-në. Ish-kryeministri në fakt konfirmoi atë që flitet korridoreve se Edi Rama dhe Ilir Meta i kanë prishur marrdhëniet dhe seicili po qeveris për hesap të vet. Mazhoranca nuk e fsheh dot më këtë fakt, çka e detyron të pranojë publikisht retë e zeza që janë ngritur me Aleancën për Shqipërinë Europian.

Koço Kokëdhima është përpjekur të sqarojë sot përmes gazetës së tij “Shekulli” “të vërtetën” e marrëdhënieve me Edi Ramën. Meqenëse marrëdhënia e tij me kryeministrin aktual ka qenë përherë influencuese në vendimmarrjen politike, leximi i prishjes së saj ka njëfarë interesi. Kokëdhima përpiqet të hedhë poshtë në editorialin e porositur se ka patur përfitime nga Bashkia e Tiranës për shkak të qenies së Edi Ramës në krye të saj. Kjo sepse asokohe Kokëdhima ishte ndër biznesemenët më të mëdhenj dhe nuk kishte nevojë për një gjë të tillë.

Në një vend normal, piruetat e Ilir Metës kundër qeverisë do kishin sjellë një prishje të koalicionit dhe ndarje përfundimtare të PS me LSI-në. Publikisht Ilir Meta rriti tonet ndaj partnerit në koalicion, duke përcjellë mesazhe në distancë për bashkëkryetarin e Aleancës, me të cilin komunikimi duket se është në ditë të vështira.

Dje eurokomisioneri Johannes Hahn shpërndau një propozim që u pranua nga të gjithë protagonistët politikë: Operacioni Ndërkombëtar i Monitorimit me rol rekomandues, i inkuadruar në Kushtetutë dhe rekomandimet e tij pa detyrim ligjor. Palët shpallën: u arrit konsensusi.

Nga mbrëmja nisën edhe numrat. PS-ja bojkotoi komisionin, shpërndau lajme të rreme se PD-ja ka kërkuar gjëra të reja, të cilat nga sa u mor vesh ishin lojë interepretimi për vetingun, i cili nuk ka sesi të ketë dy standarde.

Sot ministri i Jashtëm, Ditmir Bushati, ka reaguar rreth incidentit në Presidencë, ku u përfolën lloj-lloj skenarësh. Mirëpo në vend se ministri të shprehet si ministër i Jashtëm, ai shfaqet më i akomoduar me gjuhën e një ish-opozitari të kurdisur nga zyra e Edi Ramës.

Përpjekjet e shumicës dhe komunitetit ndërkombëtar për një reformë në drejtësi, po prodhojnë një koalicion të ri në Shqipëri. Reforma në drejtësi ka ndarë në dy kampe politikën shqiptare. Pas deklaratës së sotme zyrtare të LSI, ajo ka një qëndrim të ndryshëm nga Partia Socialiste në pushtet dhe diplomatët perëndimorë rreth reformës, duke ju bashkuar qëndrimit të Partisë Demokratike.

Kryeministri Edi Rama ka mbajtur sot një fjalë me rastin e festimeve të 25 vjetorit të themelimit. Në vazhdën e sensit autokritik, sa herë që dallga e aktiviteteve e nxjerr në bregun e bazës, kryetari i PS-së ka dhënë shfaqjen e realistit kur ka pranuar gabimet dhe punët e mira. Por më tepër rëndësi ka deklarata e tij se ka mësuar shumë. “Kam mësuar shumë në 10 vite në drejtimin e Partisë Socialiste. Në drejtimin e PS-së njoha më shumë Shqipërinë. Kam mësuar shumë për vendin, për veten për pushtetin dhe në dyshimin.

Partia Socialiste ka vendosur sot nuk dihet për ç’arsye të festojë 25 vjetorin e krijimit të saj më 12 qershor 1991. Është një festë që e gjen këtë parti larg atij skeleti dhe mendjeje të viteve të para, apo edhe të periudhës së parë qeverisëse. Nuk lidhet me një apo dy emra, por me një frymë që u gjeti përfaqësim disa vlerave, degradimi dhe braktisja e së cilave nisi gjithsesi qysh atëherë.

Partinë Socialiste mund ta quajmë të majtë liberale për aq kohë sa është e hapur për të thyer tabutë e saj ideologjike që lidhen edhe me moralin shoqëror. Reforma në drejtësi është për socialistët një lloja standardizimi europian i të drejtave të njeriut që lidhen edhe me diskriminimin seksual. “Stop gjuhës së urrejtjes dhe homofobisë! Ka shumë urrejtje dhe armiqësi mes nesh, mos shtoni më ndjenjën e armiqësisë mes njerëzve. Prej disa kohësh po ndjek debatin e hapur lidhur me Reformën në Drejtësi dhe ndryshimet kushtetuese.

Deputetët kundërshtarë të Edi Ramës në Partinë Socialiste, Mimoza Hafizi dhe Ben Blushi do të ecin drejt krijimit të një partie të re. Në një intervistë për Tema Tv, Hafizi tha se për krijimin e partisë së re janë kontaktuar edhe njerëz që kanë kontribute në PS, por që i janë larguar programit dhe ekipit aktual të drejtuar nga Edi Rama. Mes emrav të kontaktuar ajo ka përmendur Et'hem Rukën, Rexhep Meidanin, Ilir Zelën.