greqia

Duket se Greqia ka vendosur të mos vijojë më negociatat miqësore me Shqipërinë në stilin e ministrit të Jashtëm, Nikos Kotzias. Intervista e ambasadores së re Eleni Sourani(http://www.respublica.al/2016/09/20/ambasadorja-greke-n%C3%AB-tiran%C3%AB-kufiri-detar-%C3%A7%C3%ABshtje-e-zgjidhur-q%C3%AB-n%C3%AB-vitin-2009-%C3%A7am%C3%ABt-e), ishin një sinjal i qartë në këtë drejtim.

Tre prej ushtarakëve turq që u arratisën në Greqi pas tentativës për grusht shteti, në muajin korrik, kanë marrë përgjigje negative në kërkesën e tyre për të marrë azil. Por autoritetet greke deklarojnë se refuzimi nuk do të thotë se ata do të deportohen në Turqi. Ata kanë të drejtë të apelojnë ndaj vendimit të autoriteteve, një procedurë që në Greqi zgjat me muaj.

Tri pikat e debatuara mes Tiranës zyrtare dhe Athinës, ligji i luftës, problemi çam dhe delimitimi i zonave detare, mbeten në tryezë pa asnjë moment përafrimi. Demarshet e para disa muajve të ministrit të Jashtëm grek, Nikos Kotzias, përfunduan pa rezultat, sa kohë që kërkesa kryesore e qeverisë shqiptare ishte heqja e ligjit të luftës, e cila mund të jetë edhe në funksion të aleancës së PS-së me PDIU-në.

Në një intervistë për “Albanian Daily News”, ambasadorja e Greqisë në Tiranë, Eleni Sourani ka konfirmuar qëndrimin e Greqisë për këto çështje.

Refugjatët ndezin sërish tensionet mes Gjermanisë dhe Greqisë. Ministri i Brendshën i Gjermanisë, Thomas de Maziere akzuoi Athinën zyrtare se ka dështuar në regjistrimin e refugjatëve në kufijtë e jashtëm të BE-së çka sipas tij ka sjellë vendime si ato në Hungari ku janë ndërtuar mure për ndalimin e depërtimit të refugjatëve.

Maziere ka shkuar shumë larg kur duke cituar Traktatin e Dublinit 2, ka deklaruar se këto akte duhen shoqëruar me pasoja për Greqinë, të cilat do të konsistonin në kthimin e refugjatëve pas në Greqi.

Shprehja që e bëri të njohur dhe shoqëroi rrugëtimin e tij si rekordmen i botës dhe kampion Olimpik ishte se çdo peshë e ngritur kishte një motiv "Për Greqinë". Pirro Dhima, djali nga Himara që i dha Greqisë 3 medalje të arta olmipike dhe shumë medalje të tjera 12 vjet pas Olimpiadës së fundit që u mbajt në Athinë në 2004 akuzohet piblikisht se patriotizmin e shiti në emër të famës dhe përfitimeve personale.

Europa shënon nivelin më të ulët të papunësisë që prej vitit 2011. Sipas të dhënave më të fundit nga Eurostat, papunësia në Eurozonë është në nivelin 10.1%, ndërsa në Bashkimin Europian 8.6 %. Vendi me nivelin më të lartë të papunësisë është Greqia me 23.3%, e ndjekur nga Spanja me 19.9%, Kroacia me 13.2% dhe Qipro me 11.7%.

Lideri i opozitës greke, Kyriakos Mitsotakis ka folur për seksionin on line të «Deutsche Welle» në gjuhën greke, ku deklaroi se Greqia e ka nevojë urgjente të çlirohet nga mbitaksimi dhe populizmi i Aleksis Tsipras. Për këtë tha kreu i opozitës greke, nevojitet një ndjenjë e lartë politike dhe jo retorikë populiste. “Populizmi nuk mund të luftohet me populizëm”-tha kreu i Demokracisë së Re, duke shtuar se  Greqia aktualisht ka nivelin më të lartë të taksave mes vendeve evropiane. “Ne nuk mund të presim të ardhura të mëdha nga taksat e vazhdueshme.

Ushtria greke ka shtuar prezencën e saj në kufirin jugor të Shqipërisë pas 15 Qershorit. Një helikopter UH-1H Huey po kryen fluturime periodike në fshtarat kufitarë me Shqipërinë dhe siç raporton parapolitika.gr gjatë këtyre fluturimeve personeli ushtarak ka kryer takime edhe me banorë të zonave kufitare. Shtabi i Përgjithshëm ka sqaruar se patrullimet nga ajri bëhen për të rritur ndjenjën e sigurisë te banorët e fshtarave në kufi me Shqipërinë dhe se misioni i monitorimit do të vazhdojë përgjatë gjithë periudhës së verës.

Ka disa kohë që kriza në marrëdhëniet me Greqinë është evidente. Por ajo që nuk kuptohet mirë është se cilat janë përmasat e kësaj krize e cila u tonifikua edhe më në planin verbal e deklarativ pas vizitës së ministrit të Jashtëm grek Nikos Kotzias. Është e qartë se politika shqiptare po luan për qëllime elektorale e në funksion të aleancave me çështjet që ngërthejnë marëdhëniet me Greqinë. Ky tension priret të çlirojë energji favorizuese për retorikën nacionaliste, çka nuk e bashkon të gjithë klasën politike shqiptare.

Kryeministri grek, Aleksis Tsipras ka prezantuar një plan ambicioz për ristartimin e ekonomisë vendase, pas shtatë vjetër recesion. Prezantimi u bë të enjten në mbrëmje, pak orë pasi kreditorët kishin miratuar disbursimin e një pjese të këstit të kredisë për Greqinë.
Me këtë rast, Tsipras deklaroi se këto ditë po mbyllet cikli më i vështirë i programit të shpëtimit dhe se vendi po hyn në fazën e zhvillimit ekonomik.