kompania

Ministri i energjisë dhe industrisë Damian Gjiknuri ka urdhëruar kompaninë shetëtorore të prodhimit të naftës Albpetrol që të marrë në dorëzim puset e naftës në Zona naftëmbajtëse e Amonicës në Vlorë, duke i hequr të drejtën e kërkimit kompanisë me kapital shqiptar Phoenix Petrolium.

Mustafa Nano është fokusuar sot në emisionin "Zululand" tek investimi i shumëdiskutuar mbi portin e Karpenit. Nano ka bërë një rezume të historisë së këtij projekti, të cilën gjatë gjithë emisionit e ka parë me dyshim duke ngritur pikëpyetje.

Në mbledhjen e fundit të qeverisë, ditën e mërkurë më 7 dhjetor qeveria vendosi për “Miratimin e bonusit në procedurën përzgjedhëse konkurruese, që i jepet shoqërisë “Integrated Energy B.V.”për dhënien me koncesion për ndërtim landfilli e inceneratori dhe rehabilitim të venddepozitimeve ekzistuese, Tiranë”.

Në 14 maj të këtij viti qeveria  njoftoi zyrtarisht kompaninë kanadeze Zenith Energy Ltd si fituese e koncesionit për kërkimit të naftës dhe gazit në “Bllokun C” që përfshin fushën e pasur të gazit në Divjakë-Ballaj, me rreth 2.2 miliardë metra kub gaz (Burimi: Albpetrol sha). Një tjetër konçesion si “Blloku 4”, iu dha degës në Shqipëri të kompanisë “Shell”, që është tërësisht në pronësi të familjes mbretërore të Holandës, e cila gjithashtu, së fundmi ka marrë një tjetër vendburim të naftës shqiptare bashkë me kompaninë e vogël kanadeze “Petromanas Energy Inc.”.

Në mbledhjen e fundit të qeverisë është miratuar kontrata mes Agjencisë së Burimeve Natyrore dhe kompanisë “Albanides Energy” për kërkimin, zhvillimin dhe prodhimin e hidrokarbureve në tokë në “Bllokun numër 8”, që përfshin verilindjen e vendit. Sipas ekstraktit historik në Qendrën Kombëtare të Biznesit, “Albanides Energy” është regjistruar në Shqipëri në vitin 2010 dhe aktualisht ka përfaqësues ligjor zonjën Arta Danaj.

Janë 7 subjektet që kanë shprehur interes për blerjen e INSIG-ut, i cili doli para pak kohësh në shitje nga qevria. “Mësohet se dy prej tyre janë shoqëri sigurimi, ndërsa dhe një ndër grupet më të mëdha në vend, Balfin po e shqyrton mundësinë e hyrjes në tregun e sigurimeve. Samir Mane, Ceo i “Balfin” ka pranuar se ka tërhequr dokumentet dhe po i studion. Edhe burime nga grupi “Kastrati”, më i madhi në vend pohuan sekanë tërhequr dokumentet përmes “Albsig”.  Dokumentet i ka tërhequr dhe “Sigal Uniqa”, operatori më i madh aktual në tregun e sigurimeve.

Negociatat mes kompanisë kanadeze “Bankers Petroleum”, e cila operon në Marinëz, dhe qeverisë shqiptare, kanë gjetur një përfundim pozitiv. Kompania është tërhequr nga arbitrazhi dhe ka pranuar caktimin e një eksperti ndërkombëtar për raportin e auditit për vitin 2011. “Bankers Petroleum është dakordësuar që të pezullojë procesin e arbitrazhit në të cilin kishte paditur shtetin shqiptar.

Partia Demokratike ka denoncuar sot përmes përfaqësueses së vet, Grida Duma, praktikat prokuruese të Ministrisë së Shëndetësisë, të cilat sipas Dumës kanë çuar para drejt një kompanie të vetme. “Nuk janë letra, as dokumenta tenderi, janë në të vërtetë sëmundja e shëndetësisë tonë. Këta janë milionat që Ilir Beqja i ka dhënë Vilma Nushit për blerje ilaçesh. Këto janë paratë që pasurojnë shoqen e partisë socialiste. Prej dy vitesh Ilir Beqja shpall fituese kompaninë TRIMED. Nëse shfletoni këto faqe tenderash, ju do shihni këtë emër. TRIMED, TRIMED fituese.

Ndërkohë që qeveria shqiptare po përpqiet t’u mbushë mendjen shqiptarëve se me marrëveshjen e mirëkuptimit me CEZ, shpëtoi mëmëdheun nga Vaterloja financire, një tjetër kompani po deklaron se përfiton para nga shteti shqiptar. Agjencia “Seenews” raporton se kompania kroate “Dalekovod” do të marrë 6.8 milionë euro nga Operatori i Sistemit të Transmetimit si pasojë e mbylljes së një përballjeje për ndërtimin e linjës 400kv mes Tiranës dhe Podgoricës.

Partia Demokratike ka publikuar sot dokumentet që provojnë se kompania Intech+, e poseduar dikur zyrtarisht nga ministri aktual i Shëndetësisë, Ilir Beqja, ka përfituar 28 tendera. Një hollësi që shton dyshimin se kalimi i aksioneve në vitin 2013 ka qenë thjesht formal, nuk është vetëm fitimi i tenderave, por edhe rritja e fitimit.